Jisas I Lavem Ol Pikinini Blong Yumi

Mi spenem fulap taem blong tingting abaot ol pikinini. Mi lavem ol pikinini long grup blong famli mo ol fren blong mi. Antap long hemia, wok blong mi wetem Jos magasin i blong mekemap mo editim ol pej blong ol pikinini raon long wol. Be sam yia i pas, mi kam blong luk save se mi neva stadi long wanem olgeta skripja i tijim abaot ol pikinini. Mekem se mi disaed blong ridim Niu Testeman mo Buk blong Momon mo blong lukluk moa long wanem mi save lanem abaot spesel grup ia.

!Hem i wan aktiviti we i jenisim laef! Afta long fulap trutok mi bin faenem, trutok we i gat moa valiu i save ia we i kam moa bigwan long hamas Jisas i kea long ol pikinini. Hem i givhan long ol pikinini olsem wan defren grup, we i stap hemwan aot long ol narawan, bakegen mo bakegen. ?Olsem wanem nao yumi save folem eksampol blong Hem?

Atikol blong mi long pej 18 i serem sam lesen we mi karem long skripja-stadi eksperiens, tugeta wetem sam aedia mo tingting long sam long ol man we oli gat moa save long hao blong stopem abius.

Ol pikinini oli impoten tumas. !Mi hop se yumi save wok tugeta blong protektem mo givim givim moa paoa long olgeta, blong tritim olgeta olsem we Jisas i wantem!

Wetem lav,

Marissa Widdison