Faatinoga Faavitio: E I Ai So’u Faamoemoega

O se faaliliuga lea o se vitio sa faaali i le taimi o le sauniga aoao a Tamaitai Talavou lea na faia i le aso 27 o Mati, 2010.

Peresitene Thomas S. Monson: “Ou te toe fai atu, o’u tuafafine talavou pele, e ui lava ina i ai pea luitau i le lalolagi, ae o le tele o na luitau tou te fetaiai e tulaga ese lava i le taimi nei.”¹

Elaine S. Dalton, peresitene aoao o Tamaitai Talavou: “Ina ia mama ma tumau i le amio mama, ia e faamaoni i lou faasinomaga ma faavae amio ma mafaufauga i tulaga faatonuina maualuga.”²

Peresitene Henry B. Eyring, Fesoasoani Muamua i le Au Peresitene Sili: “Ou te tatalo ma lo’u loto atoa ina ia faateleina lou faatuatua, o oe o se afafine o se Atua alofa.”³

Mary N. Cook, fesoasoani muamua i le au peresitene aoao o Tamaitai Talavou: “Tamaitai talavou pele, e tele filifiliga lelei ua outou faia. Ua tatau nei ona outou faia ni mamanu o le mama e faatumauina ai outou i luga o lenei ala i o outou olaga atoa”⁴

Peresitene Dieter F. Uchtdorf, Fesoasoani Lua i le Au Peresitene Sili: “Tuafafine, faalagolago i le Agaga. A outou faaaogaina avanoa masani o o outou olaga i aso taitasi, ma fatufatu se mea matagofie ma aoga, e le gata ina ua outou faaleleia le lalolagi i fafo ae faapea foi le lalolagi o i totonu o outou.”⁵

Ann M. Dibb, fesoasoani lua i le au peresitene aoao o Tamaitai Talavou: “O mea iti faatauvaa tou te filifili e fai i lenei taimi e faalautele ai faamanuiaga maoae a taeao.”⁶

Elaine S. Dalton, peresitene aoao o Tamaitai Talavou: Pe mafai e se tamaitai talavou amiotonu ona suia le lalolagi? Tali o se “ioe!” telē. O le Agaga Paia o lou ta’iala, Na te “faailoa ia te oe … mea uma e tatau ona [e] fai.”— tatalo, suesue i tusiga paia, usita’i , ma auauna atu i isi i aso taitasi. A e faia nei mea, o le a e lata atu i le Faaola, ma avea atili ai e pei o Ia.⁷

Peresitene Thomas S. Monson: “Au uo talavou e, ia outou malolosi… . Ua e iloa le mea sa’o ma le mea sese, ma e leai se faafoligaese, po o le a lava le faatosina, e mafai ona suia lena [upumoni]. Afai e uunai oe e au uo e faia se mea ua e iloa e sese, ia avea oe ma tagata e faasa’oina tusa lava pe e te faia na o oe.”⁸

FAAMATALAGA

1. Thomas S. Monson, “Ia Outou Maua le Lotototoa,” Liahona, Me 2009, 127.

2. Elaine S. Dalton, “O Mai ia Tatou O A’e i le Mauga o Ieova,” Liahona, Me 2009, 121.

3. Henry B. Eyring, “Savavali i le Malamalama,” Liahona, Me 2008, 125.

4. Mary N. Cook, “O Se Olaga Mama—O Lea Laasaga ma Lea Laasaga,” Liahona, Me 2009, 117.

5. Dieter F. Uchtdorf, “O Le Fiafia, o Lo Outou Talatuu,” Liahona, Nov. 2008, 119.

6. Ann M. Dibb, “Ia Fai Oe ma Faaa’oa’o i e ua Faatuatua,” Liahona, Me 2009, 116.

7. Elaine S. Dalton, “E Faaalia Lava i Ou Foliga,” Liahona, Me 2006, 109.

8. Thomas S. Monson, O faaa’oa’o o le Amiotonu,” Liahona, Me 2008, 65.