Ta Melelein Pinmuur Eo n̄an Kwe?
Jen juōn kōnono waļo̧k ilo Brigham Young University Kweļo̧k eo elap an Kōrā ilo Mae 5, 2006.
Pinmuur eo ej kajoor im make wōt kibweel n̄an kajojo makūtkūt ko ad im wāween ko ad.
Rikanaan Joseph Smith eaar katakin, “katak ko dilepen kabun̄ in ad rej kam̧ool ko an Rijilōk ro im Rikanaan ro, rijelōt Jisōs Kraist, bwe E eaar mij, kar kalbwine, im bar jerkak ilo raan eo kein kajilu, im walōn̄ļo̧k n̄an lan̄; im aolep men ko jet ko toļļo̧kin kabun̄ in ad ej itok ilo ekkejaak ko nai.”1
Dilepen katak kein rej pedped eo epin ilo Pinmuur eo an Jisōs Kraist. Naan in Pinmuur eo “ej kōmleleik jekjek eo “ilo juōn” ian ro emōj aer oktak, im kakkōleik ke rej kopain armej ro an Anij. Jerawiwi ej jālōt oktak eo, im kōn men in unleplep eo an Pinmuur eo ej n̄an kajimwe ak ellā ioon wāween ko an jerawiwi.”2 Ij tōmak men in ej barāinwōt pidodo n̄an erom oktak n̄an Anij kōn elōn̄ un ko ijjeļo̧kin jerawiwi.
Kauwōtata ko rej kōttoļo̧k kōj jen Jemed Ilan̄ im Rilom̧oor eo roļeo̧ im rej jebole kōj. Mōņōņō eo, Pinmuur eo ekar n̄an aolep wāween kein barāinwōt. Bwe etke Jekab, leo jatin Nipai, eaar kōmleleik Pinmuur einwōt “Emmantata” (2 Nipai 9:7), melelein ejjeļo̧k jon̄an ak jālōt kajoor eo. En̄in ej etke Pinmuur eo ej lukkuun emmantata im aikuj. Jidik bwilōn̄, innem, bwe jejab aikuj wōt n̄an kile men in letok in ejjeļo̧k jon̄an ak barāinwōt n̄an lukkuun melele kake.
Jisōs Kraist eaar make wōt maron̄ ko̧mmane Pinmuur in kōnke E eaar make wōt armej ewānik im Make Wōt Nejin Anij Jemed Ilan̄. Eaar bōk An maron̄ n̄an jerbal in eaurōk jen Jemen mokta jen an lal ejaak. An wānik ilo mour in eanjo jen jerawiwi, kōtto̧o̧rļo̧k Bōtōktōkin, An en̄taan ilo jikin kallip eo im ioon drebāāl eo, An mij ejjeļo̧k wōneen, im Jerkakpeje eo An ānbwinin jen lōb eo ekapidodoik juōn lukkuun pinmuur eo n̄an armej an aolep epepen im iien ko.
Pinmuur eo ej kōmman bwe Jerkakpeje eo juōn eo ewōr tokjen n̄an aolep. Kōnmenin, kōn kautiej eo n̄an kajojo bōd ko im jerawiwi ko, kijjien jekjek ko an Pinmuur eo aikuj ad tōmak ilo Jisōs Kraist, ad ukweļo̧k, ad bokake n̄an kakien ko im kien ko an gospel.
Mour indeeo im Mour ippān Anij
Bōlen eon eo ekkā kwaļo̧k ilo kweļo̧k ko ad im jeje ko ellukkuun kameeje im kakdū eon in jen bok in Moses: “Im lo, en̄in ej jerbal im aibojooj eo aō—n̄an bōk maantak mour indeeo im mour eo ippān Anij an armej (Moses 1:39).
Kōnke Jerkakpeje eo, kōjwōj aolep naaj bōk mour indeeo. Kōnke Pinmuur eo, ro wōt eaar bwe tōmak eo ilo Iroij Jisōs Kraist n̄an bōk ioer make Etan, ro raar ukweļo̧k im mour ekkar n̄an gospel eo An, ro raar kejparok bujen ko aer ippān E im Jemen, im ro raar bōk kūnar ilo kar kepooj kien lomoor ko an gospel ilo wāween ko rōkwojarjar im jikin ko renaaj en̄jaake im mōņōņō kōn mour ippān Anij.
Ijjab maron̄ keememej juōn armej kar ioone eo tōmak eo an ilo Jisōs Kraist im eo eaar lukkuun inepata kōn Jeplaaktok eo. Aaet, kōjwōj aolep maron̄ wōr kajjitōk ko kōn melele ko, ak jemaron̄ melele bwe pedpedin kallimūr eo ej kopa aolepāer im jejjet.
