Ongoongo Fakalotofonuá
Kumi Hūfanga e Kau Mahaki ʻa e Falamahakí ʻi ha ʻApiako Siasi
Ne maʻu ha kole fakavavevave ʻi he pongipongí mei he falemahaki ʻa ʻEuá ʻi Tonga, ki he puleako ʻo e ʻApiako Lotoloto ʻa e Siasí ʻi ʻEuá, ʻAloine Lupe Havea.
Ne fakahoko ange ki ai e ngaahi maumau lahi ne hoko ki he falemahakí mei he Matangi ko Kení pea ne nau fie maʻu ha hūfangaʻanga mo ha nofoʻanga maʻa ʻenau kau mahakí. Naʻe maumau lahi foki mo e fale ʻa e puleʻangá, ʻa ia naʻe angamaheni ke fakaʻaongaʻi ko ha haoʻanga mei he matangí.
Naʻe tāpuni e ako lotolotó pea faingamālie ke hoko ko ha falemahaki fakataimi.
Ne fāʻeleʻi ʻe ha faʻē ha kiʻi pēpē tangata lolotonga e felēleaki holo he maumau lahi ne hoko ʻi he matangí. Ne ʻave leva e faʻeé fakataha mo hono foha valevalé mo ha kau mahaki kehe ki he ʻapiakó.