!Alo i kam long Demokratik Ripablik blong Kongo!
!Alo, mitufala Margo mo Paolo!
Mitufala i stap visitim Demokratik Ripablik blong Kongo, o D. R. Kongo.
D. R. Kongo hem i long sentrol Afrika. I gat samples 80 milian pipol oli stap laef longwe.
Renfores i kavremap wan bigfala pat blong D. R. Kongo. Hem i kam hom blong fulap animol olsem, ol elefen, ol gorila, mo ol rino. Animol ia oli singaotem wan okapi.
Oli save gud D. R. Kongo long ol naesfala tradisen pikja blong olgeta, wetem ol kaving long wud, ol baket we oli wivim, mo ol giaman fes.
Ol misinari long jos blong yumi oli stat blong tijim ol pipol long D. R. Kongo long 1986. Naoia kolosap i gat 60,000 pipol longwe we oli memba blong Jos Ia blong Jisas Kraes blong Ol Lata-dei Sent.
Long D. R. Kongo, plante longol pipol i toktok franis lanwis long jos. Hemia i ofisol lanwis blong kantri ia. !Be i gat kolosap 250 defren lanwis we oli toktok long hem long D. R. Kongo!
!Be long yia ia, D. R. Kongo i gat fas tempol blong hem! Ol memba blong Jos oli glad tumas blong gat wan tempol long kantri blong olgeta.
Tangkyu blong wokbaot long D. R. Kongo wetem mifala. !Lukim yu nekis taem!