Katak im Rikkwojarjar ro ilo raan-kein Āliktata
Bōk jelāļo̧kjen ej juōn mour eo aetok, jerbal ekkwojarjar, ekam̧ōņōņōik Jemedwōj Ilan̄ im ri jerbal ro an rej mōņōņō kake.
Eo ej bōk lal eo kōn katak aikuj in kepaake āinwōt an Moses kar kepaake wōjke eo ewurwur; ej jutak ioon bwidej eo ekkwojarjar, enaj bōk men ko rōkkwojarjar,” Būreejtōn J. Reuben Clark Jr. ear ba (1871–1961), juōn uwaan Būreejtōnji eo Kein Kajuōn, kōnono ilo ekkabit eo an juōn būreejtōn eo ekāāl an Brigham Young University. “Jaikuj itok n̄an kōttōpar in kōn m̧ool ilo aōleppen jikin kein kōn jelāļo̧kjen an armej jabdewot ta eo, ejjab wōt ilo kautiej, ak kōn juōn jetōb in kabun̄.”1
Āinwōt Rōkkwojarjar ro ilo raan -Kein Āliktata jej tōmak ilo jelāļo̧kijen, im ewōr juōn ad iakwe eo kōn jeleļo̧kijen kake ekōjkan im etke jaikuj in kapikote. Ad tōmak ilo kabun̄ ej katakin kōj bwe jaikuj in pikote katakin jen Jetōb im bwe ewōr ad jerbal n̄an kōjerbale jeleļo̧kijen eo ad kōn emmanļo̧k eo an armej.
Ad Kōttōpar kōn M̧ool
“[Ad] kabun̄.… ej likjerjere [kōj] n̄an bukōt ilo niknik iļo̧ken jelāļo̧kjen, kar katakin Būreejtōn Brigham Young (1801–77). “Ebar ejjeļo̧k armej ro jet ilo bed ilo elapļo̧k ikdelel n̄an loe, ron̄jake, katak im melele mool eo.”2
Ad kōttōpar kōn m̧ool eaikuj in ijōn im ijōn in wōt makitkit ko an mour im jon̄an mulal in wōt jon̄an eo jekjek eo ad ej letok. Juōn Rikkwojarjar ilo raan-kein Āliktata emeletlet eaikuj in bukōte n̄an melele aōrok in kabun̄, enbwinin, manit, im kien kōn men ko reppen an raan eo. N̄e ellapļo̧k jeleļo̧k ijen ipped kōn kien ko an lan̄ im men ko an lalin, lapļo̧k in kōketak jōmaron̄ in bōk kōn emman ioon ro ipelakid im ad jokane enaaj lapļōk jen naan nana im kōkatak kōn men ko renana rōmaron̄ bukoje im kakkure kōj.
Ilo ad jipadek kōn mool, jaikuj bukōte jipan̄ kōn io̧kwe eo an Jemādwōj Ilan. Jetōb eo An emaron̄ tōl kōj im kōkajoor ļo̧k kijejeto ko ad n̄an katak im kōlapļo̧k ad maron̄ in melele m̧ool. Ekkatak in kōn Jetōb ejjab waļo̧k ilo kilaj ruum ko wōt ak koppojak n̄an teej ko an jikuul. Ej jerbal n̄an jabdewōt ta eo jej kōm̧m̧ane ilo mour im ilo jabdewōt jikin jej kōm̧m̧ane—ilo ijoko jikid, ilo jerbal, im ilo mōn jar ko.
