1 Im Inaaj al n̄an Aō jitōnbōro juon ^aal an Aō jitōnbōro, jibwe jikin kallib eo an. Aō jitōnbōro eaar wōr juon jikin kallib ilo juon bat ekanooj uwa.

2 Im eaar wōrwōr e, im kar ain aolep dekā ijo, im kalbwini kōn ^avine ko rem̧m̧an, im eaar kalōk juon im̧ōn ebar ijo ioļapļap in, im barāinwōt kōm̧m̧an juon jikin jooniak grep ilowaan; im Eaar kōtmāne bwe enaaj kar kalle grep ko, im bwe en kalle grep awiia ko.

3 Im kiiō, O ro ilo Jerusalem, im em̧m̧aan ro in Juda, kom̧in ekajet, Ij jar n̄an kom̧, ikōtaaō im jikin kallib eo Aō.

4 Ta eo maron̄ kar kōm̧m̧an n̄an jikin kallib eo Aō Iaar jab kōm̧m̧ane ie? Kōn menin, ke Iaar kōtmāne bwe enaaj kar kalle grep ko eaar kalle grep awiia ko.

5 Im kiiō etal n̄an; Inaaj jiron̄ eok ta Inaaj kōm̧m̧an n̄an Aō jikin kallib—I ^abōk wōrwōr eo ijo, im naaj kan̄e wōt; im Inaaj rupe wōrwōr dekā eo ijo, im enaaj jeepepļo̧k;

6 Im Inaaj kōtļo̧k bwe en jorrāān; e ban karreo ak kūbwiji; ak enaaj eddek ^amar kuuj im kālōklōk ko; Inaaj jiron̄ kōdo̧ ko bwe ren jab bar ^bwōt ioon.

7 Bwe ^ajikin kallib eo an Irooj ej m̧weo im̧ōn Israel, im em̧m̧aan ro in Juda rej ājib ko An rem̧m̧an; bwe Eaar pukot ^bekajet, im lo, kaen̄taan; pukot wānōk, a lo, juon lam̧ōj.

8 Wo n̄an ro rej kobaik ^aem̧ n̄an em̧, m̧ae iien ejjeļo̧k jikin, bwe naaj likūt er ^bmake ilo ilujeen āneo!

9 Ilo Lo̧jiln̄ū, Irooj in Inelep ej ba, kōn m̧ool eo elōn̄ m̧ōko renaaj jeepepļo̧k, im jikin kwelo̧k ko reļļap im rem̧m̧an enaaj ejjeļo̧k rijokwe ie.

10 Aaet, jon̄oul acre in jikin kallib enaaj kwaļo̧k juon ^abath, im ine eo ineen juon homer naaj kwaļo̧k juon epa.

11 Wo n̄an ro renaaj jerkak ke ej jimmarok wōt, bwe ren ^aidaak dān ekajoor, bwe ren ļoor men in m̧ae bon̄, im ^bwain ej tile er.

12 Im arp eo, im viol eo, tamborin eo, im paip, im wain rej ilo kwōjkwōj ko aer; ak rej ^akajekdo̧o̧n jerbal an Irooj, ak jab ļōmņak kōn jerbal ko an Pein.

13 Kōn menin, armej ro Aō raar ilo̧k ilo jipo̧kwe, kōnke ejjeļo̧k aer ^ajeļāļo̧kjeņ; im armej ro aer reutiej rej kwōle, im jarlepju eo aer em̧ōrā kōn maro.

14 Kōn menin, hell eaar kōļapļo̧k e make, im eaar kōpeļļo̧k lo̧n̄iin ilo ejjeļo̧k jon̄an; im aer aiboojoj, im aer jarlepju, im aer wōj, im eo ej m̧ōņōņō, enaaj wanlaļļo̧k n̄an ilowaan.

15 Im armej eo elāj naaj lelaļtak, im armej eo ekajoor naaj kōttāik e, im mejān ro reutiej burueer naaj kōttāiki.

16 Ak Irooj in Inelep eo naaj kautiej E ilo ^aekajet, im Anij eo E Kwōjarjar naaj kwōjarjar E ilo wānōk.

17 Innām ļamļam ko renaaj kanooj ekkar n̄an er, im āne jem̧aden ko an ro rematōk ruwamāejet renaaj kan̄i.

18 Wo n̄an er ro rej keikōbe nana kōn to ko an ^ajuwa, im jero̧wiwi ^bāinwōt n̄e eaar to in juon waan ettōr.

19 Ro rej ba: Kōtļo̧k bwe en ^akaiur, kōm̧ōkaj an jerbal, bwe jān maron̄ ^blo e; im kōtļo̧k bwe kōkapilōklōk an Rikwōjarjar eo In Israel ej epaaktok im ej itok, bwe jān maron̄ jeļā e.

20 Wo n̄an ro rej ^aņa etan nana em̧m̧an, ro rej ^blikūt marok n̄an meram, im meram n̄an marok, ro rej likūt meo̧ n̄an tōn̄al, im tōn̄al n̄an meo̧!

21 Wo n̄an ro rej ^amālōtlōt ilo mejaer make im jeļāļo̧kjeņ ilo aer ļōmņak!

22 Wo n̄an ro rekajoor n̄an idaak wain, im armej in kajoor n̄an kobaļo̧k ilo dān ekajoor;

23 Ro rej kōwānōk ro renana kōn wōņāān, im ^abōkļo̧k wānōk jān e riwānōk!

24 Kōn menin, āinwōt ^akijeek ej tile ^bmeno̧kno̧k, im urur ej tile ^ckilin wit, okraer renaaj kūt, im ebbōl ko aer renaaj m̧ōrā āinwōt būn̄aln̄al; kōnke raar joļo̧k kien an Irooj in Inelep eo, im ^ddike naan eo an Rikwōjarjar eo In Israel.

25 Kōn menin, ^aillu an Irooj ej bwil ņae armej ro An, im Eaar erļo̧ke Pein ņae er, im Eaar m̧an er; im bat ko raar wūdiddid, im ānbwinnin ro remej aer rej kekōl ilo ioļapļap in iaļ ko. Kōn aolep men in An illu ej jab eļļo̧k, ak Pein ej erļo̧k e wōt.

26 Im Enaaj kotak juon ^aflag n̄an laļ ko jān ettoļo̧k, im Enaaj ^bto̧o̧rļo̧k n̄an er jān jem̧ļo̧kin laļ in; im lo, renaaj ^citok ilo innitōt; ejjeļo̧k enaaj kijeļo̧k ak jepāppāp ilubwiljier.

27 Ejjeļo̧k iaer enaaj mejki ak kiki; ak rōļo̧k kan̄ōr ko an ipier; ak m̧wijkōk kworak in juuj ko aer;

28 Ro m̧ade ko aer renaaj ekkan̄, im aolep lippo̧ņ ko aer em̧ōj kieli, im neen o̧o̧j ko aer naaj pen āinwōt dekā in jemjem, im wiiļ ko aer āinwōt aire, aer n̄ōrn̄ōr āinwōt juon ļaioon.

29 Renaaj n̄ōrn̄ōr āinwōt jendik in ^aļaioon ko; aaet, renaaj n̄ōr, im jibwe mennin mour eo, im naaj bōk e ļo̧k ilo uwōta, im ejjeļo̧k enaaj lo̧mo̧o̧ren.

30 Im ilo raan eo renaaj n̄ōrļo̧k ņae er āinwōt n̄ōrn̄ōr in lo̧jet; im n̄e rej reilo̧k n̄an āneo, lo, marok im būrom̧ōj, im meram eo ej marokļo̧k ilo lan̄ ko ijo.