Cheryl A. Esplin
Fesoasoani Lua i le Au Peresitene Aoao o le Peraimeri
E le manatua e Cheryl Asay Esplin, o le fesoasoani lua i le au peresitene aoao o le Peraimeri, se taimi e le’i talitonu ai i le Tama Faalelagi ma Iesu Keriso. Fai mai o ia, “Sa aoaoina au a o ou laitiiti lava e tatalo. Ou te manatua ou te muamua lava tatalo mo se fesoasoani ae ou te lei faia se isi mea, ma o taimi uma lava ou te maua ai tali i au tatalo.”
Sa soifua mai ia Oketopa i le 1944 ia Orson ma Mildred Asay, ma sa tuputupu ae Sister Esplin i se faatoaga e valu maila (13 km) i le itu i sasae o Lovell, Wyoming, ISA. O le avea ai ma tagata lona lua o le fanauga e toaiva, sa masani ai ona valaauina o ia e vaai nai ona tei. A o ia vaaia nai ona tuagane ma uso laiti, e manatua e Sister Esplin lona tatalo mo le saogalemu o lona aiga a o toesea ona matua.
Sa faauu mai Sister Esplin ma se tikeri o le tagata malaga i aoaoga tulagalua mai le Iunivesite o Polika Iaga. A o aoga ai, sa feiloai ai i lona toalua o Max Esplin, ma faaipoipo ai i le Malumalu o St. George Iuta i le aso 1 o Setema, 1967. Ina ua faauu, sa tofia loa Brother Esplin i le militeli, ae faiaoga Sister Esplin i le vasega lima mo ni tausaga se lua [i se aoga] na latalata atu i lona aiga i Byron, Wyoming.
Sa tautua o ia i ausilali o le Aualofa, Tamaitai Talavou, ma le Peraimeri. O lona valaauga aupito lata mai o le pulega aoao o le Peraimeri. Sa galulue foi i laua ma lona toalua a o peresitene o ia i le Misiona a North Carolina Raleigh.
E toalima alo o le au Esplin. E fiafia Sister Esplin e faaalu lona taimi ma fanau a lana fanau; latou te kukaina ni panikeke ma ni keke, taaalo i faiga o teuga, o i savaliga sopo, ma faitau leotele faatasi ni tala.
E fiafia tele Sister Esplin i le savali o le mau e sili ona fiafia i ai o le, Mataupu Faavae ma Feagaiga 84:88: “Ai foi se talia outou, ou te i ai, aua ou te muamua atu i o outou luma. Ou te i ai foi i lo outou itu taumatau ma lo outou itu tauagavale, a o lo’u Agaga o le a i o outou loto, e siomia foi outou e a’u agelu, e lagolagoina outou.” E faamoemoe o ia o le a manatua e tamaiti, e avanoa pea e le aunoa le Tama Faalelagi mo i latou e ala i le tatalo.