Naʻe ongo kiate au e pōpoaki ʻa Palesiteni Nalesoni ʻi he konifelenisí ʻoku folofola mai e ʻOtuá ke fakahā mai e meʻa ʻokú Ne finangalo ke u fakahokó. Naʻá ku fakakaukau ke u feinga ke fakahoko ia he ʻahó ni. Naʻá ku lotua te u lava ʻo hoko ko ha tokoni ki ha taha pē ʻi he ʻahó ni. Hili e kaihoʻataá naʻá ku loto ke ʻutu ʻeku kaá. Ne u fakakaukau naʻe ʻi ai ha taha ne fie maʻu ke u ʻutu ʻene meʻalelé. Ne kiʻi taʻepauʻia ka ne u fakakaukau, “Tau toki sio pē”. Ne u kamata ʻutu ʻeku meʻalelé. Ne ʻi ai ha kiʻi veeni ne tuʻu ange ʻi hoku tafaʻakí, pea hifo mai ha fefine mo haʻane tamasiʻi. Naʻá ne toʻo hake ki tuʻa ʻene pēsí pea hangē naʻá ne fiukumi ha meʻa ʻi lotó.
Ne u fakaʻosiʻosi ʻeku ʻutú mo ʻeku fanongo ki he pehē loto manavasiʻi mai e fefine, “Kātaki muʻa.” Naʻá ku tafoki ʻo sio atu ki heʻene fofonga hohaʻá.
Naʻá ku talaange kiate ia ne totonu ke u totongi ha ʻutu ʻa ha taha he ʻahó ni. “Ko koe ʻa e tokotaha ko iá? Ne fakaʻohovale e kamata ke ʻalunoa pē hono loʻimatá. Naʻá ku pehēange, “ʻOku ʻi ai ha taha ʻokú ne tokangaekina koe ʻi he ʻahó ni.” Naʻá ku takai hake ʻo mono atu ʻeku kaati fakamoʻuá. Naʻá ku heka leva ki loto ki heʻeku kaá ʻo ʻalu mo ʻeku ʻiloʻi fakapapau ʻoku ʻi ai ha tokotaha ʻi ʻolunga ʻokú ne tokangaekina foki mo au. “Fakamālō ki he ʻOtuá ko ha palōfita!”
—Jonathan Benson, vahevahe ʻa e talanoá ʻi he peesi Facebook ʻa e Liahona