1 Mekarta, ittinad eo enaaj jamin āinwōt ilo iien an lio en̄taan, ke ilo jinoin ļeo eaar ko̧kkure ^aāneen Zebulun jidik wōt, im āneen Naptalai, ālikin eaar kanooj ko̧kkure jān iaļ eo jān Lom̧aļo Ekilmir im itujabuweo in Jordan ilo Galili in rilaļ ko.

2 Armej ro raar etetal ilo ^amarok raar lo juon meram eļap; ro raar jokwe ilo āneen aelellor in mej, ioer meram eo eaar erromaak.

3 Kwaar koorļo̧k aelōn̄ eo, im ^akōļapļo̧k lan̄lōn̄ eo—rej lan̄lōn̄ im̧aan mejam̧ ekkar n̄an lan̄lōn̄ in m̧adm̧ōd eo, im āinwōt ritariņae ro rej ajej mennin rakim.

4 Bwe em̧ōj Am̧ ruje ine in eddo eo an, im aļaļ in aeran, im aļaļ an rikōm̧akokoik e.

5 Bwe pata otemjeļo̧k an ritariņae rej ilo iruj epok, im nuknuk ko kar kadāpilļo̧k ilo bōtōktōk; a men in naaj tile im kaan kijeek.

6 Bwe n̄an kōj juon ^aajri e ļotak, n̄an kōj juon ļaddik em̧ōj letok; im ^bkien enaaj pād ioon aeran; im etan naaj ān̄inn̄in E, Riwōj, Ripepe Em̧m̧an, ^cAnij Ekajoor Bōtata, ^dJemān Indeeo, Irooj in ^eAenōm̧m̧an.

7 Kōn ļapļo̧k in An ^akien im aenōm̧m̧an ^benaaj ejjeļo̧k jem̧ļo̧kin, ioon tūroon eo an Devid, im ioon aelōn̄ in kiin̄ eo an n̄an peek e, im n̄an kajutak e kōn ekajet im kōn jim̧we jān kiiō, em̧ool n̄an indeeo. Kijejeto an Irooj in Inelep eo enaaj kōm̧m̧an men in.

8 Irooj eaar jilkinļo̧k An innaan n̄an Jekab im eaar erromaak ioon ^aIsrael.

9 Im aolep armej ro renaaj jeļā, em̧ool Ipreim im ro rej pād ilo Sameria, ro rej ba ilo juwa im pen bōro:

10 Brick ko raar wōtlo̧k, a jenaaj ekkal kōn dekā em̧ōj ļami; wōjke sikamor ko em̧ōj juokwi, a jenaaj kōjerbal wōjke aik ijello̧kier.

11 Kōn menin Irooj enaaj bōktok rijum̧ae ro an ^aRizin ņae e, im kobaik rijum̧ae ro ippān doon.

12 RiSiria ro im̧aan im riPilistia ilikin; im renaaj ^awōran̄ļo̧k Israel kōn lo̧n̄i epeļļo̧k. Kōn aolep men in An ^billu ej jab eļļo̧k, ak Pein ej erļo̧ke wōt.

13 Bwe armej ro rej ^ajan̄in oktakļo̧k n̄an eo ej kauwe er, ak rejjab kappukot Irooj in Inelep eo.

14 Kōn menin Irooj Enaaj bukweļo̧k jān Israel bōran im ļokwan, ra im ujooj aetok ilo juon raan.

15 Eo erūtto, eo ej bōran; im rikanaan eo ej katakin m̧oņ ko, e ej ļo̧k eo.

16 Ritōl ro an armej rein rej kōm̧m̧an bwe ren bōd; im ro rej tōl er remej.

17 Kōn menin Irooj Enaaj ejjeļo̧k An lan̄lōn̄ ilo likao ro aer, ak wōr An ^atūriam̧o ioon ro aer ejjeļo̧k jemāer im kōrā ro ejjeļo̧k pāleer; bwe aolepāer kajjojo ej juon rijeļā m̧oņ im juon rikōm̧m̧an nana, im aolep lo̧n̄i ej kōnono ^bbwebwe. Kōn aolep men in An illu ej jab eļļo̧k, ak ^cPein ej erļo̧ke wōt.

18 Bwe nana ej urur āinwōt kijeek; enaaj kan̄ mar kuuj im kālōklōk ko, im naaj tile bukun mar ko im bukun wōjke ko, im renaaj ejoujik ioon doon lōn̄ļo̧k āinwōt joor in baat.

19 Kōn illu eo an Irooj in Inelep eo āneo ej marok, im armej ro renaaj āinwōt kaan kijeek eo; ^aejjeļo̧k juon enaaj lo̧mo̧o̧ren ļeo jein im jatin.

20 Im enaaj tūbtake kōn pein ianbwijmaron̄ im kwōle wōt; im enaaj ^am̧ōn̄ā kōn pein ianmiin̄ im rejamin po burueer; im aolep armej renaaj kan̄ kanniōk in peier make—

21 ^aMenassa, ^bIpreim; im Ipreim, Menassa; ippān doon renaaj jum̧ae ^cJuda. Kōn aolep men in An illu ej jab eļļo̧k, ak Pein ej erļo̧ke wōt.