A Taetae Nakoiira

Te Ribooti ibukiia Ataei n te Ekaretia man te Ka -172 ni Maungatabu ni Kabuta n te Ririki, 6–7 Eberi 2002

Te Beretitenti ae Koten B. Inkiri: N ai aron itoin te bore meang i karawa, n aki ataia bwa tera are e na riki nakon taai aika a na roko, ao e tei ikekei te Tia Kaboomwii nakon te aonnaba … Inanon ootan taai ao nuuna ao ti tararake nako Ina, ao E bon mena ikekei ni kakoaua ao ni ngare nakoiira. Bon Ngaia raoi boton ara taromauri.

Te Beretitenti ae Taomati S. Mwaontin, te Moan Kauntira n te Moan Beretitentii: Inanon utu aika mwaiti, ao iai namakinan te maraki ao te rawa ni kabwarabure. E aki nang n akaka bwa tera bwaai ake a riki. E na bon aki konaa ao ni katukaki bwa e na karaoa ae bure. Te bukibuki e na katikui maneka n aki konaa ni kamaoi. Bon ti te kabwarabure ae e na kaamaoi maneka.

Te Beretitenti ae Tiemti E. Bauti, te Kauoman ni Kauntira n te Moan Beretitenti: Te Moan, te tataro bon te nanorinano ni butimwaea are te Atua bon Tamara ao te Uea ao Iesu Kristo bon ara Tia Kamaiu ao ara Tia Kaboomwii. Te Kauoua, bon te kaoti bure ae koaua ma uruakakin tuua ao te bubuti kabwaraan buure. Te Kateniua, bon kinaakira ae ti kainnanoa buokakira nakon are e a riaon ara konaa. Te Kaaua, bon ara tai ni kaota ara karabwarabwaa ao ara kakaitau nakon ara Tia Karikibwai.

Te Beretitenti ae Boite K. Baeka, te Bonomwii ni Beretitenti n te Kooram n te Tengaun ma Uoman: Akea kabotauan te tama are tabena te reireiakiniia natina oin tabeia. Akea kabotauan te tina are e mena irarikiia ni karauii nanoia ao n anganiia te koaua.

Te Unimwane ae M. Uratio Bwaaraki man te Kooram n Abotoro ake Tangaun ma Uoman:—Te Rau—te rau ni koaua, rabwatara ao tamneira ae bwanin nakon boton raoi aan maiura—a roko nakon nanora rinanon onimakinan te Uea are Iesu Kristo.

Te Unimwane ae Robati D. Aireti man te Kooram n Abotoro ake Tengaun ma Uoman: Te oota e kanakoa te roo man te rootongitong. Ngkana iai te oota, te roo ngkanne … e na bon bua. Ao e nang ni kakawaki riki, te rootongitong e aki konaa n taona nako te oota ma bon ti ngkana te oota e kerikaki ootana ke ni bua. Ma ngkana iai ootan tamnein te Tamnei ae Raoiroi, ao e na bon bua ana rootongitong Tatan.

Te Unimwane ae Tieburii R. Aoran man te Kooram n Abotoro ake Tengaun ma Uoman: Ti konaa… . ni moana okira rikaki nakon Tamara. Ti na karaoa anne n te aro ni karaurau ao n nanorinano n aron are ti konaa ni kaooia nako iai. Iaoni kawaira ao ti konaa ni wareki mwaitin kakabwaikira ao ni kaota kukurein nanora ibukin tian raoi aia mwakuri tabeman. Ae tamaroa riki iaoiia ni kabane, ti konaa ni karaoa te mwakuri ni ibuobuoki nakoia tabeman, te kabanea n tamaroa ni kammwakuraki ibukin nanora.

Te Unimwane ae Enri B. Eiring man te Kooram n Abotoro ake Tengaun ma Uoman: Kaain te ekaretia aika boou … a na riai ni karaoa aia rinerine n te onimaki are a na bwabetitoaki iai, n onimakiniia raoraoiia aika kororaoi, te Tia Kamaiu… . A na riai ni karaoa aia rinerine ni butimwaea ana bwai n tituaraoi te Tamnei ae Raoiroi… . Ao te rinerine anne e na riai n aki karaoaki ti teuana te tai, ma e na katoa bong, ni katoa aua, ni katoa miniti. E ngae ngkana te Tamnei ae Raoiroi e roko ao e kairiia bwa tera are a na riai ni karaoia, karaoakina ke tiakina bon te rinerine.

Te Unimwane ae Ero C. Tingi man te Beretitentii n te Itingaun: Te rau are e onoti are e na nang ni korakora nakon te oota ni kabane ake a na roko nakoimi ma ami utu ngkana kam kakabwakaa ami kabwianibwai ae bwanin… . Kam na bon ataia raoi ae tangiri ngkami Tamami are i Karawa.

Te Titita ae Keei M. Kireeki, te Kauoman ni Kauntira n te Beretitentii ni Kabuta n te Moanrinan: Bon te kakabwaia ae kam na kariaia ataei ni biri nakon ae raroa are a na konaa n roko iai man bon oin korakoraia, ni karikirakea te korakora ibukin oin aia koaua.