1 Lo, ālikin men kein, n̄a, Nipai, iaar kanooj kūr n̄an Irooj aō Anij, kōn ^aillu eo an ļōm̧aro jeiū.

2 Ak lo, aer illu eaar ļapļo̧k ņae eō, jon̄an raar pukot n̄an bōk mour eo aō.

3 Aaet, raar ellotaan ņae eō, im ba: Ļeo edikļo̧k jatid ej ļōmņak n̄an ^airooj iood; im eļap ad en̄taan kōn e; kōn menin, kiiō jen m̧ane e, bwe jān jab bar en̄taan kōn naan ko an. Bwe lo, jeban kōtļo̧k bwe en ad irooj; bwe men in ej n̄an kōj, ļōm̧aro rerūtto jein, n̄an irooj ioon armej rein.

4 Kiiō ij jab jeje ioon pileij kein aolep naan ko raar ellotaan ņae eō. Bwe ebwe wōt n̄an aō ba, bwe raar pukot n̄an bōk mour eo aō.

5 Im ālikin men kein, Irooj eaar ^akakkōl eō, bwe n̄a, ^bNipai, ij aikuj ko jān er im ilo̧k ilo āne jem̧aden, im aolep ro rekōņaan kar ilo̧k ippa.

6 Kōn menin, ālikin men kein, n̄a, Nipai, iaar bōk baam̧le eo aō, im barāinwōt ^aZoram im baam̧le eo an, im Sam, ļeo erūtto jeiū im baam̧le eo an, im Jekab im Josep, ļōm̧aro jatū, im barāinwōt kōrā ro jeiū im jatū, im aolep ro raar kōņaan kar ilo̧k ippa. Im aolep ro raar kōņaan ilo̧k ippa rej ro raar tōmak ilo ^bkakkōl ko im revelesōn ko an Anij; kōn menin, raar eo̧ron̄ naan ko aō.

7 Im kōm ar bōk em̧ kōppād im jabdewōt men ko kōm ar maron̄, im kar ito-itak ilo āne jem̧aden ium̧win elōn̄ raan ko. Im ālikin am kar ito-itak ium̧win elōn̄ raan ko kōm ar kajutak im̧ōn kōppād ko am.

8 Im armej ro aō raar kōņaan bwe kōmin ņa etan ijo ^aNipai; kōn menin kōm ar ņa etan Nipai.

9 Im aolep ro raar pād ippa raar bōk ioer n̄an kūr etaer make ^aarmej in Nipai.

10 Im kōm ar lale n̄an kōjparok ekajet ko, im kakien ko, im naan in jiron̄ ko an Irooj ilo men otemjeļo̧k, ekkar n̄an ^akien Moses.

11 Im Irooj eaar pād ippām; im kōm ar jeraam̧m̧an otem jeraam̧m̧an; bwe kōm ar kallib ine, im kōm ar m̧adm̧ōd jonikkan ekanooj ļap. Im kōm ar jino tāāp bwijin in sip ko, im bwijin mennin mour ko, im mennin mour otemjeļo̧k.

12 Im n̄a, Nipai, iaar barāinwōt būki ļo̧o̧k ko kar m̧wijit ioon ^apileij brass ko; im barāinwōt ^bball eo, ak ^ckam̧bōj, eo kar kōpooje n̄an jema jān pein Irooj, ekkar n̄an men eo ej jeje.

13 Im ālikin men kein kōm ar jino kanooj wōrļo̧k, im timoon ilo āneo.

14 Im n̄a, Nipai, iaar bōk ^ajāje eo an Leban, im jān jekjek eo an iaar kōm̧m̧an elōn̄ jāje, m̧aanjāppopo bwe kōn jabdewōt wāween armej ro kiiō im etaer ^briLeman renaaj iabon̄e kōm im ko̧kkure kōm; bwe ijeļā kūtōtō eo aer ņae eō im ro nejū im ro im kar kūr er aō armej.

15 Im iaar katakin armej ro aō wāween kalōki m̧ōko, im wāween jerbal kōn aļaļ otemjeļo̧k, im kōn ^amāāl, im kōba, im kōn brass, im kōn steel, im kōn gold, im kōn silver, im kōn māāl ko reaorōk, ko im raar kanooj lōn̄.

16 Im n̄a, Nipai, iaar kalōk juon ^atampeļ; im iaar kalōk e āinwōt jekjekin ^btampeļ eo an Solomon ijowōtke eaar jab ekkal kōn elōn̄ men ko ^creaorōk; bwe kōm ar jab loi ioon āneo, kōn menin, eaar jab maron̄ ekkal āinwōt tampeļ eo an Solomon. A jekjekin eaar āinwōt tampeļ eo an Solomon; im eļtan pā ko ie raar kanooj mejādik.

