Ennaan eo an Būreejtōnji eo Kein Kajuōn
Katakin Katak ko Rem̧ool
Ekar wōr juōn tarinae ikōtaan meram im marok, ikōtaan emman im nana, mokta jān an lal in kar kōmanman. Bata in ej bed wōt ilo nana, im joreen kein loe aer lapļo̧k. Kōjwōj aolep ewōr uwaan baam̧le ko ad ro jāo̧kwe ro emōj uuk er kōn kajoor ko an rikakure eo, eo enaaj kōmman bwe aolep ajri ro nejin Anij ren jōbwābwe. N̄an elōn iaadwōj, elōn kar bon̄ ko eddik iien n̄an ad kakkijje. Jaar kajjeon̄ n̄an kopaik aolep kajoor ko n̄an emman eo me jemaron̄ kōmman kajoor in aire ko pelaakin armej ro rej ped ilo kautata. Jaar io̧kwe er. Jaar likūt waan jon̄ak eo emman kar jon̄an wōt ad maron̄. Jaar wijlepļo̧k er ilo jar ko ad. Juōn rikanaan eo emeletlet iiō ko etto kar letok n̄an kōj juōn kean̄ kake bar juōn kajoor eo me jemaron̄ jet iien kejekdoone im ilo juōn wāween kōjerbale jiddik wōt iien.
Alma ear juōn ritōl an juōn jerlepju in armij ro raar jelmae kōn kakkure jen elōn rikōjdāt ro renana. Ilo tōre in me ekautata, ear jab maron̄ kōmman jabdewōt, innem ear itok n̄an an kelōt. Emaron̄ kar ekkal jikin katōrak ko ak kamineneik ritarinae ro ak kōmman kein tarinae ko. Ak ede eo an kōjatdikdik n̄an an bōk anjo kar n̄an an bōk jiban̄ jen Anij, im bwe ear jelā ke armij ro reaikuj in ukweļo̧k. Im innem ear kelōt n̄an kajjeon̄ juōn men in jetōb mokta: “Im kiiō, kōnke kwaļo̧k kōn naan eo eaar ļap an̄in n̄an tōl armej ro n̄an kōm̧m̧ane ta eo ejim̧we—aaet, men in eaar kajoor an jelōt ļōmņak ko an armej ro jān jāje eo, ak jabdewōt men, eo eaar waļo̧k n̄an er—kōn menin Alma eaar ļōmņak eaar emenin aikuj bwe ren kajeon̄ jelōt ewānik an naan in Anij” (Alma 31:5).
Kōppeļo̧k Lōmnak ko im Būruō ko
Naan an Anij ej katak ko kar katak jen Jisōs Kraist im jen rikanaan ro An. Alma eaar jelā bwe naan ko an katak ko ewōr kajoor eo elap. Remaron̄ kōppeļo̧k lōmnak ko an armej n̄an lale men ko an jetōb ko rejjab maron̄ loe kōn elap ie. Remaron̄ kōppeļo̧k bōro ko n̄an en̄jaake ko an io̧kwe eo an Anij im juōn io̧kwe eo m̧ool. Rilom̧oor eo ear kōjerbale jimor wāween ko an kajoor in, n̄an kōppeļo̧k mej ko im kōppeļo̧k bōro ko, ilo 18th m̧ōttan eo an Doctrine and Covenants einwōt Eaar katakin katak ko An n̄an jabdewōt eo Ekōnaan in jiban̄ E einwōt jet mijinede ro. Ilo am ron̄jake, lōmnake juōn likao jidikdik eo ilo baamļe eo am kiiō ejjeļo̧k kōtmene ilo an kōpooj emake n̄an juōn mijen. En̄in ej wāween eo Maajta eo eaar katakin ruo ian rijerbal ro An im ewi wāween am maron̄ katakin katak ko An n̄an likao jidikdik in eo kwoj io̧kwe: E eaar kōnono n̄an Oliver Cowdery im David Whitmer kōn wāween eo an juōn kien (bwe e ej kakien aolep armej ijoko otemjej n̄an ukweļo̧k, im E eaar kōnono n̄an er aaet einwōt e eaar kōm̧m̧ane n̄an Paul Rijilōk eo An, bwe raar kūr er kōn ejja kūr in wōt eo kar kūr Paul n̄ane) E eaar ba n̄an er n̄an keememej bwe aorōk eo an jetōb ko ej aorōk im̧aan mejan Anij (lale D&C 18:9–10).
