2002
Te Tangira ae Itiaki: Te Tangira Ae E Kororaoi Ao E Aki Totoki
Turai 2002

Te Tangira ae Itiaki: Te Tangira Ae E Kororaoi Ao E Aki Totoki

Te Unimwaane ae Gene R. Cook

I bukin te Kaitingaun

Karikirakean ara i ango ao ara mwakuri n Aekana, anuan te aomata ni koaua e na tibanako ao n oneaki mwiina n aron nanon ao A na i ango Kristo.

Tariu ao mwaneu, I rinea te aua aei bwa n na kakoaua, n oin au koaua, i bukin a na tangira te Atua nakoiu, nakoim, ao nakoia aomata ni bane. Antai te aomata ae kona ni kaota ana karabwarabwa ae nano i bukin kinaakin ana tangira te Atua? Ai kakabwaiakira ngai inanon ririki aika bati ni menau i buakomii ao mani kunea aron ana tangira Kristo ae kororaoi ae e roko ma iroumi. I boni bae ruarua i roumi ao te Atua.

KAREKEA NANON TE TANGIRA AE KORORAOI

E taku te Uea bwa te tangira ae kororaoi bon “ana tangira Kristo ae itiaki,”1 “ae bati ni kakukureia te rabwata ma te tamnei”2 “te bwai n tangira ae korakora i buakon ana bwai n tangira te Atua,”3 “e kororaoi” ao “akea tokina.”4

E kanganga kabwarabwaran te tangira ae kororaoi, ma e kaikinaaki irouia ake a a karekea.

Te tibu teunnaine ae e a kara, ae aki kona nakonako e koreaki tamneina i nanon te nutibeeba teuana n te bakantaai, man a taia bwa tibuna teteinimwane e aki toki ninikira ana beeba nakon mweengana ni katoa bong, tibuna teunnaine aio are e aki toki n reiakinna aron te tataro.

Te tina, ae iai ana kanganga n taainako n a na kataumwane i bukin karekean kanaia te irikomaeu, tii bain te moa ae e kona ni karekea, ao n aki ataia bwa tera riki irarikina i bukin kanana ma natina.

Te mwaane ae e rawawata ngke e karekea te moti ae riibuaka man te kaawa, e nanorinano ao e butimwaia. Ti aki katoto aika ti tataneiai i bukin te tangira ae kororaoi, te tinanikubeka, kakaean kaboan mwiim ara bwai aika ti anga? Anuara n atua a taraa n ae a bane n roko ao ni kairaki raoi ao n taaraki i roun temanna.5 Ni kabane mwaane a riai ni karekea te bwaintituaraoi ae te tangira, ma te tangira ae kororaoi a riai n anganaki tii nakoia taan iriira Iesu ni koaua.6

Mwaakan raoi te Atua e kuneaki Man Anuana n atua.7 Mwaakan te nakoanibonga e kabobongaki man anua aika raraoi.8 Ti riai n ukoukori anua aikai, ai moara riki te tangira ae kororaoi, ana tangira Iesu ae i tiaki.

TAAN URUA TE TANGIRA MA TE RAU

Ma e tei tatan, te tia urua te tangira, ao n onea mwiina ma te un ao te kairiribai.10 Raraou, ae Uriam, e a tia n reke irouna te aro anne: te un ao te kairirbai. Bwaai ake a riki, bon ana kaairua te Uea—te aoraki, te mate, te tei ae aki kona ni kairaki, kabwakara aika ti mamara iai, “tataro aika akea booia” tataro—ni kabane aika e kamatotoa nanona. Unna i nanona, ae waerake n te tai ae waekoa, nakon te Atua, nakoia raona ni mwaane, ao ni bon nakoina. Ma i nanona e oti nako a na aki koaua, matoatoan nanona, kamoamoana, te kauntaeka, ao ni bua a na kaantaninga, te tangira, ao kawaina. E a uruaki nanona man aki kukurei!

Te tia urua te rau11 e kamatakiia Uriam ma ana namakin nakon te Atua i bukina. E kunea bwa akea a na namakin i bukin a na tangira te Atua. E aki nooraba, ai moara riki n taai aika roo, bwa te Atua e teimatoa ni kakabwaia ni kaubwaina. E a onea mwiin, te un nakon te tangira. Ngaira aikai e kona naba n reke i roura te namakin anne n taai tabetai? Engae ngke ti a taia bwa ti riai naba ni karekea te tangira naba anne, E a bon tia n tangirira riki. Ni koauana, E bon tangirira moa.12

TE KORAKAI MA BUKINA: IAI MWAAKAN TE TANGIRA AE KORORAOI

Raraou, Nei Beeti ae e koro arona bwa e katotonga anuan Kristo. E kaitiboo ma kanganga n aron teuae Uriam, ma bukina bwa e namakina a na tangira te Atua, e karawawataki ni kanganga n aran te Tia Kamaiu13 ni karekean Arona n atua,14 ao n aron ae e na reke i rouna te onimaki ae nano ao tangiran te Atua, ni irianaki ma te korakora ni kaaitarai bwaai aika a na riki.

A na tangira i bukiia tabeman e na rikirake. E taara ni kabwarai aia bure rimoa. E reiakiniia bwa a na namakina a na tangira. E reiakinna naba bwa te tangira e riai n tibwauaki bwa e a oria n rikirake.

