TE ITERAA I TE OAOA NA ROTO IA IESU MESIA
Ua parau Iesu, « O vau te e‘a, te parau mau e te ora » (Ioane 14:6). Aita’tu e mau parau maitai a‘e i Ta’na iho mau parau no te faaite i to‘u iteraa papû.
Ua haapii mai au i te mau papa‘iraa, te phirotofia, e te aamu no te hoê parau tuite teitei a‘e e ua ite au e e otia to te mau mana‘o rahi, te mau haapiraa e te mau ohipa. Oia atoa, eita ta te hoê metua o te tino nei ia haapapû i te hau, te paari, aore râ te mure-ore-raa i ta’na iho tamarii.
Ua parau râ to tatou Metua i te Ao ra i to te ao e na roto i te peeraa’tu i te e‘a a te Mesia, te peeraa’tu i To’na hoho‘a, e te haapa‘oraa i Ta’na mau parau mau i heheuhia mai, e nehenehe ïa ia tatou ia noaa i te oaoaraa mau i roto i teie nei oraraa. I muri a‘e i teie nei oraraa – ia ho‘i ana‘e tatou i mua i te aro o to tatou Metua i te Ao ra – e nehenehe ïa ia tatou ia farii i te oaoa hopea ore i pihai iho Ia’na.