O Se Atavali o Keriso
O po uma o Aso Sa ma te saofafai ai i lalo ma lou tama ma ma galulue i au sini i lau tamaitusi o le Faatuatua i le Atua. O se tasi o sini sa ou manao e faauma mo le atiina ae o taleni o le valiina o se ata o Keriso.
Ina ua uma ona ou faatuina le sini, sa valaaulia au e sau uo mai le aoga i lana uluai komenio. O le uluai komenio o se sauniga faaiptoa lea i le Ekalesia Katoliko. O le taimi muamua lea o se tagata e ai ma inu ai i le faamanatuga. Sa tele ni mea sa fai e lau uo e sauniuni ai mo lana uluai komenio, ma sa ou iloaina sa taua tele ia te ia.
Sa tonu ia te au e vali le ata o Keriso e ave atu o se meaalofa ia te ia. Sa ou galue malosi i lau ata. Ina ua uma, sa ou faatau mai se faavaa manaia lava e tuu i ai ma avatu loa i lau uo. Sa matuai faafetai o ia mo le ata. Sa ou maua se lagona lelei i lou loto e ave atu ia te ia, ma e avea o se vaega o lona aso faapitoa.