Bonnie D. Parkin
Beretitenti ni Kabuta n aia Botaki Aine
“A bati bwaai aika a raoiroi ake a riiriki inanon maiu ibukin aia Botaki Aine,” e taku Booni D. Bwaakin. “I kakoaua bwa n raoiroin aia tararua aine ibukia raoia n aanga ni kaunga nano nakoia.”
E bungiaki n 4 Aokati 1940 nakon Teeti H ao Ruuti Butikobwe Taenti, te Titita ae Bwaakin bon te kateniman n te utu ae nimaan ngaiia iai. E kaokaki nako Eriman, Utaa, ni iterana are i maiaki n te Kaawa ae Taoro Reiki, are e a tia ni maekanaki iroun tibun tamana iaan ana kariaia te Beretitenti n te Buringam Iang. Ana karo tinana bon kaain Tiwiti ake a maeka irarikin Itaao Booroti, Itaao.
N 1962 ao te Titita ae Bwaakin e anganaki ana beeba bwaati ae te baetiera tikurii man te reirei ae rietaata i Utaa ao n te tai ae aki maan imwina e moana ana anga reirei n te kateniua n rinan i Bwauntiboo, Utaa. Ni Beberuare n te 1963 ao e kaitibo ma Tiemti L Bwaakin, are e bon tokara ana moan ririki n te reirei ni bwai n aoraki are e rietaata i Utaa. A mareaki n 1Tuurai 1963 n te Tebora are iTaoro Reiki.
Ngkai ai bon kaaro ae 4 natiia ao 14 tibuia, ao te utu ae te Bwaakin a tatangira te nako ni motirawa n te Reiki ae te Bwauero ke n tikii man taian maunga. E rangi n tatangira te ununiki te Titita ae Bwaakin, te teeneti, ao te nanakonako ni moantaai n te ingabong.
“Ao ngkana I tara maiu, ao nikabane taian wewete a bon kakorakoraai,” e taku. “Weteakim bwa ko na riki bwa te beretitenti n aia Botaki Aine ngke bon ngai temanna mai buakoia tiina ae I rangi ni kairake n au uoote bon te kakaewenako, ma bon te rau ae rangi ni kakukurei are e roko ngke a butimwaeai aine n ara uoote. Te wewete anne e kakabwaia maiu ao e buokai ni kaikawaai rake.”
E mwakuri te Titita ae Bwaakin n ana baba n tararua aia Botaki Aine man 1990 nikarokoa 1994, ngke e a weteaki bwa te kauoman kauntira n te beretitentii ni kabuta irouia Aine aika Kairake. Imwina, n te 1997, ao buuna e weteaki bwa e na mwakuri ibukin teniua te ririki bwa te beretitenti n te Mition i Engiran Ronton Maiaki.
“Te kakabwaia ni mwakurian te mition ma kainnabau e bon rangi ni kakorakoraai,” e taku. “Ti tangiria kaain te Ekaretia aika Itiaki i Buritan, ao arona naba ma Mwanera ao Tarira ake a mitinare, ao man karekei reireiaiia aika mwaiti mai iai.”
I rangi ni ingainga ni kan kaungaia aine aika kairake nakon kuneakin kakukurein aia Botaki Aine ao ibukiia aine ake a kaaina te Botaki n Aine bwa a na karokoi baiia ni kaungaiia aine aika kairake, e taku te Titita Bwaakin, “Ibukimi nikabane taari, n te Botaki n Aine bon te tabo are e na kona ni buokiko n roko iai iroun Kristo.”