Eaar ijjino kōn kwaļo̧k ewi jon̄an An leke er. Innem Eaar kepaaktok būruōer n̄an E kōn kwaļo̧k ewi jon̄an An Jemen im E io̧kwe kajojo jetōb ro. Eaar tokālik etal n̄an pedped in katak ko An. E eaar kōmeleleik ewi jon̄an an naaj jelōt kōj n̄an io̧kwe E: E ej ba bwe Anij ad Rilom̧oor eaar en̄taan mej ilo kanniek im metak ko an aolep armej bwe aolep armej ren maron̄ ukweļo̧k im itok n̄an E. E eaar bar jerkak jān ro remij bwe E en maron̄ bōktok aolep armej n̄an E ioon kōlaajrak ko an ukweļo̧k. E eaar ba bwe ewōr lan̄lōn̄ elap ippān n̄e juōn armej ej ukweļo̧k (lale D&C 18:11–13).
Maron̄ bōk katak ko an mijen eo An n̄an kōppeļo̧k būruōer, E eaar leļo̧k n̄an er kien ko An, bwe raar bōk kūr in n̄an jan̄ limō kōn ukweļo̧k n̄an armej rein (lale D&C 18:14).
Āliktata, Eaar kōppeļo̧k mejeār n̄an lale itulikin katiin̄ eo. Eaar bōke er im kōj n̄an juōn ilju eo ewōr kajetdikdik ie, kōmleleiki ilo karōk in lom̧oor eo elap, ijo jenaaj maron̄ ped ie. Eaar jiron̄ kōj kōn kuk in ippendoon eo emman, eaurōk leļo̧k aolepen ad n̄an lan̄lōn̄:
Im Rilom̧oor eo eaar ba bwe elan̄n̄e emman bwe kwōn jerbal aolepen raan ko am ilo katakin ukweļo̧k n̄an ro jet im bōktok er n̄an e, enaaj wōr lan̄ļōn̄ elap ippād ippān armej eo ilo aelōn̄ eo an Anij. Im elan̄n̄e ad lan̄ļōn̄ enaaj lap ippān juōn wōt jetōb eo jaar bōktok n̄an Rilom̧oor eo ilo aelōn̄ eo an Jemed, ewi jon̄an an naaj lap ad lan̄ļōn̄ elan̄n̄e jenaaj bōktok elōn̄ jetōb ko n̄an E! (lale D&C 18:15–16).
Ilo jejo ennaan ko, Eaar katakin katak ko n̄an kōppeļo̧k būruōd n̄an io̧kwe eo An. Im Eaar katakin katak ko n̄an kōppeļo̧k mejed n̄an loe m̧ool ko an jetōb, rejjab waļo̧k n̄an jabdewot kōlmenļo̧kjen ko rejjab romaak jen Jetōb eo Em̧ool.
