TE TAUAHI AROHA O TE FAAORA
I aro noa na vau i te taatoaraa o to‘u nei oraraa i te mau mana‘o faataupupu, no te nava‘i ore o to‘u maitai. Ua ite râ vau e ua riro te evanelia a Iesu Mesia e raau rapaau i teie nei mau mana‘o.
No te Taraeahara, ua taa i te Faaora to‘u mau riaria, e te tamahanahana nei Oia ia‘u na roto i te Varua Maitai. Ua ite Oia i to‘u mau paruparu, e e tauturu Oia ia‘u ia haavî i te reira. Aita roa‘e Oia i vaiiho ia‘u o vau ana‘e, ua haapuai râ Oia ia‘u e ua iriti i to‘u nei aau.
Eita paha vau i te mea maitai mai te au i te faito o te ao nei, ua ite râ vau i to‘u nei faufaa, e nehenehe ia‘u ia tauturu ia vetahi ê, e ua herehia vau ia rave maitai ana‘e vau no te ora i te mau haapiiraa a Iesu Mesia.