Jebta 23
Ko̧kkure eo an Babiļon ej ļamļamin ko̧kkure eo ilo Itok eo Kein Karuo—E naaj juon raan in illu im idenoņe—Babilon (laļ in) enaaj wōtlo̧k indeeo—Keidi Aiseia 13. Iturinļo̧k 595–545 M.K.
1 aEddo eo an bBabilon, eo Aiseia ļeo nejin Amoz eaar lo e.
2 Kom̧in akotak flag eo ioon toļ eutiej, lelōn̄ļo̧k ainikiōmi n̄an er, kom̧in bjeeaaļ kōn pā, bwe ren maron̄ ilo̧k ilo wōrwōr ko an ro rerajimjim.
3 Iaar jiron̄ ro arikwōjarjar, Iaar barāinwōt kūr ro rekajoor Aō, bwe Aō illu ej jab pād ioon ro rej lan̄lōn̄ ilo utiej eo Aō.
4 Ainikien jarlepju eo ilo toļ ko ej āinwōt ainikien elōn̄ armej, juon ainikien eko̧uwaron̄ron̄ in aaelōn̄ in irooj im laļ ko bainitok ippān doon, Irooj in Inelep eo ej tōltok jar eo n̄an pata eo.
5 Rej itok jān laļ ettoļo̧k, jān jem̧ļo̧kin lan̄, aaet, Irooj, im kein tariņae in libabne eo An, n̄an ko̧kkure aolepān laļ eo.
6 Kom̧in jan̄, bwe raan in Irooj ej epaak; enaaj itok āinwōt juon ko̧kkure jān eo Ekajoor Otem Kajoor.
7 Kōn menin aolep pā renaaj m̧ōjņo̧, aolep būruōn armej renaaj ōnļo̧k;
8 Im renaaj mijak; metak ekkan̄ im būrom̧ōj ko renaaj juk ilo er; renaaj bwilōn̄ kōn doon; turin mejaer renaaj āinwōt urur kāān.
9 Lo, raan eo an Irooj ej itok, lāj jim̧or kōn illu im kwi ebwil, n̄an kōm̧m̧an bwe āneo en lo̧urō; im Enaaj ako̧kkure ro rijero̧wiwi ie.
10 Bwe iju ko ilan̄ im bukun iju ko ie rej jamin letok meram; im aaļ enaaj marok ilo iien An itok, im allōn̄ ej jamin kōm̧m̧an bwe an meram en erromaak.
11 Im Inaaj akaje laļ kōnke nana, im ro rinana kōn jero̧wiwi ko aer; Inaaj kōm̧m̧an bwe bjuwa an ro reutiej ej jem̧ļo̧k, im naaj kōttāik juwa an armej in kaammijak.
12 Inaaj kōm̧m̧an bwe juon aarmej en aorōkļo̧k jān gold; em̧ool juon armej en ļapļo̧k jān gold jān Opir.
13 Kōn menin, Inaaj kawūdiddid lan̄ ko, im akōm̧akūt laļ jān jikin, ilo illu an Irooj in Inelep eo, im ilo raan in kwi ebwil An.
14 Im enaaj āinwōt kidu deer alukwarkware, im āinwōt juon sip eo ejjeļo̧k armej ej kōjparok e; im renaaj kajjojo aolep armej oktakļo̧k n̄an armej ro an make, im ko aolep er kajjojo n̄an āneo āneen.
15 Jabdewōt kajjojo ro rej juwa naaj wākare er; aaet, im jabdewōt kajjojo ej kobaļo̧k ippān rinana naaj bun̄ kōn jāje.
16 Ajri ro nejier, barāinwōt renaaj ekabebe n̄an ijidikdik im̧aan mejaer; m̧ōko im̧weer naaj kwoti im kōrā ro pāleer naaj kattoon er.
17 Lo, Inaaj poktak ro riMidia ņae er, eo enaaj kajekdo̧o̧n silver im gold, ak renaaj m̧ōņōņō kake e.
18 Lippo̧ņ ko aer renaaj barāinwōt ekabebe n̄an ijidikdik likao ro aer; im enaaj ejjeļo̧k aer tūriam̧okake leen lo̧je; mejaer reban oņaake ajri ro.
19 Im Babilon, aiboojoj eo an aelōn̄ in kiin̄ otemjeļo̧k, awūlio in mejādik tata an riKaldia, enaaj āinwōt n̄e Anij eaar ko̧kkure bSodom im Gomorra.
20 Enaaj jamin wōr arijokwe ie, ak e jamin wōr ripād ie jān epepen n̄an epepen: ak riArab rej jamin kalōk im̧ōn kōppād ko aer ijo; ak seperd ro rej jamin kakkijeik bwijin in sip ko aer ijo.
21 Ak akidu awiia in āne em̧ōrā ko renaaj babu ijo; im im̧ōko im̧weer renaaj obrak kōn mennin mour rorror; im lijem̧ao ko renaaj jokwe ijo, im bgoat awiia renaaj eb ijo.
22 Im kidu awiia ko in aelōn̄ ko jan̄ ijo aim̧ōko im̧weer rōajjimakeke, im btūraikōn ko ilo ijo jikier rem̧m̧an; im iien an lio ej epaak an itok, im raan an lio enaaj jab rum̧wijļo̧k. Bwe Inaaj ko̧kkure lio ilo jidimkij; aaet, bwe Inaaj tūriam̧o n̄an armej ro Aō, a rinana renaaj jako.