Kōnke mour ippān Anij ej waļo̧kin juōn jekjek im ej aikuj ad kijejeto im emakūt n̄an bokake, en̄anin aolepped jej kakkōt jen iien n̄an iien, bōlen aolep iien—jab ukoktak—kōn kajjitōk ko rijelōt jekjek in mour eo jejelā ke jeaikuji. Einwōt Elder David A. Bednar jen Doulul eo an Rijilōk Ro Jon̄oul Ruo eaar kajjitōk, “[Ej Ke] bōd ad tōmak jej ke aikuj in kōm̧m̧ane juōn emmakūt jen em̧m̧an eo n̄an emmantata im erom juōn rikwojarjar kōj make kōn erreo, peak kōnaan, im kauwe”?3
Elan̄n̄e ad lomoor ej aorōk wōt kōn ad kijejeto, jenaaj pād ilo juōn joreen eo elap kōnke kōjwōj aolep rijabwānik im jabmaron̄ n̄an lukkuun errā ilo aolep wāween ko iien otemjej. Ekōjkan, innem, jej ke bōk jiban̄ im jiban̄ ko jej aikuji? Nipai eaar lukkuun kōmeleleik wāween in epen ikōtaan jouj im jerbal ko ke ekar kam̧ool kake, “Bwe kōm jelā bwe ej jān jouj jej mour, ālkin aolep ijo jemaron̄ kōm̧m̧an make” (2 Nipai 25:23).
Baibōl Tikjinede eo ej kakeememej kōj bwe jouj melelein ej juōn mōttan jerbal ko an anij ak juōn kein jerbal eo me ej bōktok kajoor ak jiban̄ jen jouj im io̧kwe eo an Jisōs Kraist eaar kepooje kōn Pinmuur eo An4 Āindein, ej kōn jouj eo an Kraist bwe jen jerkakpeje, im ej An jouj, io̧kwe, im Pinmuur me ej jiban̄ kōj tōbar jerbal ko rem̧m̧an im kōm̧m̧an wōnmaanļo̧k ko aikuj bwe ainjuōn enaaj pen elan̄n̄e jeaar pād ilo wōt juōn kumi n̄an maron̄ ko ad im mejādik ko.
Mōņōņō eo kōn Pinmuur eo
Ilubwilijen elōn̄ men ko Ij leke Nipai kake kar mwil eo mwilin. Mour eo An eaar jab pidodo, laptata elan̄n̄e keidi ippān kainem̧m̧an eo enan̄in kōj aolep jej bōke men eo em̧m̧antata rainin. Nipai im baamļe eo an kar mour elōn̄ iiō ko ilo ānejamden̄ mokta jen aer tōbartok enen kallimur. Raar en̄taan elōn̄ iien ko kōn kwōle, maro, kautata. Nipai eaar jelmae kōn inepata ko rellap an baamļe raar jerjer jān Laman im Lamuel, aliktata gospel eo make, ippān rikalor ro, jen ro raar jutak ippān Laman im Lemuel.
Ilo aolepen jeramōl im pen kein, Nipai eaar maron̄ in ba, “ālkin men kein, kōm ar mour ilo juōn wāween elemōņōņō” (2 Nipai 5:27).
E ekar melele bwe ewōr juōn jekjek eo n̄an mour bwe waļok ko ilo mōņōņō, jenoļo̧k eo an men ko repen, jelmae ko, ellotaan ko me rej itok n̄an aolepen mour ko ad. Eaar maron̄ kalimjeke pija eo ekilap an karōk eo an Anij n̄an e im armej ro an im kar aindein maron̄ n̄an kajjekdoon maron̄ eo bōk laltak jān dikāāleel ko an ak jān juōn etale eo ej jejjet bwe mour in ejjab bwe. Men in ejjab bwe, ak e im baam̧le eo an kar mōņōņō mekarta. Raar melele bwe Pinmuur eo enaaj bōk jikin, im raar leke bwe enaaj kakopaik er.
Nipai eaar kajjitikin e make jet kajjitōk ko reaorōk me jemaron̄ kajjitikin kōj make n̄e kile jikin Pinmuur eo an Kraist ilo mour ko ad make:
“O innem, elan̄n̄e Iaar lo elōn̄ men ko remman, elan̄n̄e Irooj ilo an kōttā e n̄an ajri ro nejin armej kar lotok armej ilo lukkuun jouj, etke būruō erup im jetōb eo aō ej būromōj, im kanniek ejjeļo̧k tokjen, im aō kajoor emōjno, kōnke aō liaajlo̧ļ?
