Autalavou
Ia Viia Oe, Le Atua, mo se Perofeta
Na faapefea ona uunaia oe e lo tatou perofeta o Peresitene Thomas S. Monson? O a ni mea o le a sili ona e manatua e uiga ia te ia? Mafaufau e tusi i lau api o talaaga e uiga ia Peresitene Monson ma lona soifuaga—o le tele lava e pei ona ia faamatalaina i lenei savali, o uunaiga a perofeta taitasi na ia manatuaina.
Atonu foi e te manao e filifili se upusii e sili ona e fiafia i ai mai ia te ia, ma tusi i se mea o le a e vaaia soo ai, e pei o luga o se faila aoga po o se faamatalaga i totonu o lou potu. E mafai foi ona e faia ai se ata o le upusii e fai ma ata pito i tua o lau telefoni! I taimi taitasi e te vaai ai i le upusii, e mafai ona e manatunatu i le taua o se perofeta soifua ma manatua ai, o loo i ai o ia iinei e alofa ma taiala i tatou i aso nei.