Kajjitōk im Uwaak ko
“Jinō im jema rejjekeinni Kabun̄ in. Ekōjkan Aō kajoor wōt elan̄n̄e ejjeļo̧k jiban̄ jān er?”
Men in ej juōn wāween eo epen kōnke jinem im jemōm rej jet ro jej kalimjeker kōn tōl im ial. Ak elōn̄ jet men ko kwomaron̄ kōm̧m̧ane n̄an kajoor wōt, im kōm̧m̧an men kein renaaj jiban̄ eok juōn waanjon̄ak eo em̧m̧an n̄an jinem im jemōm.
N̄an kūrtok koketak n̄an mour eo am, wōnmaanļo̧k im jar im katak jeje ko rōkwojarjar. Jemed Ilan̄ ej ron̄jake jar ko am im e enaaj uwaaki.
Oktak n̄an ro nukum ak uwaan Kabun̄ eo kōn waanjon̄ak im jiban̄ me kwomaron̄ aikuji. N̄an waanjon̄ok, kajjitōk ippān rikaki in loļo̧k ro an mōko ak bisop eo ak branch būreejtōn eo kōn juōn kōjram̧m̧an an priesthood eo elan̄n̄e ejjeļo̧k rikabjer priesthood eo erreo ilo mweo imōm.
Kwomaron̄ kakajoor ro jeum im jatum im jinem im jemōm jān waanjon̄ak in tōmak eo am. Kwomaron̄ kōm̧m̧an nukin in jota an baam̧le eo am, jar an baam̧le eo, ak katak jeje ko rōkwojarjar ippān ro jeium im jatum. Jinem im jemōm maron̄ kōnaan kopawōj ippām.
Aurōktata eo, wōnmaanļo̧k im io̧kwe jinem im jemōm. Jab ekejet er. Emmanļo̧k, jouj im kijenmij. Rej aikuj wōt io̧kwe eo im jiban̄ eo am, einwōt am aikuji er.
Jar kōn Jinem im Jemōm
Kūrtok jinem im jemōm n̄an juōn jar ko an baam̧le. Kūrtok er n̄an makūtkūt ko an Kabun̄. Ejaake nukin in jota ko. Jar kōn er emakijkij, im kajjeon̄ n̄an erom juōn waanjon̄ak eo em̧man. Wāween in kwonaaj kakajoor baam̧le eo am im naan in kam̧ool eo am make, kwonaaj emōņōņō, im Anij enaaj jiban̄ eok n̄an kajoor wōt ilo Kabun̄ in. Kōm̧m̧ane men in ilo tōmak im niknik, im E enaaj uwaak jar ko am.
Sonia B., 20, Yucatán, Mexico
Jab Ebbeer
Jema ej jab juōn uwaan eo, im jinō im leddik ro jeiū rej jab ekkeinni kabun̄ in. Ij metak n̄e rej kejjekdoon tōmak ko aō. Ak tōmak eo aō emōj an eddōkļo̧k ke Ij etal n̄an seminary, kabun̄ eo, Ippen doon ko an jiron̄ ro reddik im n̄e Ij jar im riiti jeje ko rōkwojarjar. Kakapilōklōk eo em̧mantata Imaron̄ leļo̧k ej jab ebbeer.
Amanda B., 16, Nevada, USA
Wāween n̄an Ped wōt im Ekkenni Kabun̄ in
Ijelā juōn leddik eo ekaplōn̄lōn̄ eo elap an kajoor ilo Kabun̄ in mekarta jinen im jemen rejjekkeini kabun̄ in. E eaar juōn eo ekabalbal n̄an leddik ro jet einwōt e emōj an bōk nebar jen Doulul eo an Jiron̄ Ro Reddik. E eaar ba bwe jiban̄ eo an jiron̄ ro reddik jet, etal n̄an kabun̄ eo aolep iien, im lukkuun kōnono ippān Jemed Ilan̄ eaar aolep wāween ko rem̧m̧an n̄an jiban̄ ped wōt im ekkenni kabun̄ in.
Chelsea C., 17, Oklahoma, USA
Juōn Jikin Kejparok
Ij pedped ioon jar im lin̄ur jeje ko rōkwojarjar n̄an kakajoor kam̧ool eo aō, im Ij loe juōn jikin kejparok jān bōk kunaō ilo Scouting im makūtkūt eo an Likao Ro Reddik einwōt n̄e ij kōm̧m̧ane kūr eo aō. Kean̄ in an rikanaan ro im ro jerar rem̧m̧an kar kālōt er n̄an jiban̄ barāinwōt. Keememej aolep iien kōm̧m̧an juōn waanjon̄ak eo em̧m̧an n̄an baam̧le eo am ilo kwaļo̧k n̄an er io̧kwe em̧ool, kea, kautiej. Elan̄n̄e kwonaj bōk kūnam, Anij enaaj kōm̧m̧ane ijo kūnaan.
Elder Whigham, 21, California San Francisco Mission
Kajoor jān Waanjon̄ak ko Aer
Jinō ej juōn eo ejjekkeini kabun̄ in, im ro jet nūku rej jab jet uwaan ro. Ta eo Ij kōm̧m̧ane ej leke rittōl ro aō im ro jera; aolep iien rej jiban̄ iō. Elap aer aurōk ilo mour e aō jān ke raar letok aō ial in mour im kōttōpar eo aō ej etal n̄an juōn mijen. Raar letok n̄an n̄a elap kajoor ilo waanjon̄ak ko aer. Kwoj aikuj in kile jimjerā an armej rein ro raar jiban̄ kalek eok einwōt juōn uwaan im joļo̧k elapļo̧k iien ippāer, lo m̧ool kwonaaj aolep iien lōn̄ jet men ko ippām n̄an katak.
Ivana S., 20, Buenos Aires, Argentina
Kwaļo̧k Io̧kwe n̄an Jinem Im Jemōm
Wōnmaanļo̧k n̄an kōnono n̄an ro jinem im jemem, im kajjeon̄ bōk aer jiban̄. Kwaļo̧k am io̧kwe im kam̧m̧olol n̄an er, im jiron̄ er ewi wāween an aorōk men in n̄an kwe n̄an am etal n̄an kabun̄ eo. Kajjitikin rittōl ro am kōn ialen ito-itak, im lale elan̄n̄e bisop eo am en kajjeon̄ kōnono n̄an jinem im jemōm. Jar im kajjitōk ippān Jemed Ilan̄ kōn An jiban̄, im jar bwe jinem im jemōm naaj jino lale bwe pād im niknik ekkeinni kabun̄ eo ej men eo eaurōk n̄an kwe. Kwomaron̄ barāinwōt erom kajoorļo̧k jān am emmakijkij riiti Bok in Mormon im kejparok kien ko.
Craig L., 16, Missouri, USA
Ruo Wāween Jiban̄ ko
Ij loe wāween in ekka ilo mijen in aō, im ajri ro turin mejer rekajoor. Ekōjkan aer kōm̧m̧ane men in? Jān ejaake juōn wāween jiban̄ iloan Kabun̄ eo jān ro mōttad im rittōl ro im jān ejaake juōn wāween ippān Anij jān jar, emakijkij riiti jeje ko rōkwojarjar, im kopaļo̧k ilo Kabun̄ eo. Kwomaron̄ kōm̧m̧an men in ilo am kōm̧m̧ane men kein!
Elder Jones, 21, Tahiti Papeete Mijen