“Im etke Inaaj leļo̧k n̄an jerawiwi, kōnke kanniek iō ke? Aaet, etke Inaaj ial n̄an kapo ko, bwe juōn eo enana en wōr jikin ilo būruō n̄an kakkure aō ainem̧m̧an im liaajlo̧ļ jetōb eo aō? Etke Ij illu kōnke aō rikōjdat ke?” (2 Nipai 4:26–27).
Ālkin an liaajlo̧ļ eaar uwaak kajjitōk ko an make, jelā ekepaake n̄an inepata ko me eaikuj bōki: “Jerkak, aō jetōb! Ejako parikrik ilo jerawiwi. Emōņōņō, O būruō, im jab kōm̧m̧an jikin rikōjrat eo ilo jetōb eo aō. … O Anij, Ij leke kwe, im Inaaj leke kwe n̄an indeeo” (2 Nipai 4:28, 34).
Ej ke melelein bwe Nipai ejjeļo̧k an inepata ko? Ej ke melelein bwe e elukkuun melele aolep men ko rej waļo̧k n̄an e? Keememej uwaak eo e eaar leļo̧k n̄an juōn ānjel jet iiō ko mokta ke e eaar kajjitōk juōn kajjitōk eo eaurōk ejālōt Pinmuur eo an Kraist, eo enkar waļo̧k tokālik: “Ijelā bwe [Anij] ej iakwe ajri ro nejin; ijo wōt ke, Ij jab jelā melelein aolep men” (1 Nipai 11:17).
Jej barāinwōt jab maron̄ im jamin jelā melelein aolep men kein, ak jemaron̄ im aikuj jelā bwe Irooj ej io̧kwe ajri ro Nejin im bwe jemaron̄ erom rijolet aolepen jouj eo an Kraist im Pinmuur eo ilo mour ko ad im ilo kakkōt ko ad. Barāinwōt, jej jelā im jeaikuj keememej bwe kautata eo kōn kōtļo̧k juōn men eo enana ilo juōn jikin ilo būruōd.
Aaet ne jelukkuun melele im kipel n̄an joļo̧k nana im juōn eo enana jān būruōd im jān mour ko ad, jej likjab kōnke elap an emakijkij ad “lukkuun pikitokin” em̧m̧aan ro im kōrā ro (lale Mosiah 3:19). Āindein, jej aikuj kam̧olol kake im erom rideenju in katak ko an ukweļo̧k. Ke ekkā ad kōnono kōn ad ukweļo̧k einwōt juōn makūtkūt, eo jet iien ej, n̄an en̄anin kōj aolep ej juōn men eo ejjeļo̧k jemļo̧kin, wāween eo ej n̄an mij.
Aaet, ewōr jerawiwi ko an jimor joļo̧k im im kōmālim eo ej ijino wāween ukweļo̧k eo. Ewōr kilen wāween ko renana im bōd ko me jemaron̄ meļo̧kļo̧ki kiiō im jamin barloe. Jemaron̄, n̄an waanjon̄ak, erom rikōllā juōn mōttan jon̄oul aoleppen raan ko jet in ad mour, mene elan̄n̄e ejjab aolep iien ej jekjek eo in. Ak jon̄ak ko jet an mour ko ad rej aikuj wōnmaanļo̧k in em̧m̧anļo̧k ko ad im mijek ko ad ejjeļo̧k jemļo̧kier, einwōt jetōb ko ad, lukkuun iakwe, melele n̄an ro jet, kile uwaan baamļe eo, kea kōn riturid, melele kōn jeje ko rōkwojarjar, bōk kunaad ilo tampel, im em̧m̧an in jar ko ad make.
Jemaron̄ mōņōņō bwe Rilom̧oor eo, ellukkuun melele kōn kōj jān ad melele kōn kōj make, ejaake eo kwojkwoj eo me jej aikuj ekkā ad kōkāāl bujen ko ad jān ad bōk mōttan kōkkāle ko rōkwojarjar ippān ļo̧kjak eo ad n̄an ad bōk ioōd Etan ekwojarjar, n̄an aolep iien keememej E, im kejparok kien ko An. Ilo ad loor jekjek in bwe jej ko̧tļo̧k kōj n̄ane “mour ālkin jekjek in ej mōņōņō eo,” ad ukweļo̧k im ad makūtkūt ej bōk juōn an̄ōltok eo eutiej, im ad maron̄ n̄an melele im kautiej wōrļo̧kin Pinmuur eo.