Ewi wāween Ad katakin
Aikuj eo n̄an kōppeļo̧k mejed im būruōd ej kwaļo̧k n̄an kōj ewi wāween ad katakin katak ko. Katak ko rej bōk aer kajoor āinwōt Jetōb Kwojarjar ej kapine bwe ej m̧ool. Jej kepooj ro jej katakin, n̄an emmantata eo jon̄an wōt ad maron̄, n̄an bōk wōt unojdikdik in emakijkij ko an, ainikien eo eddik. Men in maron̄ bōk jiddik tōmak ko ilo Jisōs Kraist. Emaron̄ bōk jiddik ettā būruō, jiddik kōnaan in wujelepeļo̧k n̄an jerbal eo an Rilm̧oor eo n̄an kōj. Armej eo kwonaaj kar jiban̄e maron̄ wōr jiddik ak ejjeļo̧k, ak komaron̄ kipile bwe leo ak lio wōr kōnaan n̄an tōmak. Elapļo̧k jene, kwomaron̄ bōk leke eo epen jen bar juōn kōn kajoor ko an katak eo. M̧ool eo emaron̄ kepooj an make ial. Lukkuun ron̄jake naan ko an katak ko maron̄ katōk ine in tōmak eo ilo bōro ko. Im aaet juōn ine jidikdik in kōn tōmak ilo Jisōs Kraist ej kūrtok Jetōb eo.
Kōj elapļo̧k an wōr ad kajoor ioon kepojak ko ad. Jej mōn̄ā jen naan in Anij ilo jeje ko rōkwojarjar im katak naan ko an rikanaan ro remour. Jej jitļo̧k im jar n̄an kūrtok Jetōb eo n̄an kōjmake im armej eo jenaaj katakin.
Kōnke jej aikuj Jetōb Kwojarjar eo, jej aikuj in ekkōl im kejparok jab etal itulikin katat ko rem̧ool. Jetōb Kwojarjar eo ej Jetōb eo Em̧ool. An kapine ej kūrtok jen ad kattoļo̧k kōtmene ko ak kemelele ko ad make. Bwe emaron̄ pen n̄an kōmmane. Kwoj io̧kwe armej eo kwoj kajjeon karrel e. Leo ak lio maron̄ kōjekdoon katak ko kar ron̄ moktaļo̧k. Ej juōn kapo n̄an kajjeon̄ juōn men ekāāl ak en̄jake. Ak jej kūrtok Jetōb Kwojarjar einwōt mōttad elan̄n̄e jej kejparok wōt n̄an katakin wōt katak ko remool.
Juōn ian wāween ko rejejet n̄an kattoļo̧k epaakeļo̧k katak ko rōriab ej n̄an kālōt n̄an melak ilo katak ko ad. Kejparok ej waļo̧k jen pidodo, im jidik ej jako. Jejelā bwe kōnke Rilom̧oor eo ear jiron̄ kōj n̄an katakin katak ko relukkuun aorōktata n̄an ajri jidik ro. Ron̄jake An naan in kain̄: E eaar ba bwe elan̄n̄e ro jinen im jemen ewōr nejeir ajri ilo Zaion, ak ilo jabdewōt stake ko an emōj ejaake, jerawiwi enaaj ioon bōran ro jinen im jemen elan̄n̄e reban katakin ajri ro nejier n̄an melele katak ko an ukweļo̧k, tōmak ilo Kraist Nejin Anij eo emour, baptaij, im bōk men in letok eo an Jetōb Kwojarjar kōn likūt pā ko ioon elan̄n̄e raulitōk iiō dettāer (lale D&C 68:25).
Jemaron̄ katakin juōn nin̄nin̄ n̄an melele katak ko an Jisōs Kraist. Āindein men in emaron̄, kōn jiban̄ eo an Anij, n̄an katakin lukkuun katakin lom̧ooren ko.
Ijjino Imaan
Ewōr ippād emman eo emmantata ippen jodikdik ro. Iien eo emmantata n̄an katakin er ej ilo tōre eo rej iddik, tōre eo ajri ro rej ped wōt ilo aer anemkwoj jen kapo ko an rikōjdat eo aer ilo mour in im mokta jen an naan ko rem̧ool maron̄ pen n̄an er n̄an aer ron̄jake ilo aenwanwa in kakkōt ko aer.
