?Wanem nao lukluk blong Jos long saed blong envaeronmen?

Wan ki toktok blong andastanem tingting blong yumi long envaeronmen i blong stap lukaotem gud. I no minim se wol ia i blong ol pipol mo oli save yusum olsem we oli wantem be yumi responsibol long olsem wanem yumi yusum ol risos blong hem (luk long Doktrin mo Ol Kavenan 104:13–14). I nomata “i gat inaf i stap mo inaf blong serem” (Doktrin mo Ol Kavenan 104:17), God i wante yumi blong yusum ol samting blong wol ia long gudfala wei (luk long Doktrin mo Ol Kavenan 59:20).

God i krietem wol ia mo talemaot se kriesen blong hem i “gud tumas” (luk long Jenesis 1:1,31). Wol ia oli krietem blong putum ol pikinini blong God insaed mo olsem pat blong plan blong Hem we i blong sevem man. Wol ia hemwan bae i kam tabu mo kasem wan selestial glori (luk long Doktrin mo Ol Kavenan 88:18–19).

God i no krietem wol ia blong oli yusum nomo be i mekem i naes tu. Ol samting wol blong ia “oli stap blong helpem man mo blong man i yusum, tugeta blong naes long ae blong hem mo blong i mekem hat blong hem i glad” mo tu “givim paoa long sol” (Doktrin mo Ol Kavenan 59:18–19).

Yumi mas givim ona long God long fasin blong talem tangkyu long kriesen blong Hem, mo stap traehad blong kipim i naes. Yumi mas sevem ol risos, protektem neja, mo no mekem tumas polusen mo toti.