Ukweļo̧k im Bokake
Ilo wiik ko mokta jān an kar ejaak Kabun̄ in ilo 1830, Rikanaan Joseph Smith eaar bōk juōn madenļo̧k eo me ej kopain melele ko kōn Pinmuur eo kōnke eaar Rilo̧mo̧o̧r eo Make eo eaar kōnono im katakin. E eaar kōmleleik Emake ke einwōt Rilom̧oor eo an lal (lale D&C 19:1), kwaļo̧k m̧ool bwe E eaar lo̧o̧r kōnaan eo an Jemen, im eaar ba, im kakien armej n̄an ukweļo̧k im kejparok kien ko ko raar bōki (lale D&C 19:13).
Jekjek in epidodo kōn ukweļo̧k im bokake ej lukkuun pedped eo n̄an “mour ālikin wāween lemōņōņō.” Jejelā men in ej ta eo jeaikuji n̄an kōm̧m̧ane, men̄e jet iien jemaron̄ meļo̧kļo̧k etke. Irooj ej kakeememej kōj etke naan ko an jān ejja madenļo̧k eo. Jisōs eaar ba bwe e eaar en̄taan kōn men kein kōn aolep armej bwe er ren maron̄ jab en̄taan elan̄n̄e renaaj ukweļo̧k. Ak elan̄n̄e rejammin ukweļo̧k, renaaj aikuj en̄taan aaet einwōt e eaar en̄taan, eo en̄taan eo eaar jālōt E—aaet Anij, eo eutiejtata an aolep—n̄an wōtļo̧k kōn metak, to̧o̧rļo̧k bōtōktōktōk jān aolep ron̄ in menokadu, en̄taan jimor ānbwin im jetōb, im kajjitōk bwe E en jab maron̄ idaak jān kap eo em̧eo im jakoļo̧k. Mekarta, E eaar letok aiboojoj n̄an Jemed. E eaar bōk mōttan im kadedeļo̧k kepopo ko An n̄an kōj (lale D&C 19:16–19).
Juōn katak eo emman. Ijelā ejjeļo̧k iadwōj emaron in kile aorokin im kajoor in an Irooj metak einwōt ke ke E ekar Pinmuur eo em̧m̧an. Ij lōmnak bwe Joseph Smith ilo iien eo eaar wōr juōn kile ippān kōn en̄taan eo an Rilom̧oor eo, Rikanaan eo eaar bōk juōn kam̧oolol eo elap im melele jān an malejjon̄ ko an make im kakkure ilo iiō ko tokālik. Kōlmenļo̧kjen kake kakiplōklōk ko rejimwe letok jān Jisōs Make einwōt Ej kipel im kainem̧m̧ane Joseph ilo awa ko remarok ilo Jikin kalbuuj Liberty. Irooj eaar ba bwe Nejin Armej eaar walaltak ettā jān aolep men kein; Joseph eaar jab lōmn̄ak e eutiej jān E (lale D&C 122:8).
Kajjitōk eo in n̄an Joseph ej barāeinwōt juōn kajjitōk n̄an kajojo iad im kakkōt ko ejjeļo̧k uwaer im ko reppen. Ejjeļo̧k iadwōj aikuj in jab tōmak juōn uwaak eo ejimwe.
Bwe Jisōs eaar en̄jaake ta eo E eaar en̄jaake, ejjab kōnke E ejjab maron̄ kejjekdoon e ak kōnke E ej io̧kwe kōj, ej m̧ool. Jisōs ej barāeinwōt io̧kwe im kautiej Jemen kōn mūļaal eo im utiej eo bwe jen maron̄ wōt kile . Elan̄n̄e jej en̄jaake n̄an kautiej im io̧kwe Rilom̧oor eo kōn ukōtbōke eo, jej jab aikuj meļo̧kļo̧k bwe E eaar kōm̧m̧ane ta eo E eaar kōm̧m̧ane n̄an kōj bwe jān maron̄ jab en̄taan n̄an ejja wāween eo ta ekkejet eo make enaaj aikuji n̄an kōj.
Den̄ļo̧ke, kowaane, kakkure, dilaik, im metak eo ejej uwaan im en̄taan aolep rej tōļo̧ke n̄an An en̄jaake metak eo elukkuun ka en̄taan eo ejjab maron̄ bōk jān kajojo ijelokin wōt kajoor ko An im ijelokin wōt An kajjeon̄ n̄an pād wōt ilo iial eo im ella ioon aolep ta ekar iione.
