Ainikien Seperd eo Em̧m̧an
Einwōt juōn rilale melan in Montana en̄anin aoleppen jiljimjuōn iiō ko aō, Ij kaurōk bwebwenato eo kōn sipard eo em̧m̧an, loe ilo Jon 10:1–18, bwe Iaar mour kake. En̄jaake in eaar mōttan wōt kajoor eo ilo an boktok bwebwenato in ilo mour in.
Ilo tōre ko ilo baibōl kajojo sipard ej kakopaik men in mour ko an jān jarlepju in elōn̄ men in mour ko kar aine ippān doon iloan juōn wōrwōr ilo juōn bon̄ (see vv. 3–4). Āindein, jabdewōt iien Ij kōmakūt sip ko aō, Ij ikkūr, im rej loor iō.
Iiō ko remōtļo̧k juōn riturū eo ej kajoor wōt 96 iiō rittoin, Alice, eo eaar barāinwōt kajjiriri jet bar nejin sip, eaar nan̄n̄inmij ilo tōren lale sip ko reddik, innem Iaar ajeļo̧k iō n̄an kōm̧m̧ane bon̄ōn eo n̄an lale sip ko an. Ke Iaar delon̄e wōrwōr in sip ko an ilo bon̄ōn eo aō kein kajuōn, “ilo jerbal,” Alice enan̄in wōr 100 nejin sip kokōrā raar kiki ainem̧m̧an bon̄ōn eo. Ke Iaar waļo̧k, raar mōkaj aer kile juōn ruamejet ilupeljier. Raar kor, raar mōkaj aer bukōt kejparok jān aer keendoon ilo juōn daam. (lale v. 5).
Men in eaar wōnmaanļo̧k elōn̄ bon̄ ko. Jekdoon ewi jon̄an lūr n̄e Ij delon̄, sip ko relukkuun mijak im ko. Ij kōnaan ainikien meoeo n̄an sip nin̄nin̄ ko im kokōrā ko ke Ij eoeoik er. Jān lalem bon̄ ko raar jab makūtkūt ke Iaar jerbal ilupiljier. Raar jino kile ainikiō im leke iō.
Jet iien tokālik Iaar jiron̄ļo̧k Alice bwe Inaaj kanneļo̧k jonoūl ruo bato ko n̄an sip ko rōkwōle. (Juōn sip eo ekwōle ej eo jinen eaar mij jane ak ejjab maron̄ kwaļo̧k elap milik.) Anōke Alice, Iaar ikkūr n̄an sip ko nejin, “Itok, BaBa! Itok, BaBa!” Iaar kōjatdikdik bwe sip ko rōkwōle renaaj kar kaiurtok n̄an n̄a einwōt aer kōm̧m̧ane n̄an e. Ak ejjeļo̧k juōn sip eaar reilōn̄tok. Alice eear dewōjtok jān kōjem in jikin kōm̧m̧an mōn̄ā eo im ikkūr. Rej ron̄jake ainikien e, raar kōnaan mōkajļo̧k n̄an e, in̄ūr kōn kijier milik.
Iruj, Alice im N̄a kar kōm̧m̧ani juōn elmakūt. Jutak ilo wōrwōr eo aō, Alice eaar kajjeon̄ makūtkūt einwōt aō ikkūr: “En̄in, sip, sip! En̄in, sip, sip!” im kar bōk ejjeļo̧k jabdewōt uwaak. Ak iien eo Ij ikkūr kōn ejja naan kein wōt, sip eo aō eaar mōkaj im kabool iō. Men̄e naan kein jej kōjerbale n̄an lale sip ko eārwōt juōn, ad jab jelā ainikier rejjab keron̄jaki. Sip ko rej ron̄jake wōt lukkuun seperd eo aer (lale v. 4).
Jon 10 kile juōn seperd jān juōn ribōktok jiban̄. Juōn seperd, eo sip ko rej an, ewōr an kea in io̧kwe n̄an kejparok eo aer. Ilo oktak in, juōn rilale sip ejjab em̧m̧anļo̧k “Ribōktok jiban̄” im “jab kea” (v. 13). Bwebwenato in ej barāinwōt katakin bwe tōre eo ribōktok jiban̄ eo eaar ko im jojoļāāre sip ko nejin (lale v. 12), seperd eo emōņōņō in likūt mour eo an kōn sip ko nejin (lale v. 11). Men in em̧ool an Seperd eo ad Em̧m̧an—ad Rilom̧oor, Jisōs Kraist—eo eo an eaar leļo̧k Mour eo An kōn kōj (lale vv. 15, 17–18).
N̄an n̄a en̄jaake kein rej kapin juōn ennaan ko an juōn bwebwenato: kajjeon̄ make jelā Seperd Eo Ad Em̧m̧an im bojakin kile Ainekien enaaj bōbrae am bōd im loor juōn rijjiban̄. Jān tōmak ron̄jake ainekien Seperd eo Ad Em̧m̧an—im jab bar ro jet—enaaj tōl n̄an kejparok eo n̄an indeeo.
Iroij Ej Aō Seperd, jān Simon Dewey, courtesy of Altus Fine Art, American Fork, Utah