Iien ko Rekakeememej ilo Kweilo̧k eo Eļap
Āinwōt an Būreejtōn Russell M. Nelson kallim̧ūr, kweilo̧k eo eļap in enaaj ben meļo̧kļo̧k e ilo elōn̄ wāween ko.1 Errein rej jet iaan iien ko rekakeememej ilo kweilo̧k eo eļap.
Kakōļļ Eo Ekāāl
Būreejtōn Nelson ekar kōjeļļā kōn kakōļļe eo ekāāl an Kabun̄ in (lale peij 73). Kakkōļļe eo ekoba etan Kabun̄ in epād lowaan juon rektān̄kōļ, ej jutak kōn juon dekā in jabōn em̧. Itulōn̄ in annan̄ eo an Kraist ium̧win arch eo, kakeememej kōj kōn Rilo̧mo̧o̧r eo im lōb eo An ejjeļo̧k kobban.
Naan in Kean̄ eo an Rūbkwi Iiō in Jepļaaktok eo.
Būreejtōn Nelson ekar riit “Jepļaaktok eo in Tarlep in Gospel eo an Jisōs Kraist: Juon Naan in Kean̄ in Rūbkwi Iiō in Jepļaaktok eo n̄an Laļ in,” eo ej kūr tok armej ro jān aolep jikin n̄an ekkatak bwe gospel in an Jisōs Kraist kar kōnono kake ilo Kallim̧ur Ekāāl ebar pād ioon laļ in rainin. Lukkuun ukook eo maron̄ lo ilo ilowaan kōbar eo im̧aan an māākjin in ilo 12 kajin ko. Membōr ro rej kōttar ukook eo n̄an kajin eo aer remaron̄ lo aurōkin ukook ko in naan in kean̄ in ilo ekkōnono eo an Būreejtōn Nelson (lale peij 91).
Juon Iien Rejtake Ritōl ro
Juon “ippān doon ekwojarjar” me kar kōm̧m̧ane ilo jibbon̄in Jabōt āinwōt m̧ōttan kakeememej rubuki iiō ko in Visōn eo M̧oktata an Kabun̄ in. Ilo kweilo̧k in ekwojarjar, Būreejtōn Nelson ekar tōl Rikwojarjar ro ilo Lam̧ōj Hosanna eo, juon en̄jake in ippān doon ilo nebar kar kōjerbale ilo iien ko raorōk āinwōt iien kōjeraam̧m̧an tampeļ ko (lale peij 92).
Kein Karuo Jitlo̧k an Aolepān Laļ in
Ruo alen ilo ratimjuon raan ko, Būreejtōn Nelson ej kūr laļ in n̄an jitlo̧k im jar “bwe nan̄inmej in eajedeed ipeļaakin laļ in en maron̄ bōjrak, rikōjparok ro ren pād ilo kōjparok, economy en kajoor wōt, im mour ko ren em̧m̧an” (peij 74). Jitlo̧k in kein karuo an aolepen laļ in ekar kōm̧m̧an ilo Good Bōļaide, Eprōļ 10, 2020.
Tampeļ ko Rekāāl
Būreejtōn Nelson ekar kōjjeļļāik karōk ko n̄an kalōk ralitōk tampeļ kāāl ko ipeļaakin laļ in (lale peij 115). Ewōr kiiō 167 tampeļ ko rej jerbal ipeļaakin laļ in.
Rikōnono Jodikdik ro
M̧wen̄an eo an joten in Jādede eo epād ekōnono ko jān ruo jodikdik ro, Laudy Ruth Kaouk im Enzo Serge Petelo, ro rekar kōnono kōn wāween an Priesthood eo kōjeraam̧m̧an jodikdik ro (lale peij ko 56 im 58). Em̧ōj an lōn̄ļo̧k jān 20 iiō ko jān ke ekar wōr jodikdik ro rej kwaļo̧k ilo kweilo̧k eo eļap.
Al ko Rekajoor
Nōm̧ba in al ko ilo kweilo̧k eo eļap kar rekooti m̧oktaļo̧k. Rikwojarjar ro ipeļaakin laļ in kar kōjem̧ļo̧k kweilo̧k eo eļap ilo aer kar al “Kimij Kamolol Yuk, O Anij, Kin Juōn Dri Kanan” ippān kūrup in al ko ilo Ghana, New Zealand, Mexico City, South Korea, Germany, im Brazil (lale peij 2).