O La Tatou Avanoa

2017

O La Tatou Avanoa

Setema 2017

O La Tatou Avanoa

O Faamanuiaga o le Seminare

I le taimi o lo’u tausaga lua i le seminare, sa na o le toatolu tamaiti aoga o le matou vasega, ae sa i ai sa matou faiaoga ofoofogia o le sa fiafia e faasoa mai le talalelei ia i matou. I se tasi o vasega, sa matou aoao ai pe toafia ni tagata sa manatu o le a taapeape le Ekalesia ina ua maliilu Iosefa Samita ma lona uso o Ailama. Peitai, sa manatua e isi uluai tagata o le Ekalesia, o le Ekalesia lenei a le Atua, ae le o se Ekalesia a se tagata. Sa aoao mai lo matou faiaoga ia i matou e faapea, o le a le iuvale le Ekalseia aua o le Ekalesia a Iesu Keriso.

E le masalomia lava, na suia o matou olaga i lena lesona. I lena aoauli, sa matou filifili ai o le a matou auauna atu i le Alii ma o matou loto, agaga, mafaufau, ma malosi atoa. Sa matou saunia e auauna atu i ni misiona talai. Sa faaauau pea ona ou auai i le seminare.

I le aluga o tausaga e lua na sosoo ai, sa mafai ona ou iloa le ala na faamanuiaina ai lo’u olaga i le auai i le seminare, faapea foi ma le auala na faafaileleina ai la’u molimau ma lo’u naunau e auauna atu ona o sauniuniga e auauna atu i le Alii.

O le auai i le seminare sa faamautuina ai ia te au lo’u faapitoa tele i le Tama Faalelagi. Ua fesoasoani ia te au e faaaoga le talalelei i lo’u olaga, ma le mea aupito taua, ua fesoasoani ou te malamalama ai o le talalelei e le o se mea nao Aso Sa tatou te ola ai. Sa faamautuina i le seminare lo’u manao e auauna atu i se misiona. E leai so’u masalosalo o loo i ai pea faamanuiaga o le seminare i lo’u olaga. E leai se tasi na fai mai o le a faigofie, ae afai o le a tatou filifili e auai i le seminare, o le a faamanuia i tatou e le Alii, ma o le a tuu mai ia i tatou le malosi e tatau ai e faataunuu ai manaoga o o tatou loto.

Begona C., Guayaquil, Ekuatoa