Ko ha tamasiʻi au, pea ʻoku ou fie fakalotolahiʻi ʻa e kau finemuí ke nau tui ʻa e vala ʻoku tāu angé. Ka ʻe founga fēfē haʻaku fai ia kae ʻikai hā fakamatatuʻa?

ʻOkú ke moʻoni ke mātuʻaki tokanga ʻaupito ʻi he tafaʻaki ko ʻení. Neongo ʻoku fakataumuʻa pē ha kau finemui ia ʻe niʻihi ke nau tui ha vala ʻoku ʻikai tāú, ka ʻoku ʻi ai ha tokolahi te nau loto mamahi ka pehē ʻe ha taha ʻoku ʻikai ke nau teunga taau. Ko ia tokanga pea ʻai ke tatau. ʻI he taimi ʻoku mapuna hake ai e tefito ʻo e teunga tāú, tuʻukāivi hono poupouʻi e tuʻunga moʻui tāu ʻa e ʻEikí, kae ʻoua naʻá ke valokiʻi ʻa e fakafoʻituituí. Fakapapauʻi foki ʻoku fenāpasi e tuʻunga ho teuteú mo e angafaí pea mo hoʻo tuí. ʻOku fakatokangaʻi ʻe he kau finemuí ʻa e anga hoʻo teuteú, pea ʻoku nau fakatokangaʻi foki pe ʻokú ke tokanga ange ki he kau finemui teunga taʻetāú pe ko e kau finemui teunga tāú.