TE TUTAVARAA IA RIRO MAI IA’NA RA TE HURU
Ua here au i te Fatu ma to‘u aau atoa. O Oia to‘u nei hoa. Ua ite au e maori Oia, e nehenehe ta‘u mau hara i te faaorehia.
Ua tauturu te evanelia e to‘u iteraa papû no ni‘a ia Iesu Mesia ia‘u ia riro ei hoê metua vahine, e vahine faaipoipo, e tuahine, e hoa maitai a‘e. No to‘u iteraa papû, i tamata ai au i te ora mai te au i ta te Atua i faanaho no‘u – ma te parau-tia, te haavare ore, te maitai, te here, te faaoroma‘i, e te aroha, te faariroraa ia vetahi ê ei mau tamarii na te Atua e te taviniraa i te taime hinaarohia’i. Na roto i ta‘u mau tamataraa i te ora i te hoê oraraa keresetiano, te ti‘aturi nei au e e hinaaro ïa te tahi atu mau taata ia haapii no ni‘a Ia’na.