Juōn jinen im jemen eo emeletlet ejjamin joļļo̧k juōn iien n̄an kakopaik ajri ro ippen doon n̄an katak katak ko an Jisōs Kraist. Einwōt iien kein relukkuun jeja ilo keide ippen kijejeto ko an rikōjdat eo. Bwe aolep awa ko kajoor in katak ko rej jino waļo̧k kadkader ilo mour an juōn ajri, emaron̄ bōlen būki awa ko an ennaan ko im pija ko kaarmejjete im kōjekdoon m̧ool ko an lomoor.
Kajjitōk eo ejjab aikuj elan̄n̄e jelukkuun mōk n̄an kepooj n̄an katakin katak ko ak elan̄n̄e enaaj emman n̄an kepaak juōn ajri n̄an baj kōmman mōņōņō ak elan̄n̄e ajri eo ej ijjino n̄an lōmnak bwe elap ad kōnono. Kajjitōk eo emaron̄ in, “Ippān iien eo edik im jet wōt emman ko, ta naan in katak ko jen n̄a me renaaj kakajoor er ņae nitbwil ko ioon tōmak ko aer ko renaaj itok?” Naan ko kwoj kōnono kake rainin bōlen maron̄ naan ko renaaj keememeji. Im rainin jidik wōt im renaaj jako.
Iiō ko ruo rej ellā, jej katakin katak ko jon̄an wōt ad maron̄, im jet wōt iaer rejjan̄in uaak. Ewōr būromōj ilo men in. Bwe ewōr kōjatdikdik ilo rekoot in baamļe ko ilo jeje ko rōkwojarjar. Lōmnak kōn Alma eo eddik im Enos. Ilo iien ko aer renana, raar keememej naan ko an ro jemeir, naan in katak ko an Jisōs Kraist (lale Enos 1:1–4; Alma 36:16–19). Ear lom̧ooren er. Katak ko Am kōn katak kein rōkwojarjar renaaj keememeji.
Men ko Āliktata Rejelōt Katakin
Ruo pere ko remaron̄ itok ilo lōmnak eo am. Kwomaron̄ bwiļōn̄ elan̄n̄e ebwe am jelā katak eo n̄an am katakin.kake. Im elan̄n̄e emōj am kajjeon̄ n̄an katakin kake, kwomaron̄ bwiļōn̄ etke kwojab maron̄ loe elap tōbrak ko remman.
Ilo baamļe eo aō make ewōr juōn bwebwenato in juōn jiron̄ jidikdik eo eaar peran jen jinoin an kar katak katak ko tōre eo e ear juōn uwaan eo ekāāl kōn jidik wōt jelālo̧kjen eo ippen. M̧ool eo in ke tokjen katakin ko an raar jab jemļo̧k aer letok aō kijenmej in kōttar n̄an leen tōbrak ko aō.
Mary Bommeli ekar jibwin jibū. Ikar jab ioone e. Leddik eo jibwin eaar ron̄ an kwaļo̧k bwebwenato eo an im kar jeki.
Mary eaar lotak ilo 1830. Mijinide ro raar katakin baamļe eo an ilo Switzerland tōre eo eaar 24. E eaar ped wōt ilo an jokwe ilo kapejunen eo an, keke im wiakake nūknūk n̄an jiban̄ lale baamļe eo an ilo jikin kallip jidikdik eo aer. Ke baamļe eo an raar ron̄ kōn katak ko an jeplaaktok eo an gospel eo an Jisōs Kraist, raar jelā ke ear m̧ool. Raar baptaij. Laddik eo jein Mary kar kūri n̄an mijen, etal kōn ejjeļo̧k jāān ak iep. Ro jet ilo baamļe eo an raar wiakake aolep men ko wōjer n̄an aer etal n̄an Amedka n̄an kopaļo̧k ippen Rikwojarjar ro.
