Tempol Jalenj
I Kam long Sister Joy D. Jones
Paemeri Jeneral Presiden
“Mo hat blong ol pikinini i tanem i go long papa blong olgeta” (Doktrin mo Ol Kavenan 2:2).
Wan Sandei mi mo ol kaonsela blong mi i visitim wan Jos miting. Mifala i bin givim ol toktok abaot tempol mo ol spesel samting we i hapen longwe. Afta long miting, wan 12 yia pikinini boe we nem blong hem Colby i kam long mi mo sekhan wetem mi. Mitufala i storian abaot tempol. Mo afta mi givim wan jalenj long hem blong faenem wan nem blong tekem i go long tempol.
Wan sam taem afta, mi kasem wan leta long Colby. Hemia wanem Colby i talem long mi:
“Mi kasem haos mo faenem wan niu nem. !Mi faenemaot se hem i nambatri bigfala-apu man blong mi!
“Sam taem afta mi go long tempol mo mekem baptaes blong hem. Hem i spesel from brata blong mi i baptaesem mi mo papa blong mi i konfemem mi long bihaf blong hem.
“Mi gat wan wom filing insaed we i karem pis i kam. Mi filim se wanem mi mekem blong apu man blong mi i gud tumas from naoia hem i save go long selestial kingdom blong stap wetem ol famli blong hem. Ful dei ia, mi harem gud tumas.
“!Mi faenemaot tu se i nogat man i save huia i papa mo mama blong nambatri bigfala apu man blong mi, mekem se mi save faenem nem blong olgeta mo karem i go long tempol tu!”
!Colby i soem wan gudfala eksampol! I nomata hamas yia yu gat, yu save stap olsem wan eksampol blong famli mo ol fren blong yu. !Yu save serem gospel wetem evriwan we yu save—iven ol bubu blong yu!