Jab Tile Laam eo Likolpen Bon̄ōn Eo
N̄e ej itok n̄an iien kadiojļo̧k jen kalej, ikar loe bwe katak ko an gospel rōkar kōjjeramman n̄a ilo mour in—im ilo mour—in jetōb.
Men̄e ke ikar juōn jiron̄, enan̄in kūr ko aō ilo Kabun̄ ekoba katakin ajri ro ilo Piraimere im ekar kōkketak jemļo̧k eo aō n̄an jibadōk tijemļo̧k ko ilo jelāļo̧kijen kōn elmentere. Ekar likkuun alikkar ilo iien eo ikar kōppojak n̄an kadiojļo̧k.
Jerbal eo aō āliktata Iar aikuj in kamoje pepa eo aō āliktata bwe inaaj kar rie ilo juōn kōnono in teej imaanin jilu rietale ro. Rietale rein rōkar jet iaan rūkaki ro aō ro rōkar katakin kilaj ko aō.
Pepa eo aō ekar mōj ilo delpen, ikar joļo̧k jidik iien joten eo mokta jān iien teej eo im kōnono ippān baam̧le eo an leo jera. Ke ikar iten rool n̄an ijo jikū, jinen leo ekar ba ej kōjatdikdik bwe aōlep men enaaj emman im kar riiti eon in, elan̄n̄e kwopojak kwoj jamin mijak (lale D&C 38:30).
Raan eo tok juōn ekar itok. Bwijin kain ememej ko rōkar itok n̄an lōmņak eo aō. Ikar kememej ekōjkan ikar lōmnak n̄an iļo̧k jān jikin eo ijo ikar rūttoļo̧k ie n̄an kolapļo̧k jelāļo̧kijen eo aō; ikar kememej aōlep karmejjete ko baamle eo aō ekar kommani n̄an kollaik. Ipan karriab aō kallimur n̄an er. Teej eo aō aikuj in juōn eo ellā.
Ro mōtta ilo kilaj rōkar bar kōttar n̄an bōki tej ko aer. Aōleppem kar lōmnak kake kajjitōk ko rilale ro romaron̄ in kwaļo̧ki, ak ikar en̄jaake jokane kōnke ikar jar kōn jipan̄ im kōnke ikar jelā bwe Anij ejelā kadede kakkōt eo ikar kōm̧m̧ane n̄an ejake, etale, im je pepa eo aō.
Ekar jejjet aō iien. Ālkin aō kemeleleik pepa eo aō doulul in rietale eo, ikar jino aō uwaaki kajjitok ko. Ālkin kajitkini jet wūnin kōnono ikar kōnono kaki, juōn iaan rietale ro ekar kajjitōk, “Ewi jon̄an jerbal eo kwaar doore n̄an kōm̧m̧an̄e pepa in?”
“Elap,” Ikar uwaak, “Ikar door aōleppen jon̄an eo Ippa kōnke Ikar kōnaan bwe en keel.”
“Kwon tile laam ne likopen bon̄ōn in?”
“Jaab, ejjab ekkā aō emmej ļo̧k n̄an likōn bon̄ n̄an kōm̧m̧an āō jerbal in jikuul,” Ikar ba. Ij kōpplaake ran eo aō bwe imaron̄ in kōtōprake jerbal ko aō.”
Turin mejen rietale ro kar alikkar an waļo̧k bwilōn̄. Ejja rietale in wōt ekar ba, ij loe bwe ekōjak bwe kwoj kwaļo̧k bwe kwojjab emmej. Kōm jelā rijikuul ro jet mōttam rej, ilo elōn̄ jotieen ko.
Juōn bar rietale ekar ba, “In jiron̄ eok kōn ri jikuul in. Liin ewōr an iien n̄an jabdewōt. I ba āinwōt aō jelā kajien. Liin ewōr an iien n̄an an katak, n̄an ro jeran, baamle eo an, im bōrainwōt n̄an etal n̄an mōn jar.
“Mool?” rietale eo juōn ekar bar bwilōn̄. “Kabun̄ ta eo kwoj iļo̧k n̄an̄e?”
N̄a ej juōn uwaan ilo Kabun̄ eo an Jisōs Kraist im Armej ro Rōkkwojarjar ilo raan kein Āliktata.”
“O, aet, ijelā kabun̄ ta in,” juōn ekar ba.
“Im kōm̧m̧ij katakin n̄an kiki n̄e ej jota wōt bwe kōm̧m̧in maron̄ emmouruur ilo raan en tok juōn.
Ikar en̄jaake lur im jokan̄e kōnono kake gospel eo, men̄e ikar bwilōn̄ kōn kajitikin eo kake kabun̄ ilo iien teej in kabeel.
“Peba eo am ekar jeje kōn̄ en̄jaake elap. Elikkuun emman. Ij kōtman̄e bwe ej bōrainwōt itok jen iminene ko ilo kwe jen kabun̄ eo am.
“Aet,” Ikar ba. “Ikar katakin ilo kabun̄ ekōjkan katakin ajri ro, im ekar likkuun jipan̄ n̄a kōn tikiri eo aō.
“Kwaar bōk n̄an̄e āinwōt juōn ek n̄an den,” juōn iaan rietale ekar komman kōjak. “Kōm̧m̧ij kōjatdikdik kwopan bwijrak jen iļo̧k n̄an jar, kōnke komwiri elap n̄an aōrok ko kwar būki ijen.”
Ejjab etto ikar roļo̧k jen ruum eo bwe rietal ro en wōr iien aer tōpar juōn jemļo̧k. Ruo minit ko tok ālik rōkar kūr eō ļo̧k.
“Ekar jab ben n̄an kōm n̄an topare juōn rie eo ippen doon. Ilo kalimjeke piktokim, kiret ko am rōm̧m̧an, im am jojomar nae peba eo am rainin, jemļo̧k eo am ej rie kwe n̄an kadiiojļo̧k, kōn kautiej in kwaļo̧k. Jaramman!”
Ke Ikar jiron̄ baamle eo aō, kōm kar jiebļo̧k kōn lan̄lōn̄.
Ij kam̧ool bwe n̄e Jemedwōj Ilan̄ ej kakien kōj n̄an ad mōkaj im kakkije ilo pāāt ko ad bwe jān jab maron̄ m̧ōk im maron̄ mōkaj ad jerkak bwe ānbwin ko ad im lōmn̄ak ko ad ren maron̄ in kajoor (lale D&C 88:124), E eaar kōm̧m̧an̄e men in kōn juōn erreiļo̧k eo n̄an kōjjeramman kōj. Kōn juōn erreiļo̧k eo: kōn juōn lōmn̄ak, kōn juōn lōmn̄ak ilo kamlij eo an. Ij kam̧olool kake E kōn an kōtlok gospel eo n̄an an bōktok mōņōņō n̄an kōj ilo aōleppen mwen̄ōn ko kōn mour ko ad.
Pija kemelele jen Christina Smith