Jerad n̄an Jerad
Kallim̧ur ko jān juōn Ri Kanaan
Irooj eaar kakien kō n̄an lūn̄ri kien kōj repād ilo katak ko im bujen ko, bwe rej m̧ool im tōmak. Kanaan kein me rej pād ilo katak ko im bujen ko naaj kūrm̧ool (lale D&C 1:37).
Ilo aolepān mour e aō Ikar katak ke elan̄e jej lore katakin ko an ri kanaan ro, jej bōk kōjeraaman ko kallim̧ur kaki. Ilo kwelok eo elap Ilo Eprōl 1986 eo, Būreejtōn Ezra Taft Benson (1899–1994) kar kallim̧ur ke elan̄n̄e baam̧le ko renaaj riiti jeje ko rekwojarjar ippān doon aolep iien, Jetōp eo naaj kobrak moko imweer.1
Kōra eo ippa im N̄a kar kālōt bwe kōmro en lo̧o̧re kabilōk in. Kemro kar karōk kōtōbar eo amro bwe kōmro en riiti juōn jepta juōn raan jān Bok in Mormon ippān ajri ro nejimro jilu—Jorge, 10, Susi, 9, im Luis, 3. Kōmro kar riit aolep raan, kajjojo iaam kar riit juōn eoon ilo̧k juōn. Mekarta Luis kar jab maron̄ riit, ekar kōnaan bok konaan. Ekar jijjet ioon neō, jitok n̄an n̄a, ippān Bok in Mormon ikōtaam. Ke ekar ieen aō riit, kōmro kar lo̧o̧re adin beū ilo aō kar jitōn̄e kajojo naan, im Luis kar āliji aolep naan ko iaar riiti ilo an kalimjōki naan ko ilo aer kar oktak jān lōn̄ n̄an lal.
Mokta jān an kar erom lalim iio dettan, Luis kar kajjitōk, “N̄aat enaaj aō iien riit?”
Kōmro kar kōmeleleik e ke n̄e enaaj rūtto ļo̧k jidik, enaaj etal n̄an jikuul im katōk riit.
Ekar uwaak, “Emōj Aō kadede jelā riit!”
Kar bwilōn̄, Ikar jibwe ļo̧k n̄an e juōn Bok in Mormon. Ekar kepeloke bok eo ilo an oktak jān lōn̄ n̄an lal, kalimjeke tulōn, im kar jino an riit epolemen. Ekar katōk riit itok jān an kar lo̧o̧re kilen ilo Bok in Mormon eo!
Ke ekar jilijino an iiō, Luis jet iien ekōn itok ippa n̄an loļo̧k ro uwaan Kabun in. Ikar kajitok ippān bwe en jaake kam̧ool eo an barāinwōt jidik ennan jān eoon ko rekwojarjar eo me Ikar katakini. Aolep iien ej riit jān Bok in Mormon, ej jibwe ilo an oktak lōn̄ n̄an lal im kalimjek tulōn̄.
Ij kam̧ool n̄an kwe ke elan̄n̄e kwonaaj jino am riiti jeje ko rōkwojarjar jen iien eo kwoj dik, kwonaaj em̧m̧an ļo̧k am melele kōn kallim̧ur ko an Anij im konaaj jelā ta ko Ej kōņaan jān kwe. Juōn raan konaaj erom juōn mama im baba im lōn̄ nejūm ajri jiddik. Katakin er bwe ren riit jeje ko rōkwojarjar, im konaaj lo kam̧ool in kallim̧ur eo ilo Jabōnkenaan 22:6: “Katakin juōn ajri ilo ial eo ej aikuij in etal ie ļo̧k: im elan̄n̄e enaaj rūtto, Ejamin elļo̧k jene.”
Luis ej kiio kamōjļo̧k an jikuul im katōk ilo unibōjete im jerbal ralitok awa juōn raan. Jekdoon jete awa ermuj ej ro̧o̧l tok n̄an mweo jān jikin jerbal, jikuul, ak jerbal ko ilo Kabun̄, ej riit wōt juōn jepta jen Bok in Mormon mokta jān an etal n̄an peet. Kallim̧ur eo jān ri kanaan emōj an lukkuun m̧ool: einwōt walokin ad riti bok in ekwojarjar, baam̧le eo am kar lukkuun m̧ool in jeraaman im elap ļo̧k am ippān doon.
Ij kūr eok bwe kwōn riti jeje ko rōkwojarjar aolep raan. Elan̄n̄e em̧m̧an, riti ippan baam̧le ko ami. Ij rejan̄ kom laddik bwe komin kōpooj kom n̄an ami etal n̄an mijen ko. Ij kūr tok kom aolep n̄an an lōn̄ ami kōtōbar n̄an etal n̄an tampel im ļiabe n̄an indeeo. Im āliktata I kōnaan bwe kwōn keememej naan in rejan̄ jān jetōp jān Būreejtōn Gordon B. Hinckley (1910–2008), eo me kar jiron̄ kōj: “Kwōj aikuiji aolepān jelāļo̧kijen eo komaron̄ bōke … Mekarta n̄e komani aijbok ko, ak jerbal tijemļo̧k in ro rej rimwijmwij, kwōj aikuij in kamineneik iuk make.”2
Ro nejū jitōnboro, ron̄jake rikaki ro ami, bokake ilo kūlaaj ruum ko ami, kōm̧m̧ane ijo konaam em̧m̧an tata,im katak jōnan wōt am maron̄. Irooj elōn̄ ippān kōjeraaman ko rellap kokuni n̄an kom im baam̧le ko ami. Ijo konaad ej n̄an “lo̧o̧re ri kanaan ro; ejelā kōn ial eo.”3
Ke ej epaak 16 iiō dettan, ejjab etto ālikin kar baptais eo an.
Laddik eo nejin Luis ke ej emen an iiō.
Pija ko kamolol jen Elder Octaviano Tenorio; Pija jen Robert A. McKey