យោបល់សម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ ខាងក្រោមនេះគឺជាឧទាហរណ៍ពីរ ។
« ពួកគេបានឃើញទ្រង់ » ទំព័រ ៥៨ ៖ តើការធ្វើជាសាក្សីអំពីព្រះគ្រីស្ទ មានន័យដូចម្តេច ? បន្ទាប់ពីអានអត្ថបទនេះជាគ្រួសារមក អ្នកអាចពិភាក្សាអំពីរបៀបដែលអ្នកអាចធ្វើជា សាក្សីអំពីព្រះគ្រីស្ទ ទោះបីជាពុំបានឃើញព្រះកាយទ្រង់ផ្ទាល់ក្តី ។ អ្នកអាចគិតអំពីយោបល់នានា ដើម្បីខិត កាន់ តែជិតព្រះអង្គសង្គ្រោះ ដូចជាការស្វែងរកឱកាសដើម្បីបម្រើដល់ជនភៀសខ្លួននៅក្នុងសហគមន៍របស់អ្នក រៀនអំពីព្រះជន្មរបស់ព្រះអង្គសង្គ្រោះអំឡុងពេលសិក្សាព្រះគម្ពីរ ជួយមើលកូនឲ្យគូស្វាមីភរិយា ដើម្បីពួកគេអាចចូលរួមនៅព្រះវិហារបរិសុទ្ធ ឬ ជួយដល់មិត្តភក្តិដែលខ្វះខាត ។ អ្នកអាចមើលវីដេអូនៅគេហទំព័រ mormon.org/easter ហើយពិចារណាអំពីសារៈសំខាន់របស់ព្រះគ្រីស្ទ និង ការមានព្រះជន្មរស់ឡើងវិញនៅក្នុងជីវិតរបស់ពួកយើង ។
« រៀបចំខ្លួនសម្រាប់ព្រះវិហារបរិសុទ្ធរៀងរាល់ថ្ងៃ » ទំព័រ ៦៩ ៖ ស៊ិស្ទើរ ចយ ឌី ចូនស៍ រំឮកពួកយើងអំពីសារៈសំខាន់នៃការដាក់ព្រះវិហារបរិសុទ្ធ និង ការធ្វើកិច្ចការពង្សប្រវត្តិជាអាទិភាពក្នុងជីវិតរបស់យើង ជួយយើងឲ្យរៀបចំខ្លួនចូលព្រះវិហារបរិសុទ្ធ ។ អ្នកអាចគិតអំពីការធ្វើ « រាត្រីពង្សប្រវត្តិ និង ព្រះវិហារបរិសុទ្ធ » សម្រាប់រាត្រីជួបជុំក្រុមគ្រួសារ ។ អ្នកអាចរៀនអំពីរបៀបធ្វើលិបិក្រមឈ្មោះ ហើយស្រាវជ្រាវរកកំណត់ត្រាគ្រួសារ ឬ ពិភាក្សាអំពីសារៈសំខាន់នៃពិធីបរិសុទ្ធក្នុងព្រះវិហារបរិសុទ្ធ ហើយមើលរូបភាពនៃព្រះវិហារបរិសុទ្ធនៅជុំវិញពិភពលោក ។ ប្រសិនបើអ្នករស់នៅជិតព្រះវិហារបរិសុទ្ធ អ្នកអាចទៅលេងបរិវេណព្រះវិហារបរិសុទ្ធ ហើយពិភាក្សាអំពីរបៀបដែលព្រះវិហារបរិសុទ្ធ អាចនាំយើងឲ្យខិតកាន់តែជិតព្រះវរបិតាសួគ៌ និង ជួយយើងឲ្យទទួលអារម្មណ៍នៃក្តីស្រឡាញ់របស់ទ្រង់ ។