Eaar jab bwe jāān n̄an aolep n̄an aer etal. Mary eaar wijlepļo̧k emake n̄an an pād wōt kōnke eaar en̄jaake ke emaron̄ kar bōk elap jāān jen an keke n̄an jiban̄ emake im kejparok jāān n̄an an ļe. Eaar loe juōn ialen make n̄an Berlin im n̄an mweo imōn juōn kōrā eo eaar kōjerbale e n̄an keke nūknūk ko an baamļe eo. Eaar jokwe ilo juōn ruum an rijerbal im kar karōk jikin keke eo ilo jikin kōpād eo ilo mweo.
Men in ekar jālōt kien n̄an katakin katak ko an kabun̄ eo an Jisōs Kraist im Armej ro Rōkwojarjar ilo Raan Kein Āliktata ilo Berlin. Ak Mary eaar jab maron̄ depij naan ko remman n̄an emake. Kōrā eo mon mweo im ro jerān raar kopa ippen doon doulul jikin keke eo n̄an ron̄jake an leddik in Swiss eo katakin. Eaar konono kake waļo̧ktok eo an Jemed Ilan̄ im Jisōs Kraist n̄an Joseph Smith, lotok eo an ānjel ro, im kōn Bok im Mormon. Ke eaar itok n̄an bwebwenato ko an Alma, eaar katakin katak ko an jerkakpeje eo.
Men in eaar jālōt jet joreen ko kōn an keke. Ilo raan ko elōn̄ ajri ro raar mij ke rej lukkuun iddik. Kōrā ro rej kapoole jikin keke eo ewōr nejier ajri ro raar mij. Jet iaer elōn̄ jet nejeir ajri ro. Ke Mary eaar katakin m̧ool eo bwe ajri jidik ro rej aer aelōn̄ in Celestial im kōrā ro remaron̄ bar juōn alen pād ippāer im ippen Rilom̧oor eo im Jemed Ilan̄. Kōmjalal eaar wōtļo̧k jen turin mejen kōrā rein. Mary eaar jan̄ barāinwōt. Aolep dāān in kōmjalal ko raar wōtļo̧k raar katutu nūknūk ko Mary eaar kiji.
Katak ko an Mary raar kōmman juōn joreen eo elap. Men̄e Mary eaar akwelap n̄an kōrā rein n̄an aer jab kōnono kake ta eo eaar jiron̄ er, raar kōmmane. Raar jaake aibojooj eo an katak ko n̄an ro jerāer. Innem juōn bon̄ ekar wōr juōn kōllallal ilo kōjem eo. Ekar rikejparok ainemman ro. Raar bōk Mary n̄an jikin kalbuuj. Ilo ial eo ļo̧k eaar kajjitikin juōn ian rikejparok ainemman ro kōn etan riekejet eo enaaj jelmae jibon̄ōn eo juōn. Eaar kajjitōk elan̄n̄e ewōr an baamļe. Eaar kajjitōk elan̄n̄e ej juōn jemen baam̧le eo emman im juōn ripelāle eo emman. Rikejparok ainemman eo eaar ettōn̄ ilo an kōmleleik riekejet eo einwōt juōn emmaan jen lal in.
Ilo jikin kalbuuj eo Mary eaar kajjitōk kōn juōn pinjel im jet pepa ko. Eaar jei juōn leta n̄an riekejet eo. Eaar jei kōn jerkakpeje eo an Jisōs Kraist einwōt ej kōmlele ilo Bok in Mormon kōn lal eo an jetōb, im kōn jon̄an aiktokan an riekejet eo naaj lōmnake im n̄an an kile mour eo an mokta jān an jelmae ekejet eo āliktata. Eaar jei bwe ejelā lein elap ijo ippen n̄an ukweļo̧k kōn an naaj rupe būruōn baamļe eo an im bōktok būromōj elap n̄ane. Eaar jei jān bon̄ eo. Ilo jibon̄ eo enaaj kajjitikin rikejparok ainemman eo n̄an bōke leta eo an n̄an riekejet eo. Eaar kōmmane.
