Lam̧ōj Hosanna
Kiiō, ro jeiū im jatū rejitōnbōro, ilo ad kakeememej Visōn eo M̧oktata an Jemān im Nejin, jekar en̄jake bwe enaaj lukkuun ekkar bwe jen lan̄lōn̄ ippān doon im bōk koņaad n̄an Lam̧ōj Hosanna.
Lam̧ōj in ekwojarjar kar kōm̧m̧an jinointata ilo epepen in ilo kar aje eo an Kirtland Tampeļ ilo M̧aaj 27, 1836. Jej kiiō kōjerbale ilo iien aje ko an kajjojo tampeļ. Ej juon owōj eo ekwojarjar n̄an Jemed im eo Nejin, kōkallein iruj im em̧akūt eo an jarlepju eo ke Rilo̧mo̧o̧r ekar deļon̄e Jerusalem. Ikar barāinwōt kam̧oole ta eo Josep ekar en̄jake raan eo ilo Bukwōn Wōjke ko Rekwojarjar—n̄an kwaļo̧k, bwe Jemān im Nejin rej Armej ro raiboojoj me jej kabun̄jar n̄an er im nōbar er.
Ij kiiō kwaļo̧k kilen ad kōm̧m̧an wāween ad Lam̧ōj Hosana. Ilo aō kōm̧m̧ane, ij karuwaineneik ro m̧ōtta ilo media n̄an kōm̧m̧ane menin ilo ami kōjparok an kwojarjar im kautiej.
Kajjojo armej rej bōk juon an̄kijeeb erreo im emouj, jibwe tōrerein, im kajopepele ilo am̧ ba: “Hosanna, Hosanna, Hosanna, n̄an Anij im Ļaam̧ eo,” āliji jilu alen, ālkin wōt, kwonaaj ba “Amen, Amen, im Amen.” Ak eļan̄n̄e ejjeļo̧k am̧ an̄kijeeb mouj, komaron̄ kotak peim im kōjaļaaļe.
Ro jeiū im jatū, ij kiiō kūr tok kom̧ n̄an jutak im bōk koņaami n̄an Lamōj Hosana, ālkin wōt ej itok “Hosana Anthem” eo im jenaaj al kake1 “Jetōb an Anij.”
Kōn kōkkaļļe eo jān ritōl al eo, jouj im kobatok im al “Jetōb an Anij.”
Hosanna, Hosanna, Hosanna n̄an Anij im Ļaam̧.
Hosanna, Hosanna, Hosanna n̄an Anij im Ļaam̧.
Hosanna, Hosanna, Hosanna n̄an Anij im Ļaam̧.
Amen, Amen, im Amen.