Mālō e lelei mei Haʻamoa!
Talofa! (“Malō e Lelei” faka-Haʻamoá), ko Mako mo Paolo kimaua.
Kau mai ke tau ʻaʻahi ki Haʻamoa!
Ko Haʻamoá ko ha motu ia ʻi he Tahi Pasifikí. ʻOku ʻi ai ha motu lalahi ai ʻe ua mo ha fanga kiʻi motu iiki ʻe fā.
Ko hono tohi faka-Haʻamoa eni ʻo e “Ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní”: O Le Ekalesia a Iesu Keriso o le Au Paia o Aso e Gata Ai.
ʻOku nofo ha kakai tokolahi ʻi Haʻamoa ʻi ha ʻū fale, ʻa ia ʻoku ʻikai hano holisi. ʻOku tafu e haka ʻi ha afí ʻi tuʻa.
Ko ha meʻakai manakoa e niú ʻi Haʻamoa. ʻOku tokoni e taha kotoa ke toli ia pea toʻo e konga ki tuʻá. ʻOku faʻa fakaʻaongaʻi e ngeʻesi niú ke tafu ʻaki e afí ki he feihaká.
ʻOku manako e kau Haʻamoá ke nau hiva! ʻOku teuteu e fānau ko ʻení ke nau hiva ʻi he Palaimelí.
ʻOku ʻikai teitei mamaʻo e kau Haʻamoá mei he tahí, koeʻuhí ko ʻenau nofo he ʻotu motú.
ʻOku tauhi ʻe ha kakai tokolahi e fanga puaká mo e moá pea fakaʻaongaʻi e fanga kulií ki he tulimanú.
Feʻiloaki mo ha niʻihi ʻo hotau ngaahi kaungāmeʻa mei Haʻamoá!
ʻOku ou manako ke hiva e ngaahi hiva Palaimelí. ʻOku ou saiʻia taha ʻi he “Mother, Tell Me the Story” mo e “Fānau au ʻa e ʻOtuá.”
Mele V., taʻu 5, Savai’i, Haʻamoa
ʻOku ou ʻiloʻi ʻoku fanongo pea tali mai ʻe he Tamai Hēvaní ʻeku ngaahi lotú.
ʻĀleki S., taʻu 11, ʻUpolu, Haʻamoa
ʻOkú ke haʻu mei Haʻamoa? Tohi mai kiate kimaua! ʻOkú ma fie fanongo meiate kimoutolu.
Fakamālō atu ʻi hoʻomou fie mamataʻi ʻa Haʻamoa mo kimauá. Tau toki sio!
Ngaahi ta fakatātā ʻa Katie McDee; tā ʻo e fanga puaká mei he Getty Images