Ilo ad kōttōpar n̄an bōk im kōjerbale tōl eo an Jetōb ilo juōn lal ej kilaak jān jekjek ko im kōnono ko an raan eo, jaikuj in jutak nae juōn wōtlo̧k eo ekkā an melele ko ie pōd im jej loi jabdewōt jikin ko me rej lito litak jān jerbal kel ko raan kein. Jōkauotata erom ta eo juōn ej mejekeļo̧k ba “‘pankek in armej’ erak depakpak im māni jej ekkejak ippen jerbal in kōnono in edepakpak kōn melele ko jej tōbari jān in̄uri an juōn battin”3
Jej barāinwōt nitbwilli jān kalujooj in kōnono ko, emmakit in komalij jen telbijōn, mekijiin in jon̄ok kāāl ko, im melele ko an rikōnono ro ilo nuuj ko, ko aōrokier rankeke im aer jerbal aikuj kajitkini maron̄ kōmakit kōlmenļo̧kijen im kōketak baōtokid. N̄an waan jonok, Būreejtōn Spencer W. Kimball (1895–1985 ekar ba, “Ekar jimin wōr juōn iien ilo lalin n̄e jerbal ko an [kōrā im emmaan] ekar lapļo̧k an kabokbok.”4
Ilo jekjek in, po̧k, ebbweer, ak jaje kake emron̄ in ijjino in jen̄e tōmak ko ad im kōjeor kōj jān Rilomoor eo im ial ad ejaake aelōn̄ eo An ilo lalin. Elan̄e jenaaj macron on top ko ad ioon ial ko im kipel ko an lalin, jenaaj “joto jotak n̄an im jān im booke ļo̧k ilo jabdewōt kitwon katak, jān etaō an armej, im kabo ko an kaniek, ijo rej kōttar n̄an aer kabo” (Epsos 4:14).
Jab kōketak ko jān lōmnak ko rōwelpo, Kabun̄ eo an Jisōs Kraist im Armej ro Rōkwojarjar rej katakin pedped ko. Oktak eo emwilal. Ial ko, jon̄ok, im lōmnak wōlbo ko rejjir im kadu jetn̄akier. Pedped ko rej jerbal āinwōt jooņ kōn kōbātaklik, kilaak, im m̧ool. Elan̄e jenaaj dood ad melele ko im kilak ilo katak im pedped ko, āinwōt tōmak ilo Irooj Jisōs Kraist im loore rikanaan eo, enaaj wōr juōn kije in leke, tōl eo epan okbā kōn jemļo̧k ko an mour.5
Jaikuj in jab mijak. Būreejtōn Henry B. Eyring, Kein Kajuōn Rikapilōklōk eo ilo Būreejtōnji eo kein Kajuōn, kar katakin kōj: “Irooj ejelā jimor ta E ej aikuj in kōm̧m̧ane im ta komij aikuj in jelā. E ejouj im ejelā kake aōlep men. Innem kom maron̄ kōn ejjaļo̧k pere kōtman̄e bwe E ekar kōpooj iien ko rōmman n̄an kom n̄an katak im kōpojak n̄an jerbal eo komij aikuj in ko̧m̧m̧ane. Kom pan kile iien kein rōmman ilo karbōb i er. … Ak n̄e komij dood men ko bwinin jetōb mokta ilo mour ko ami, kom naaj jeramman n̄an en̄jaake kipel ko n̄an jet katakin, im kom naaj kōkātak n̄an jerbal elapļo̧k.”6
Am Erreo
Kate ko ad n̄an katak aikuj in ekkejel ippen ad erreo n̄an bōk tōl eo an Jetōb Kwojarjar. Jaikuj kōtoon kiki ilkin mare ko ad, lali pija ko renana, im menin an̄ūr ko barāinwōt lōmnak ko renana ņae ro jet ak kōj make. Jerawiwi ej ubaake ļo̧k Jitbōn Irooj, im n̄e ej waļo̧k, imōke eo ejeja an Jetōb ej iļo̧k im laam in katak eo etinad.
Ilo madenļo̧k ko ilo raan kein ewōr juōn kallimur bwe elan̄e mejād ej mejoke ļo̧k aeboojoj eo an Anij, eo ekoba erreeo an juōn, ad aoleppen [enbwin] enaaj oprak kōn meram, im enaaj ejjeļo̧k marok ie [kōj]; im bwe enbwinnid eo ej oprak kōn meram ejelā kake aōlep men ko ( lale D&C 88:67).
