Lukaotem Kraes long Bigfala Tudak blong Ponografi

Pikja

couple on a beach

Foto i kam long Getty Images, oli yusum ol pikja blong sam stampa tingting, i kam long ol model

Blong planem ol atikol blong ol yang adalt, mifala i bin spenem fulap taem blong tingting long ol problem we oli stap fesem naoia. Oli plante tumas. Be taem mifala i stap lukluk raon long ol aedia blong manis ia, i lidim mifala i go long topik ia we i afektem yumi wanwan, ol fren blong yumi, mo fulap nara samting: deiting mo ponografi. Mifala i bin save se blong planem seksen ia bae i had. Afta long evri samting, ponografi i afektem plante pipol long ol wei we i mekem hat i brok mo sam taem spolem laef. Mo blong ol singgel adalt, i save mekem fiuja blong olgeta i had olsem we i stap finis, speseli taem oli stap rere blong mared.

Mifala i bin luk han blong Papa long Heven taem i stap gaedem mifala long wok blong mifala taem mifala i stat blong kasem ol stori long ol yang adalt we ponografi i afektem rilesensip blong olgeta. Mo yumi luk se hem moa bitim wan smol saen nomo blong hop blong wan mared we i no save finis we i hapi mo fri long ol adiksen. ?From wanem? From wanwan long ol stori i testifae long hiling paoa blong Jisas Kraes mo Atonmen blong Hem we i save jenisim laef mo givim hop.

Sapos yu faenem yuwan long wan rilesensip we ponografi i afektem, mifala i invaetem yu blong ridim seksen blong manis ia, wetem ol atikol we ol narawan we oli save gud se traehad agensem ponografi hem i ril. Ol atikol ia i kavremap ol topik long olsem wanem blong stat tokabaot ponografi taem yu stap deit mo hao blong tokbaot (pej 44), hao blong ansa taem wan man i talem se hem i stap traehad wetem ponografi (dijitol nomo), olsem wanem fogivnes mo hiling i posibol blong tugeta pipol (dijitol nomo), mo olsem wanem Spirit i save lidim yu blong save olsem wanem hao blong gohed wetem rilesensip blong yu (dijitol nomo).

Mifala i save se sapos yu dipen long Sevya mo invaetem Spirit long laef blong yu taem yu stap lukaotem ol ansa, Papa long Heven bae i lidim yu long stret daereksen blong situesen blong yu ia we i difren long ol narawan we yu stap long hem. Bigfala tudak blong ponografi bae fulap man long wol bae oli save gud long hem, be hiling laet blong Sevya i winim eni tudak. Yumi jes nid blong lukaotem Hem.

Wetem tru hat,

Chakell Wardleigh mo Mindy Selu

Jos Magasin blong yang adalt seksen blong ol edita

Bes Advaes …

Long manis ia mifala i bin tekem kaonsel blong Presiden M. Russell Ballard, Akting Presiden blong Kworom blong Olgeta Twelef Aposol, be i no askem bes advaes blong ol yang adalt blong wan we boefren o gelfren blong hem i stap fesem hadtaem wetem ponografi. Hem i bin kaonsel se:

“Evriwan we yu mitim bae oli bin gat ol jalenj long laef. Ponografi hem i wan long ol bigfala jalenj yumi fesem tedei. Be, i luk olsem ponografi i stap win blong spolem ol laef,rilesensip, mo famli.

“Eniwan we i wantem blong mared i gat raet blong save evri samting mo ful onesti blong man o woman blong hem long fiuja. Toktok wetem wanwan long yutufala mo faenemaot wea ples hat blong wan i stap long hem mo wanem hem i stap mekem blong kam ‘wan sent tru long atonmen blong Kraes we i Lod’ (Mosaea 3:19). …

“Sapos yu stap long wan rilesensip we deit blong yu i stap traem blong faenem fridom long yus blong ponografi evri dei o adiksen long ‘niufala drag ia,’ yu save helpem hem. Fulap man mo woman i safa kwaet from yumi stap tokbaot nogud olgeta we oli adik long lukluk ponografi mo no stap luksave. Ol papa mo mama, memba blong famli, mo fren oli save mekem fulap moa blong helpem olgeta we oli stap long trabol blong stap wantem blong lisin mo givim sapot mo blong leftemap olgeta.

“I no mata, ol boefren mo gelfren oli no responsibol blong ‘sevem’ ol fren blong olgeta long sin; wanwan man i gat responsabiliti ia blong olgeta wan.

“Yu save disaed blong yuwan, wetem help blong Lod, long hao blong gohed wetem wan rilesensip we ponografi i plei wan rol long laef blong hem we bae i kam kompanion blong yu long fiuja. Sapos yu jusum blong gohed wetem rilesensip ia wetem wan we i stap fesem hadtaem wetem temtesen ia, helpem hem blong lukluk long God long prea, fasin blong lego kakae mo stadi olgeta skripja evri dei. Antap long hemia, leftemap tingting blong visit wetem mama mo papa, ol famli memba,prishud lida, mo profesenol kaonsela blong gat moa help mo sapot.

“I gat hop oltaem sapos oli jus wetem wan tru hat blong faetem faet ia. !Bae hem i no isi, be i moa gud!”

I kam long wan kwestin-mo,-ansa adres we i kam long Brigham Yang Yunivesiti long 14 Novemba 2017.

?Wanem i bes advaes we yu bin kasem blong stap plan blong fiuja? Sendem ol ansa blong yu kam long liahona.ChurchofJesusChrist.org bifo 31 Oktoba 2019.