Lukkuun Melele kake Pinmuur eo
Ilo ad lomnak kake melele eo an Pinmuur eo im Rilom̧oor eo mōņōņō in en̄taan kōn aolep jerwiwi ko ad, jej aikuj mōņōņō in kile bwe katok in pinmuur eo ej barāeinwōt kalpupu elōn̄ men ko! Kile naan kein an Alma n̄an ritōmak ro ilo Gideon en̄anin juōn epepen moktaļo̧k jān an Pinmuur eo kūrm̧ool:
“Im [Jisōs] enaaj wōnmaanļo̧k, en̄taan kōn metak ko im liaajļōl ko im kapo ko an elōn̄ wāween ko; im bwe naan in en maron̄ kūrm̧ool eo kar ba e enaaj bōk ioon metak ko im nan̄inmij ko an armej ro an.
“Im e enaaj bōk ioon mij, bwe en maron̄ kōtļo̧k to ko an mij eo eaar likwōj armej ro an; im e enaaj bōk ioon mōjno ko aer, bwe mōttan ko ilo lojen ren maron̄ obrak kōn jouj, ekkar n̄an kanniek, bwe e en maron̄ jelā ekkar n̄an kanniek ekōjkan an jiban̄ armej ro an ekkar n̄an mōjno ko aer.
“Kiō Jetōb in ejelā men otemjej; mekarta eo Nejin Anij ej en̄taan ekkar n̄an kanniek bwe e en bōk ioon jerawiwi ko an armej ro an, bwe e en maron̄ jeorļo̧k bōd ko aer ekkar n̄an kajoorōn in lo̧mo̧ren eo an; im kiō lo,en̄in ej kam̧ool eo ej ilo ņa” Alma 7:11–13).
Lōmnak kōn lukkuun im melelein uno eo n̄an metak ko ad, liaajļōļ, kapo ko, nan̄inmij ko, jerawiwi ko, jook ko, bōd ko. Kwomaron̄ ke lōmnake jabdewōt men eo ewōr tokjenļo̧k jen Pinmuur eo an Jisōs? Innem kopaiki n̄an Jerkakpeje eo jejab maron̄ kōmleleiki, im enaaj bwe ad jino melele n̄an al, “Ij ļo̧kjenaō kōn elap an Kraist io̧kwe n̄a.”5
Ta melelein Pinmuur eo n̄an kwe im n̄an n̄a? Ej melelein jabdewōt men. Einwot an Jekab kar kōmleleik, kōm maron̄ “kopa ippān [Jemed] kōn pinmuur eo an Kraist, nejin Jitōnbōro Emake” (Jekab 4:11). Melelein bwe jemaron̄ ukweļo̧k, itok lukkuun erra im lukkuun bōk ippān E, im kajjekdoon bōd ko im jamelele ko me “karmejete tiriam̧okake ko an Kraist, im ka jejtokjen pinmuur eo an im kajoor in An lo̧mo̧ren.
Jej kajjekdoon wōtlo̧k im jab kautiej Pinmuur eo an Rilo̧mo̧o̧r eo kōn ron̄jake kean̄ eo an Hilamōn eo ej einwōt ekkar n̄an rainin ke ekar ilo elōn̄ iiō ko rōmōkaj aer kar itok imaan Anij jādetok eo an lal: O keememej, keememej, em̧m̧aan ro nejū … bwe ejjeļo̧k bar ial ak wāween ko im armej remaron̄ mour, kōn wōt bōtōktōk in pinmuur an Jisōs Kraist, eo enaaj itok; aaet, keememej bwe e ej itok n̄an lo̧mo̧ren laļ” Hilamōn 5:9.
Pinmuur eo An elukkuun kalibobo lalin im aolep armej ro ie jān jinoin n̄an jemļo̧kin. Jen jab meļo̧kļo̧k, ijoke, bwe ilo an melele im jejjet ej barāeinwōt kajoor im em̧m̧an im jejjet in an kar kōm̧m̧an n̄an an lukkuun kōn im lukkuun kwaļo̧k kajojo wāwewer. Jemed im Nijin elap aer jelā kōn kōj jān ad jelā kōn kōj make im kar kepooj Pinmuur in n̄an kōj me ej lukkuun ekkar n̄an aikuj ko ad, aol ko, im tollok ko ad.
Kam̧oolol ko n̄an Anij kōn menin letok an Nejin Maan, im kam̧oolol ko n̄an Rilom̧oor kōn Pinmuur eo An. Em̧ool im ejjālōt im enaaj tōl kōj n̄an ijo jej aikuj im kōnaan pād ie.
Tuanmiin̄: Jar eo ilo Gethsemane, jān Del Parson
Mōn̄ā in Kijeone eo Āliktata, jān Simon Dewey, courtesy of Altus Fine Art, American Fork, Utah
Kōmlele ko an Pija jān Frank Helmrich