Tokālik rikejparok ainemman eo jilikinļo̧k jen riekejet eo n̄an opiij eo an. Leta eo an Mary kar jeje kar kam̧ool eo bwe eaar katakin gospel eo im innem rupe kien eo. Mekarta, ekar jab juōn iien eo aitok mae rikejparok ainemman eo eaar bar jeplaaktok n̄an Mary. Eaar ba n̄ane bwe aolep likjab ko an kar jako im bwe ej aenemkwoj n̄an etal. An katakin kōn katak ko an jeplaaktok eo an gospel eo an Jisōs Kraist eaar kōppeļo̧k mejen im būruōn bwe n̄an kaduwōjļo̧k jān jikin kalbuuj eo. Im an kwaļo̧k kōn katak ko an ukweļo̧k n̄an riekejet eo ekōmman bwen diwōjļo̧k jān jikin kalbuuj eo.1
Jeknaleman Ro Ineem
katak ko an Mary Bommeli eaar in̄ur elōn̄ļo̧k kōrā ro ipelaakin jikin keke eo im riekejet eo. Jema, leo jibwin, eaar kōnono n̄an n̄a bon̄ōn ko ke ej epaak an mij. Eaar kōnono kōn ippen doon ko relemōņōņō me renaaj itok wōt ilo lal eo an jetōb. Ibaj wōt jidik loe arromaak in meram in al im ettōn̄ dikdik ko ilo jikin eo an rimman ro ke ej kōnono kake juōn kallimur.
Ilo juōn wāween Iaar kajjitikin e elan̄n̄e ewōr jet ukweļo̧k ko ej aikuj in kōmmani. Eaar ettōn̄. Eaar mera an ettōn̄ dikdik ke ej ba, “Ejjeļo̧k, Hal, Iaar ukweļo̧k ke Ij etal maanļo̧k.” Katak ko an lal eo emman me Mary Bommeli eaar katakin kōrā ro kar lukkuun m̧ool n̄an leo jibwin. Im katak ko Mary eaar katakin riekejet eo eaar kajimwe mour eo an jema n̄an an juōn mour eo emman. Enaaj kar jab jemļo̧kin eo an Mary Bommeli katakin. Rekoot in naan ko an renaaj iļo̧k m̧ool in katak ko an n̄an epepen ko an baamļe eo an ro rejjan̄in lotak. Kōnke eaar bwe men̄e juōn rikāāl jidik wōt an jelā kake katak ko n̄an katakin, lōmn̄ak ko im būruōn ro ineen renaaj peļļok, im renaaj kajoor ilo tarinae in.
Ro ineem renaaj katakin katak ko n̄an ro jet kōnke kwaar katakin er. Katak ko remaron̄ kōppello̧k elapļo̧k lōmnak ko n̄an men ko an jetōb im bōro ko n̄an io̧kwe eo an Anij. N̄e katak ko rej boktok lan̄lōn̄ im ainemman, ej barāinwōt wōr kajoor n̄an kōppeļo̧k lon̄i ko. Einwōt kōrā ro ilo Berlin, ro ineem rejjamin bōk wōt naan ko remman n̄an er make.
Elap aō mōņōņō in mour juōn tōre eo me kōj im baamļe ko ad ewōr ippād tarlepen jeplaaktokin gospel eo. Elap aō mōņōņō kōn mijen in io̧kwe eo an Rilo̧m̧oor eo n̄an kōj im kōn naan in mour ko Eaar letok n̄an kōj. Ij jar bwe jemaron̄ jaake naan kein ippen ro jej io̧kwe. Ij kam̧ool bwe Anij Jemed Ilan̄ ej mour im bwe E emōj an jerkak, im Ijelā ej io̧kwe aolep ajri ro Nejin. Jisōs Kraist ej Make wōt Jitenbōro Maan in kanneik im ad Rilo̧m̧oor. Ijelā bwe E emōj an jerkak, Im ijelā bwe jemaron̄ erreo jen ad bokake kien ko im būjen ko an gospel eo an Jisōs Kraist.
Pija ko jen Micheal T. Malm
Pija jān Christina Smith