Jemaron̄ kam̧ool kake pedped in indeeo in jen iminene eo am make ippam. Kememej juōn iien kwar kwaļo̧k am inebata, akweel , ak kōbjoju. Komaron̄ ke katak ilo kejekļo̧kjen in. Kwar ke bōk jabdewōt kain meram in kejekļo̧kijen ilo iien in?
Jerawiwi im illu rej kamarokļo̧k lolātāt ko. Rej kōm̧m̧ane juōn waween demak meram eo im m̧ool eo ej kwaļo̧k mūte in meletlet, eo ej kaaeboojoj je Anij (lale D&C 93:36). Ukweļo̧k, eo emmaron̄ in kareoik kōj jān jerawiwi ilo pinmuur eo an Jisōs Kraist, ej jujen juōn bun̄ten ilo iial in katakin kōn aōlep ro rej bukōte meram eo im m̧ool eo ilo katakin kōn kajoor eo an Jetōb Kwojarjar.
Kōj jej ro rejjab jejjet, ak kajjojo iaad emaron̄ in bun̄maanļo̧k n̄an erreo elapļo̧k n̄an jemdoon eo an Jetōb, eo enaaj kōlapļo̧k kōlmenļo̧kijen ko ad im kōpooj kōj bwe jōn maron̄ jojomar n̄an m̧ool eo, n̄an jutak ņae men ko reppen ipelaakid, im n̄an kōm̧m̧an jipan̄ ko remman.
Jelāļo̧kjen
Ilo kālet ko ad n̄an jelāļo̧kijen jaikuj in kōpojak n̄an jipan̄ kōj make im ro rōmaron̄ in kōjatdikdik kake kōj. Emenin aikuj bwe en wōr ad kapeel im jelāļo̧kijen ko aikuji bwe juōn ej bōk eok n̄an jerbal. jelāļo̧kjen ej menin aikuj n̄an kōpetaklik eo an make im emman ļo̧k an juōn.
Jemedwōj Ilan̄ ej kōtmane bwe jān kōjerbale anemkwoj in kālōt eo ad im imōke eo n̄an etale kōj make im maron̄ ko ad im kālōt ielan jelāļo̧kjen eo jaikuj in loore. Menin eaōrok elaptata n̄an jodikdik ro rej kab mōj aer ae jikuul im jerbal in mijenede im kiō rej jelmae kālōt ko kōn jikuul maan ļo̧k im jerbal. Kōnke kālōt ko rej jelmae emmaan ro im kōrā ro remaron̄ oktak jān doon, jej ijino jen jinaiki ilo ad iminene ko roktak jān doon, tōmaki bwe rej jekjek ko an elōn̄ Rikkwojarjar ro ilo raan-kein Āliktata.
Elder Oaks: Āinwōt elōn̄ ian likaō ro, aō kōttōpar n̄an jelāļo̧kjen ekar kakijekek, wōnmanļo̧k, im kar kaale jen aikuj eo n̄an aō maron̄ make n̄an jipan̄ juōn baam̧le. Ālkin kalej wōnmaanļo̧k wōt ion kalej. Eo ekar itok wōnaan jān jerbal in baat-taim im baaro eo naaj bar kōrole jān tōprak in jikuul eo ekar letok n̄an n̄a kōketak n̄an kadedeļo̧k aō jikuul im wōnmaaļo̧k kōn mour in jerbal eo. Ilo ial in ikar mare, im ekar jino wōr nejjim ajri. Lale kōrā eo ippa im eddo eo kōn juōn laplok in baam̧le ekolaplok ao katak ilo jikuul im letok kajoor in koketak nan kadiojlok im wōnm̧aanļo̧k kōn jerbal ilo mour.Ālkin an mōj aō jikuul, ikar wūjlepeļo̧k jet iien ko aō n̄an wōnm̧aanļo̧k ilo jelāļo̧kjen ilo jerbal eo aō im kobaik tok riiti meno ikōnaan ilo belak ko kake bwebwenato in Kabun̄ im jelāļo̧kjen ilo likieo in.
