Kajitok im Uwaak kin Lajraak eo an Kabun̄ in
Etke Kabun̄ eo ej bōk etan Jisōs?
Jisos kar ba ej etņake Etan kōnke ej Kabun̄ eo an in (lale 3 Nipai 27:8. Ekar karōke n̄an jiban̄ kōj rool n̄an ippān Jemādwōjilan̄. Jisōs Kraist ej e eo ej bōran Kabun̄ eo.
Ta melelein “raan ko ālik”?
Jisos eaar ba bwe kabun̄ eo Aō ilo raan kein āliktata naaj naetan Kabun̄ eo an Jisos Kraist im Armej ro Rekwojarjar ilo Raan kein Āliktata (lale D&C 115:4).“Raan- kein ālik” melelein raan ko āliktata, iien eo jej mour ie kiio.
Ta melelein “Armej ro Rōkwojarjar”?
“Armej ro Rōkwojarjar” melelein ro uwaan Kabun̄ eo an Kraist. Jeje ko rōkwojarjar rej kennaan kōn ro rem̧m̧an ilo elōn̄ iien ko.
Tōre ko ilo Kallim̧ur Mokta: Deuteronomy 33:3; Psalm 30:4
Tōre ko ilo Kallim̧ur Ekāāl: 1 Corinthians 1:2
Tōre ko ilo Bok in Mormon: 1 Nipai 14:14; Moronai 8:26
Tōre ko an Joseph Smith: Doctrine and Covenants 57:1; 84:2
Rainin, ro uwaan Kabun̄ in rej barāinwōt ņa etaer armej ro rōkwojarjar.
Ekōjkan an kar Jisos Kraist ejake Kabun̄ eo an?
Jisōs kar ejake Kabun̄ eo an ke ej mour ioon lalin, ke Ekar lolok ro ilo lal kan an Amedka, im ke Ekar koro̧o̧l tok ippān RiKanaan Joseph Smith. Kajojo iien n̄e ej kalet ri jilōk ak ri kalo̧o̧r n̄an jipan̄ E kalōk aelon̄ in Anij ioon lal jān katōk kin gospel (lale Mark 16:14–15; 3 Nipai 12:1).
Jisōs barāinwōt kūr juōn ri kanaan n̄an tōl kabun̄ in. Būreejtōn eo an Kabun̄ in ej juōn ri kanaan. Jisōs kar kūr Joseph Smith einwōt ri kanaan eo jinoin ilo raan kein āliktata. Thomas S. Monson ej Būreejtōn eo kein kajon̄oul jilijino n̄an Kabun̄ in. RiKanaan eo wōt maron̄ bōk madenļo̧k ko n̄an aolepān Kabun̄ in.
RiJilok ro Jon̄oul Ruo ilo Kallim̧ur Ekāāl
RiKalo̧o̧r ro Jon̄oul Ruo ilo tōre ko an Bok in Mormon
Rijilōk ro Jon̄oul Ruo rainin
Joseph Smith, Būreejtōn eo kein kajuōn an Kabun̄ in
Thomas S. Monson, Būrjeetōn eo kein kajon̄oul jilijino an Kabun̄ in
RiKanaan Ro ilo Raan kein Āliktata
Ekōjkan an Ri Tōl ro an Kabun̄ jiban̄ Jisōs?
Aolep ri tōl ro an Kabun̄ rej jiban̄ Jisōs ilo aer jerbal n̄an ro jet uwaan Kabun̄ in.
Ri kanaan eo ej tōl RiJilōk ro Jon̄oul Ruo.
RiJ ilok ro Jon̄oul Ruo rej tōl Doulul eo an Jiljilimjuōnn̄oul.
Dooulul eo an Jiljilimjuōnn̄oul rej jiban̄ Ri Jilōk ro katakin stake im district būreejtōn ro.
Stake im district būreejtōn ro rej jiban̄ bisop ro im branch būreejtōn ro.
Ilo ward ko im branch ko, bisop ro im branch būreejtōn ro rej tōl būreejetōn eo an Dooulul eo an Kōra, būreejtōn eo an Likao ro im Jiron̄ ro, būreejtōn eo an Piraimere, būreejtōn eo an Jabōt Jikul, imoko im rūkaki in lolok, im bar ritōl ro jet.
Ritōl im rūkaki ilo ward ko im branch ko rej jerbal n̄an aolep.
Ekōjkan am maron̄ jiban̄ Jisōs?
Kwoj jiban̄ Jisōs elan̄n̄e kwoj kejparok kien ko An. Kwoj jiban̄e ilo am lo̧o̧re ri kanaan eo. Kwoj jiban̄ E ilo am katak kōn E jen am itok wōt n̄an iien jar im riit jen jeje ko rōkwojarjar. Kwoj jiban̄ E elan̄n̄e kwōj kōm̧m̧ane menko rejimwe. Jen am kōm̧m̧ani menkein, kwōj kōpojak n̄an am naaj juōn ri tōl iliju im jeklaj ilo Kabun̄ in An, Kabun̄ eo an Jisōs Kraist im Armej ro Rōkwojarjar ilo Raan Kein Āliktata.
En̄iin Bā ko Baiū im Ņe ko Neū, jān Harry Anderson; Jilu Nephites, jān Gary L.Kapp; pija ripijaiki jān welden c. andersen; kemeleleik in Joseph Smith Jr., kam̧olol jān ro uwaan Kraist Archives, Independence, Missouri; pijain Būreejtōn Monson jān David Newman