“?Olsem wanem mi faenem ol fren wetem ol gudfala standet?”

Fasin Blong Stap Kaen Hem I Ki

Soem lav long olgeta mo stap kaen. Soem se yu kea long olgeta mo long hapines blong olgeta. Sapos oli no soem se oli kea long yu mo oli no kaen, ating bae yu no wantem blong gohed wetem frensip ia.

Madi B., 15 yia, Arisona, YSA

Laef Folem Ol Standet blong Yu

Stap olsem wan eksampol blong stap laef blong ol standet blong yu. Mo sapos yu gat ol fren we oli no gat semmak standet wetem yu, soem long olgeta se oli spesel long ae blong God. Jisas i lavem evriwan mo tijim olgeta blong folem ol rod blong Hem.

Bernard B., yia 19, Palawan, Filipin

Serem Gospel

Yu save faenem ol niu fren wetem ol gudfala standet taem yu go wetem ol misinari blong tij. Olgeta i save sam yangfala pipol we i nidim wan fren long Jos.

Elda Quintailla, yia 20, Barbados Bridgetaon Misin

Prea from Ol Fren Blong Yu

Mi prea fulap blong luk sapos ol fren blong mi oli ol raet wan we oli save helpem mi blong leftemap standet blong mi mo testemoni blong mi long Jisas Kraes.

Imanol M., 18 yia Jihuahua, Meksiko

God Bae I Helpem Yu

Mi faenem aot se sapos mi mi go blong lukaotem ol pipol we oli soem laet blong Kraes, hem i mekemevri samting i defren. Papa long Heven i save wanem hat blong yumi i wantem mo sapos yu mekem pat blong yu, afta bae Hem i ansarem ol prea ia.

Olivia T., 18 yia, Yuta, YSA