Jejter Oaks: Ialen jelāļo̧kjen im iminene an kōrā ekkā aer oktak jān ko an emmaan. Ikar rūttoļo̧k ilo juōn tōre eo kōra ro ewōr wōt ruo kālōt ko n̄an jipan̄ ermake katakin im kōkajiriri. Būrablōm eo aō ekar bwe ikar jan̄in kālōt juōn iear. Jipan̄ eō make kake jāān ekar juōn men ikar jab lōmnak kake bwe emenin aikuj. Ikar io̧kwe katak, im ikar jelā ewi waween jerbal; ilo m̧ool ikar io̧kwe jerbal. Ekar kanooj lōn̄ aō jerbal ilo iien rak, im ekar emman aō katak ilo jikuul. Ke ikar āliktata kile m̧ool eo bwe ikar aikuj in bōk eddoū, ikar mijak, nan̄in barōk, jen jab loe men ko rejeltok imaan me āinwōt relap imaō. Ekar ejjeļo̧k elap kapeel ko n̄an jerbal. Katak ko aō ilo lebrel art ekar bōk jinbō, ak kio ikar aikuj in kanne jikin jāān eo aō.
Ikar ilo̧k n̄an jikuul ko ilōn̄ in emen iio kalej n̄an bōk jet kabeel ko n̄an un̄n̄ore beiū. Ikar io̧kwe aōlep minit in katak ko im iionne jab wōt melele ko rōkaal ak kar jelā kake maron̄ ko aō make. Ijo ikar likjab ie kōn jaje kake, kiō ikar en̄jaake aō maron̄ im leke n̄an jelmae mour ilo n̄a make.
Ial ko rej kijoone doon
Jejelā bwe ejjeļo̧k men en ekabokbok jān jab jele ta eo kwoj kōm̧m̧ane kōn ilju im jeklaj, ak ejjeļo̧k men en elapļo̧k an emman n̄an kwe jān jelā kake maron̄ ko am make. Riiti kōjjeramman eo am an betriaak [jemā], kile maron̄ eo ilo piktokim im kabeel ko, im wōnmaanļo̧k. Bōk būnten eo imaan, im kōjam ko renaaj belļo̧k. N̄an waan jon̄ok, ke Jejter Oaks ekar ijjino ilo En̄lij letrejer, ekar jab ettōņake bwe enaaj kar leļo̧k n̄an e juōn mon jeje bok ilo Boston. Ke Elder Oaks ekar katak lale bok in beejnej, ekar jab kōtmane bwe enaaj kar katak kien, n̄an Brigham Young University, im jujen ilo̧k n̄an Utah Jikin Ekajet. Ippen Irooj, “aōlep men ko rej jerbal ippen doon kōn [ad] emman” (Ri Room 8:28), im jelāļo̧kjen eo jej bōk ej itok ilo jidik kōn jidik āinwōt an mour ko ad mejeļļo̧k imaad.
Jaikuj kālōt ad ekkatak kōn etale kōnke katak ewōr an mour indeeo make, im jabdewōt jelāļo̧kjen aikuji ak meletlet ak pedped in jelāļo̧kjen jej pūki ilo mour in enaaj waļo̧k ippād ilo jerkakbeje eo (lale D&C 130:18).