17 Im ālikin men kein, n̄a, Nipai, iaar kōm̧m̧an bwe armej ro aō ren ^awāmourur, im bwe ren jerbal kōn peier.

18 Im ālikin men kein, raar kōņaan bwe n̄a in aikuj aer ^akiin̄. A n̄a, Nipai, iaar kōņaan bwe en jab wōr aer kiin̄; mekarta, iaar kōm̧m̧an n̄an er ekkar n̄an ta eo eaar ilo kajoor eo aō.

19 Im lo, naan ko an Irooj raar kūrm̧ool n̄an ļōm̧aro jeiū im jatū, ko Eaar kōnono kōn er, bwe inaaj aikuj in aer ^aripepe im aer ^brikaki. Kōn menin, iaar aer im aer rikaki, ekkar n̄an kien ko an Irooj, m̧ae iien eo raar pukot n̄an bōk mour eo aō.

20 Kōn menin, naan eo an Irooj eaar kūrm̧ool eo Eaar kōnono n̄an eō, im ba bwe: Jon̄an wōt aer ^ajab eo̧ron̄ naan ko am̧ renaaj m̧wijkōk jān im̧aan Mejān Irooj. Im lo, raar ^bm̧wijkōk jān im̧aan mejān.

21 Im Eaar kōm̧m̧an bwe juon ^alia en itok ioer, aaet, em̧ool juon lia ekōmetak, kōn aer nana. Bwe lo, raar kapene burueer ņae E, bwe ren erom āinwōt dekā in jemjem; kōn menin, āinwōt ke raar mouj, im kanooj in erreo im ^bkarbōb, bwe ren maron̄ jab karreel armej ro aō Irooj Anij eaar kōm̧m̧an bwe juon ^ckil kilmeej en itok ioer.

22 Im āindein Irooj Anij ej ba: Inaaj kōm̧m̧an bwe ren ^akajjōjō n̄an armej ro am̧, eļan̄n̄e rej jab ukeļo̧k jān nana ko aer.

23 Im lia enaaj ineen eo ineen ej ^akāre ippān ineer; bwe renaaj lia kōn ejja lia eo wōt. Im Irooj eaar kōnono men in, im eaar waļo̧k.

24 Im kōn lia eo aer raar erom armej ^ajowan, obrak kōn m̧oņ im etao, im raar pukot ilo āne jem̧aden kidu awiia n̄an kijier.

25 Im Irooj Anij eaar ba n̄an eō: Renaaj juon kaen̄tanaan n̄an ineōm, n̄an ļōkatip er ilo iaļan ememļo̧kjeņ kōn Eō; im toun wōt aer jab ememej Eō, im jab eo̧ron̄ naan ko Aō, renaaj kaen̄taan in em̧ool n̄an jako.

26 Im ālikin men kein, n̄a, Nipai, iaar ^akōjenolo̧k Jekab im Josep, bwe ren pris im rikaki ro ioon āneo āneen armej ro aō.

27 Im ālikin men kein, kōm ar mour ilo juon wāween elem̧ōņōņō.

28 Im jiln̄uul iiō eaar mootļo̧k jān iien eo kōm ar ilo̧k jān Jerusalem.

29 Im n̄a, Nipai, iaar kōjparok ļo̧o̧k ko ilo pileij ko aō, ko iaar kōm̧m̧ani, kōn armej ro aō tok n̄an tōre in.

30 Im ālikin men kein Irooj Anij eaar kōnono n̄an eō: Kwōn kōm̧m̧an ^abar jet pileij; im kwōnaaj m̧wijiti elōn̄ men ko ioer ko im rekōm̧ōņōņō ilo meja, n̄an ļapļo̧k eo an armej ro am̧.

31 Kōn menin, n̄a, Nipai, bwe in pokake kien ko an Irooj, iaar ilo̧k im kōm̧m̧ani ^apileij ko im ioer iaar m̧wijiti men kein.

32 Im iaar jeje men eo ej kam̧ōņōņō n̄an Anij. Im eļan̄n̄e armej ro aō rej m̧ōņōņō kōn men ko an Anij renaaj m̧ōņōņō kōn m̧wijm̧wij ko aō ko ioon pileij kein.

33 Im eļan̄n̄e armej ro aō rekōņaan jeļā eļapļo̧k kōn m̧ōttan eo kōn bwebwenato in armej ro aō rej aikuj etali pileij ko aō jet.

34 Im ebwe wōt bwe in ba bwe en̄oul iiō ko raar mootļo̧k, im ededeļo̧k am jino tariņae im kōpata ippān ro jeiūm̧ im jatūm̧.