Iaikuj Ke Joļo̧k aō Jikuul kōn juōn Mijen?
Ikar kadiojļo̧k jen ae jikuul ilo 1992 im mokaj in jilkinļo̧k peba ko aō n̄an jerbal in mijen̄ede. Ilo iien eo kūr eo aō ekar itaktok, ikar jino delon̄e juōn iaan iun̄ebojti ko ilo Nigria n̄an katak taktō.
Ilo Nigeria delon̄e jikuul in taktō elap jumaedoon ie n̄an delon̄ kwaikuj jab jako ak dood n̄an bar juōn iien. Ke ikar en̄jaake nūlitokin jen jet ro jera im ro uwaam baamle eo aō n̄an joļo̧k kūr in mijen eo aō, ikar kemeleleik bwe ewōr aō eddo n̄an kūr im kar kōjatdikdik kake n̄an komman̄e jān ke ikar koba to ilo Kabun̄ eo jiljino iiō ko imaanļo̧k. Ikar ketman̄e bwe imaron̄ in bar delon̄ n̄an jikuul in taktō ālkin an mōj aō mijen, ak elōn̄ rōkar lōmnak inaaj kar buromōj kake jemļo̧k eo aō.
Ikar kammolool rikaki in lotok eo aō, ro uwaan baamle, im ro jera ilo Kabun̄ ro rōkar rie jemļo̧k eo an n̄an jerbal. Iļo̧k n̄an jemenere, katak jeje ko rokkaōjarjar, im mour kake gospel eo ekar kōm̧m̧an bwe in pen kōn kije ko aō.
Āinwōt juōn mijenede ikar kalimjeke kōttōpar ko aō make im kitare n̄an jerbali. Ron̄oul emen allōn̄ ko tok ālik ikar bōk juōn nōbar in mōj in jerbal. Irooj ekar kōjeramman ro rej kamōj aer mijen ak ejjab kallimur bwe renaaj anjo jen melejon̄ ko. N̄an ri Nigeria mijenede ro rej rol tok, melejon̄ kein ekoba jeļo̧k jerbal im jeļo̧k jeen n̄an jelāļo̧kijen.
Ilo iiō ko jilu ālkin mijen eo aō, ikar bōk im ellā ilo jilu teej in delon̄e, ak ikar jab bar maron̄ relōn̄ n̄an jikuul in taktō. Ejja ilo iiō kein jilu, ijjab maron̄ in elolo jerbal. Ikar kabo n̄an tōmak bwe jet iaan ro mōtta im ro uwaan baamle rōmaron̄ kar jimwe im bwe ekar juōn bōd n̄an joļo̧k delon̄ eo aō n̄an jikuul in taktō.
Ilo mijen eo aō ikar katak bwe in dood eddo ko aō ioon Irooj, innem ikar leļo̧k n̄an E bwe en tol mour eo aō ekkar n̄an kōnaan eo An. Iien eo wōt ikar kōm̧m̧an̄e, men otemjej ekar jino an jerbal n̄an n̄a ak ejjab āiwōt ke ikar kōtman̄e kake.
Juōn Jabōt im jitļo̧k ikar lōmnak n̄an jitļo̧k im jar ilo mwilal kōn jipan̄ an Irooj. Joteen eo juōn kōllallal ekar itok ilo kōjam eo. Ke ikar kōpelļōke kōjam eo, ikar bwilōn̄ bwe ikar loe juōn eo ikar iion̄e ilo kaminene eo an rilale aenomman ijo ikar bed ien jiljino allōn̄ ko mokta ļo̧k. Ekar jiron̄ eō bwe juōn iien emman n̄an juōn riwaj eo ekar belļo̧k ilo juōn kombani leo jein ej jerbal ie im kombani eo aikuji juōn n̄an jerbal eo. Ekar n̄a wōt eo ekar jiktok ilo lōmnak eo an.
Raan eo to juōn kombani eo ekar kōjerbale n̄a. Iminene in ejej uwaan ekar kapene n̄an n̄a bwe Jema Ilan̄ ekar jab kōwaan n̄a im bwe ikar aikuj in leke E. Jerbal in ekamool bwe ej kejam eo jinoin tata n̄an loe jerbal ko jet.
Jeramman ko jen lan̄ rejjab jon̄i jen men ko ilo mour in wōt. Ikar kakkōt ilo iiō ko ālkin mijen eo aō n̄an jokkin wōt juōn ilo mour in, ak Irooj ekar kōjeramman n̄a ilo jetōb. Kōjeramman in betriak eo aō ej kipel eō n̄an mare im kar jiron̄ eo bwe iien ko rōmman kōn jelāļo̧kijen utiej renaaj kar itok. Ekar waļo̧k.
Men̄e ikar jab iļo̧k n̄an jikuul in taktō, emōj aō topar jon̄an tikri ko ilo akaōutiin̄ im bōnbōn. Irooj ej kōjeramman a kōn ebwe kōbwebweien bwe ikar maron̄ in mare.
Elan̄e jej jebale juōn mijen eutiej, Irooj ej lutōktok kōjeramman n̄an kōj ilo ad pikote iien ko remman kōn jelāļo̧kijen ālkin. Ejjeļo̧k ilo mour in kōn juōn likaō ak jiron emaron̄ in ellan jen iminene , katak, im jeramman ko ilo tōmaak am ilo jerbal in mijenede.