Ekamijak bwe elōn̄, elaptata kōrā ro, ewōr aer jelke im jaje kake kōn aer maron̄ in le. Kōnono n̄an leddik ro rej jikuul me rej ekkatak bōnbōn, jain, im injinieerin̄ ilo Maaj 2005, ilo BYU burejten Elder Cecil O. Samuelson Jr. Jān Jiljilimjuōnn̄oul ekar ba, “Juōn iaan brobejer ro ekar jiron̄ eō. Bwe jet iaami edik aer leke maron̄ ko aer im lapļo̧k kōtmene ko ami remman jān an emmaan ro mottami men̄e walok eo emaron̄ kalikkar bwe menin ejjab m̧ool. Kwaikuj in kile talen ko am, kabeel ko, maron̄ ko n̄an katak, im kajoor ko im jab pokake menin letok ko me Anij ekar liwaji n̄an kwe”7
Kōrā ro elaptata romaron̄ in bōk juōn uwaak eo enana n̄e rej bukōte jerbal ko rellap. Juōn jejter jidikdik ilo an 20 jima iiō ko ālik im ekar jelmae kōn jipan̄ e make ekar jeje n̄an bōk kabilek. Ekar leke n̄an kepaake juōn ritōl an ilo kabun̄ kake an katak kōn kien im ekar kabbweere e. Jejjaab jelā kōn an maron̄ ak jon̄an eo an, kipel ko ekar bōk emaron̄ in pedped wōt ioer ak jān imoke eo ejej uwaan n̄an jekjek eo an. Ak an kōlmenļo̧kijen kar en̄jaake ilo peij in leta eo an, im ekar alikkar bwe ekar aikuj in bōk kabilek n̄an an tōpar aolepen jon̄an maron̄ eo an.
Būreejtōn Thomas S. Monson, āinwōt mōttan ennaan eo an ilo kweļo̧k eo elap an Doulul eo an Kōrā ro kar kōm̧m̧an ilo Jeptōm̧ba 29, 2007, kar jiron̄ kōrā ro: “Jab jar kake jerbal ko jon̄an wōt maron̄ ko ami, ak jar kake maron̄ ko jon̄aer wōt jerbal ko ami. Inn̄em ami eddo̧kļo̧k enaaj kabwilōn̄lōn̄ eo, ijjelokkin jerbal eo.”8
Kōmij kakkōl bwe kōn aikij in n̄an kamōj jikuul im ejaake jortokilik in jāān, emmaan ak kōrā ro maron̄ ļatipnōl er n̄an kālōt bwe mare ej men eo edik an aorōk. Ej juōn indeeo ekadu jetn̄akin n̄an kōm̧m̧an bwe juōn en bukōt ialen pikote jerbal ro rebun̄bun̄ im kōm̧m̧an bwe juōn en jab alikkar an mare, juōn indeeo aōerok,kōnke ejjab jejjet ilo kollajrakin in jerbal utiej, juōn arōk an lal.
Juōn jera ekar karoon̄e leddik eo n̄ejjin n̄an etali jikuul ko ālkin emen iiō kalej ilo tu rear in United States. An kōnaan im kabeel an n̄ejjin kōrā in kar jelā bwe ilo an iļo̧k n̄an jikuul eo ilōn̄ tata in kālōt eo an, enaaj kōm̧m̧an muri ko rellap n̄an bukōte jelāļo̧kjen ijen. Ekkā jelāļo̧kjen ko rem̧m̧an tata ewōr tokjān kōllaiki, ak ilo jekjek in, leddik eo n̄ejin ekar jar im kar en̄jaake bwe wōnaan ko rellap rōppan dāpiji e jān an mare, enaaj jujen bōbrae e jān an jerbal āinwōt bed imweo imōn in kōkajiriri. Kwon lole. Kajjojo iad eoktak. Elan̄e kwonaaj pikote kipel eo An, Irooj enaj lewōj n̄an kwe ta eo emman n̄an kwe.
Ikdelel n̄an Katak
Elder Jay E. Jensen jān Būreejtōnji eo an Jiljilimjuōnnoul ekar katakin bwe jaikuj aolep iien “n̄an dāpij juon ekkatak, jemlo̧kin eddōklo̧k.”9 Edden̄akļo̧k en aikuji ekkan̄ jān juōn kōnaan n̄an katak, tōle jān men ko ilōn̄jtata indeeo.
