BibleVideos.LDS.org Ko ha Meʻaʻofa ki Māmani

Lolotonga ‘e Fakataha Lotu Faka-Kilisimasi ʻa e Kau Palesitenisī ʻUluakí, ne fakamatalaʻi ai ‘e he kau taki ‘o e Siasí ‘a e Uepisaiti ki he Ngaahi Filimi Vitiō ‘o e Moʻui ‘a Sīsū Kalaisi ʻi he Tohi Tapú, ko ha “meʻaʻofa” ki māmani.

Ko e BibleVideos.lds.org ko ha tānakiʻanga ia ‘o ha ngaahi filimi vitiō nounou ‘oku nau ‘omi ha ngaahi ‘ata mei he moʻui ‘a Kalaisí, ‘o kamata mei hono tomuʻa fakahā ‘e he ‘āngeló hono ʻaloʻi ‘o Kalaisí ‘o aʻu ki he Toetuʻu ‘a e Fakamoʻuí.

Naʻe fanongonongo ‘e Palesiteni Henelī B. ‘Aealingi, ko e Tokoni ‘Uluaki ‘i he Kau Palesitenisī ‘Uluakí, ‘a e uepisaití ni lolotonga e fakataha lotú.

Naʻá ne pehē, “ʻE ngali fakanonoa kiate kimoutolu, ‘o hangē ko e ngaahi folofola ‘oku muimui pau ki ai ‘a e ngaahi filimi nounoú ni. Ka ‘e hanga ‘e hoʻomou tuí pea mo e Laumālie Māʻoniʻoní ‘o fakahoko ‘a e ngaahi ongo ‘oku taau mo e ngaahi meʻa ko ‘eni kuó ne liliu ‘a e māmaní.”

Ko e ngaahi ‘ata mo e fakamatala ki he ngaahi filimi vitioó ne toʻo ia mei ha ngaahi faitā naʻe fai ‘i he feituʻu faʻuʻanga heleʻuhila foʻou ‘a e Siasí ko e LDS Motion Picture Studio South Campus ‘i Kōseni ‘i ‘Iutā, ‘a ia ne kamata ai ‘i ‘Aokosi ‘o e 2011 ‘a e ngāue ki he Fuakava Foʻoú.

ʻE ‘omi ‘e he ngāue ko ‘ení ha fanga kiʻi foʻi filimi vitiō ʻo lahi ange he 100 fekauʻaki mo e moʻui ‘a Kalaisí, ‘a ia ‘oku toʻo fakahangatonu pē mei he Tohi Tapú ʻi he liliu ʻa e Tuʻi ko Sēmisí [King James Version].

ʻOku ‘i ai ha nāunau fakafaingofuaʻi ki hono mamataʻi ‘o e uepisaiti ko ‘ení pea ‘oku maʻu ia ‘i he Lea Faka-Pilitāniá (BibleVideos.lds.org), Faka-Sipeiní (videosdelabiblia.org), mo e Faka-Potukalí (videosdabiblia.org). ‘Oku taʻe-totongi foki hono fakaʻaongaʻi ‘o e polokalama ki he iPad, ko ha founga foʻou ia ke te ongoʻi ai ‘a e ngaahi talanoa ‘o e Tohi Tapú ‘i he ‘atā, ongó, pea mo ala ki ai.

ʻE ‘alu pē ‘o aʻu ki ha ngaahi filimi vitiō nai ‘e meimei 100 te nau fakafōtunga atu ‘a e ngaahi ‘ata mei he moʻui ‘a Kalaisí ‘i he Fuakava Foʻoú, ‘e maʻu atu ‘i he uepisaiti ki he Moʻui ‘a Sīsū Kalaisí ‘i he Tohi Tapú.

CREDIT: ??