TE HOE TAUIRAA PUAI O TE AAU
I muri a‘e i te haapiiraa tu‘ati ma‘i, ua haere mai au e rave i te ohipa i roto i te hoê vahi atuaturaa puai i roto i te hoê fare ma‘i no te mau tamarii. Ua hinaaro vau ia haapii mai e ia noaa te aravihi, no te faaite ia‘u iho e nehenehe ta‘u. Aita roa ra vau i mana‘o e, e mea fifi roa – i te pae tino e i te pae feruriraa. Aita i nehenehe ia‘u ia maramarama i te tumu o te ino rahi o to te ao e ia nehenehe i te mau metua i te hamani ino i ta ratou iho mau tamarii. Aita atoa vau i taa maitai e no te aha te Atua e faati‘a ai i te mau tamarii ia pohe. I muri a‘e i te hoê matahiti i te raveraa i te ohipa i roto i te fare ma‘i, ua rohirohi roa to‘u nei varua.
I reira to‘u faarooraa e te farii ra te mau melo o to‘u nei utuafare i te mau tau‘araa parau e te mau misionare feia mo‘a i te mau mahana hopea nei. E mea roa te mau hora ohipa o ta‘u e rave, e aita ïa vau i te fare ia tupu ana‘e taua mau tau‘araa parau ra. Aita i maoro roa, ua bapetizohia to‘u tuahine teina e to‘u metua vahine. E e au ra ia‘u ua vaiho otahi-noa-hia vau e te mau uiraa e te mau fifi tei ore i tatarahia. Noa’tu te mau tamataraa a to‘u nei utuafare i te faanaho i te hoê farereiraa no‘u e te mau misionare, aita vau i hinaaro ia farerei ia raua. I te hoê râ taime a haere mai ai te mau tuahine Johnson e Marchuk, ua amui atu vau i roto i ta ratou aparauraa. I te taime i muri iho, ua haapii mai raua ia‘u i te hoê haapiiraa pae varua e ua nehenehe ia‘u ia ite i te mau pahonoraa i te mau uiraa ta‘u i aro noa na e mea maoro i teie nei. Aita i maoro roa ua bapetizohia e ua haamauhia vau.
Mai te taime i riro mai ai au ei melo no te Ekalesia a Iesu Mesia i te Feia Mo‘a i te mau Mahana Hopea nei, ua ite au e ua turuhia vau e to‘u nei faaroo ia Iesu Mesia. Ua ite pinepine noa vau i te mana no te pure e ua ite au e ua haere mai au i te maramarama na roto mai i te pouri. Ua horo‘a mai e ono matahiti i roto i te Ekalesia i te hoê haapapûraa e o Iesu Mesia to‘u nei Faaora. E maori o Iesu Mesia, te vai nei ia‘u i teie nei, te rave‘a maitai no te tapiri atu â i to‘u nei Metua i te Ao ra.