Ijjelo̧kin kōlapļo̧k ko ad kōn n̄an jerbal ko, aikuj wōr kōnaan n̄an katak ekōjkan n̄an erom elapļo̧k ikdelel n̄an kōm̧m̧an, elapļo̧k kabeel ilo kōtaan ko ad, im jined im jemed rem̧m̧an im armej in ijo. Ewōr jejjo men ko n̄an kōm̧m̧an, im ekaitoktok limo jān katak jet men kaal. Mōņōņō elap, po kōnaan, im wōnaan ko rej itok jān menin. Juōn jelāļo̧kjen ejjab n̄an wōt pād ilo jikuul. Juōn mour n̄an katak emaron̄ in kolapļļo̧k ad maron̄ in mōņōņō im ijole jerbal ko in aeboojoj eo an lal eo ipelakid. Kain katak rot in ej ilōn̄inļo̧k bok ko im kālōt waween kōjerbali ilo menin elolo, āinwōt Intōrnet. Ekoba bukōte kabel ilo art. Ej bōrāinwōt koba imin̄en̄e ko ippen armej im jikin ko: kōnono ko ippen ro jerad, loļo̧k mōn kalujooj ko im jikin kōjan̄jan̄ im al ko, im iien emman ko n̄an jerbal. Jaikuj in kōdenakļo̧k kōj make im lan̄lōn ilo iine in.
Jōmaron̄ kakkōt n̄an tōpar mejen kajjik ko ad, ak ad kakkōt emaron̄ in kwaļo̧k jon̄an ad maron̄ in eddok in wōt in ad maron̄ katak. Kajoor ko jej ejaaki ilo ad anjo jān men ko reju imaan enaaj ippad ilo indeeo ko rej itok. Jaikuj jab ebbanbane ro im epidodo jāān n̄an er ak aer jelāļo̧kjen ekōm̧m̧an pidodo. Men ko kōn eddļo̧k ekar jab kōm̧m̧ann kōn pidodo, im armej ro epidodo ippāer raikuj n̄an kile eddok ļo̧k eo aer kōn kijejeto ko ak jako jān wōnm̧aanļo̧k eo bwe ej wūn eo kōn mour.
Men in eaorōk, ewōr ad eddo n̄an wōnm̧aanļo̧k ilo ad jelāļo̧kjen ilo jetōb jān katak jeje ko rōkkwojarjar im jeje ko an Kabun̄ im jān ilok n̄an mōnjar im tampel. Mōn̄ā ioon naan ko kōn mour enaaj karuj kōj, kōlapļo̧k ad maron̄ n̄an katakin ro jākwe er, im kopooj kōj n̄an mour indeeo.
Kōttōpar eo elap an juōn jelāļo̧kijen ej n̄an kōmman bwe kōj jinen im jemen ro im rijerbal ro ilo aelōn̄ in kiin̄ eo. Āliktata ej eddōļo̧k lolātāāt, im meletlet jej bōki bwe rej kōlapļo̧k jetōb ko ilo kōj im kopooje kōj n̄an indeeo, ejjab kiret ko ilo kalej. Men ko bwinin Jetōb rej men ko me rej indeeo, im kotaan ko ad ippen baam̧le ko ad, liebe jen kajoor eo an burijtuut eo, rej leeo ko leen Jetōb. Jelāļo̧kijen ej menin letok jen Anij; ej juōn dekā in jabōn em eo an kabun̄ eo ad n̄e jej kōjerbale n̄an kōjramman ro jet.
Anmiin̄: Pija jen Craig Dimond; anmoon; kōmelele in pija jen John Luke, Matthew Reier, im Christina Smith
Kōmeleleen pija kein jen Robert Casey, Marina Lukach, im Craig Dimond
Kōmeleleen pija kein jen Mathew Reier, Craig Diamond, im Christina Smith
Katak kōn Jetōb ejjab pād wōt ilo kilajruum ko ak kōpojak n̄an teej ko n̄an jikuul. Ej jerbal n̄an jabdewōt ta jej kōm̧m̧an̄e ilo mour im ijoko jabdewōt jen kōm̧m̧an̄e—ilo mōko, ilo jikin jerbal im ilo mon jar.
Juōn jelāļo̧kjen ejjab kōm̧m̧an wot n̄an iien ko jejelākake n̄an katak. Toonwōt an juōn mour emaron̄ in kolaplop am maron̄ n̄an mōņōņō im ijole jerbal ko im aiboojoj eo an lal eo ibelakid.