O Lau Molimau ma le Tusi a Mamona

O tala e tolu mai le autalavou e uiga i le auala ua suia ai e le Tusi a Mamona o latou olaga.

young man studying the scriptures

Na saunoa mai Iosefa Samita e faapea, o le Tusi a Mamona “o le tusi aupito sili ona saʼo i soo se isi lava tusi i luga o le lalolagi, o le maaʼauʼau foi lea o la tatou tapuaiga, e sili foi ona latalata atili atu o le tagata i le Atua i lona ola ai i ona mataupu, nai lo se isi lava tusi” (faatomuaga i le Tusi a Mamona O le Tusi a Mamona o se molimau mamana ia Iesu Keriso ma Lana talalelei toefuataiina. O le iloaina e moni e suia ai mea uma.

O tagata na tusia molimau nei sa oo ina liliu mai ia Iesu Keriso ma Lana talalelei ona o o latou aafiaga i le faitauina ma tatalo e uiga i le Tusi a Mamona. O le faitau ma tatalo faamaoni e uiga i le Tusi a Mamona, e mafai foi ona suia ai lou olaga.

E Mafai Ona E Iloa mo Oe Lava

Pe ua i ai sau molimau o le Tusi a Mamona, pe e te manao e maua lena molimau mo oe lava ia, o le faitau ma tatalo e uiga i le Tusi a Mamona o le a faalolotoina ai lou liua.

E fesoasoani le Tusi a Mamona ia i tatou uma lava e faalatalata atili atu ai ia Iesu Keriso. O le Tusi a Mamona o le a fesoasoani e te iloa ai, o Iesu o le Keriso, o Iosefa Samita o se perofeta, ma O Le Ekalesia a Iesu Keriso o le Au Paia o Aso e Gata Ai o le Ekalesia moni a le Atua i luga o le fogaeleele. Ia tatala lou loto a o e susueina ona itulau, ma o le a e vaai i le auala e mafai ona suia ai lou olaga mo le lelei sili atu.

• Tau Lava o le Faitau ma Tatalo

  Michael Peak

• Taliaina o le Lu’i a se Perofeta

  Portia Marjorie J. Alvaro

• O Le Tusi Na Laveaiina Lo’u Ola