Ngaahi Kaungāmeʻa ʻi he Funga Māmaní
¡Hola, amigos!*
Ko Mahonilai mo Hilamani kimaua mei Mekisikou
Fakamāʻopoʻopo hoʻo kató! Haʻu ʻo feʻiloaki mo ha ngaahi kaungāmeʻa ʻi he funga ʻo e māmaní!
Ko Mahonilai mo Hilamaní ko ha ongo tautehina ʻokú na nofo he matāfanga ʻo Mekisikoú. Naʻe fakahingoa kinaua heʻena ongomātuʻá ki ha ongo tangata maʻongoʻonga mei he Tohi ʻa Molomoná. Ko Mahonilai Moliani Kamá ko e tokoua ia ʻo Sēletí. Naʻe mamata ki he toʻukupu ʻo e ʻEikí. Ko e ʻEikitau ko Hilamaní ko ha taki anga māʻoniʻoni. Naʻá ne taki ʻa e kau tau lototoʻa ʻe toko uaafé.
ʻOku ʻamanaki ʻa e ongo tautehiná ni ke na moʻui fakatatau mo e hingoa naʻe ʻoange ʻe heʻena ongo mātuʻá. ʻOkú na loto ke na tatau tofu pē mo Mahonilai pea mo Hilamani ʻi he Tohi ʻa Molomoná.
Naʻe silaʻi ʻema ongomātuʻá ʻi he Temipale Kuatalahala Mekisikoú ʻi he 2003. Ko e temipale ofi taha ʻeni ki he feituʻu ʻoku mau nofo aí. ʻOku feʻunga mo ha houa ʻe ono ke lele meʻalele ki ai. ʻOku ma saiʻia ke ō ki he temipalé pea mo ʻiloʻi ʻe ʻi ai ha ʻaho te ma hū ai ki loto, ʻo tatau pē mo ʻema ongomātuʻá.
ʻOku ma saiʻia ke feohi ko e fāmili. Ko e Tokonaki kotoa pē ʻoku mau ō ai ki he matātahi ofi ki homau ʻapí. ʻOku mau kai uloulaʻāvai—ko ʻemau meʻakai ʻoku mau saiʻia taha aí—mo e tako mo e tōtasi (ko ha faʻahinga sanuisi). ʻOku mau lue he Malekoní, pe hala he matātahí. ʻOku mau langa ha ngaahi kāsolo ʻoneʻone mo vaʻinga ʻi he loto tahí.
ʻOku Ou Fie Sio he Temipalé
Ko e Temipale Kuatalahala Mekisikoú ko e fika 11 ʻaki ia e ngaahi temipale ʻe 13 ʻi Mekisikoú.
Mateuteu ke ō!
Naʻe ʻosi fonu e ongo kato ʻa Mahonilai mo Hilamaní ʻi he ngaahi meʻa ʻe niʻihi ʻokú na saiʻia taha aí. Ko e fē ʻi he ngaahi meʻá ni te ke faʻo ʻi hoʻo kató?
Taá naʻe fai ʻe Juan Carlos Santoyo; tā fakatātaaʻi ʻe Thomas Child