N tokina, e reiakinna bwa e tangiria riki, e riai riki ni karaoa te akoi, te nimamannei, te korakai-n-tataningaba. E katoka arona ni kekeiaki i bukin karaoiroana ao e moanna n tangiria i bon i rouna n aron are e tangiria te Atua. Katotongana e karaoia ni Katotongan te Atua.

KINAAKIN, KAREKEAN, AO KABUTAN ANA TANGIRA TE ATUA

Ti na kaanga, ngkai, ni karaoiroa arora “kunnikaira [ngaira] ma ni itoman ma te tangira ae kororaoi … te kororaoi ao te rau”?15 I kona n tibwauai teniua taeka n reirei aikai.

1. Kinaa A na tangira. “Tataro … ma te nano ni koaua”16 i bukin a na bwaintituaraoi. Karaoia ma te nimamannei ma te nano ae uruaki, ao kona kaonrakeaki ma te kaantaninga ao te tangira ma i roun Te Tamnei ae Raoiroi. Ao e na kaotia nakoim Iesu.17

Bon taben te bwaintituaraoi n te tangira ae kororaoi bwa ti na kona ni kiina waena ao bain te Uea ao n namakina A na tangira ae katomimira. N taai tabetai, ao e na rangin kanganga kuneakin a na tangira te Atua i bukira n aron are tia tia ni karaoia ao n rinanona, i bukina bwa E kororaoi, Te Tia Anga ae aki ataaki. Ko na kakaea ni maium aei baina Ae rabunna ao bwaintituaraoi a E a tia ni karokoa i aom i bukin a na atatai aomata, a na katei, ao a na bwaintituaraoi ae anga n akea boona ma te nanorinano.

I ango ma ngai n te tai aei i bukin bwaintituaraoi aika rine: mimitongin te karikibwai,18 te aonnaba, karawa; am namakin am tangira ao te kimwareirei; A na kaeka i bukin te nanoanga, te kabwarabure, ao kaekaan tataro aika mwaiti; te bwaintituaraoi i bukia ara utu aika ti tangiria; ao ai te bwaintituaraoi ae rangin korakora riki i buakon a na bwaintituaraoi te Tama ibukin A na mwakuri ni kamaiu Natina, kororaoin a na tangira, n aron ana tangira te Atua.19

2. Karekean A na Tangira ma te Nanorinano. Kakatonga i bukin bwaintituaraoi ai moara riki i roun are e anga.20 Te karabwarabwa ni koaua bon te konabwai n nooraba, n namakin, ao ni karekean naba te tangira.21 Te karabwarabwa bon kaokan a na tangira te Atua nakoina. Kinaakin baina, Tuanga bwa, Koa oria n tibwaua am tangira Nakoina.22 Ngkana ko kiina ni koaua te Uea ao E ataa am kanganga23 ao, man A na nanoanga, E na kaekako ma te tangira.

Karekea. Namakinna. E aki bati n tau ae ko na a taia bwa te Atua e kinako ao n tangiriko. Te bwaintituaraoi e riai n namakinaki bwa e na waakinako ni katoa bong.24 Bon te tia kairiri ma i roun te Uea ae riai i nanon maiura aei. Rairananom. Kanakoi tangiran bwain aon te aba ni maium,25 n ikotaki ma te un. Karekea kabwaaran am bure ni katoa tai26 ao ko na kona n taotana bakim ao ni kaonaki n te kukurei.27

3. Tibwaua A na Tangira

A na kaeka nakoira te Uea e onrake n te tangira. Ao e riai bwa ara kaeka Nakoina e riai n irianaki ma te akoi, te namakin ni koaua n te tangira: E anga te katoto (ke te kabanea n raoiroi) ni kakatonga, anua nakon anua. N rikiraken ongeabara, ti karekea riki te kakatonga (ke te kabanea n raoiroi) i bukin te kimwareirei ao ti na Okiria.28 Anganna karaoiroam n anuam, bwa ngkana E bure ni kaoti ao ko na riki n Arona.29

Te mwaane ae moanna ni karina ana i ango n te tangira, ao ni kanakoi a na namakin akanne nakon te Uea, te aomata, ke boni ngkoe, karababan iteran te anua anne e na boni koaua n irira te Tamnei. Anne e boni koaua n anuan atua. Te namakin ae koaua e korakora ni katomimiaki ni karimoan korakoran ara namakin ma i roun te Tamnei. Koaki kona n namakina te tangira, ngkana ko aki kona n tibwauaia nako moa. Te Atua e tuangiira bwa ti riai ni itangitangiri moa n aron are E tangiriira,30 ngaiare uringa: n tangira, te tangira ae koaua.31

UAAN TE BWAINTITUARAOI I BUKIN TE TANGIRA AE KORORAOI

Tariu ao Mwaneu, te tia kakoaua ae okoro i bukin Kristo, I kaota au koaua nakoimi, riki, i bukin korakoran a na tangira te Atua i bukira n tatabemaniira. Karababan riki te bwaintituaraoi ma i roun te Atua e na karekei nanora aika boou, nanora ae itiaki, ao karikirakean riki ara tangira ao te rau. Ngkai ti karikirakei i ango ao ni Katotongnga, te anua n aroia aomata e na bon tibanako ao n oneaki mwiina n nanon ao a na i ango te Kristo.32 Ti na bon riki n Aekana ao, ni koaua ni karekea Ngaia iroura.33

A na burabeti te Uea e tangiriko, ni karaoan aikai ni bane, Taari. E bia kakabwaiaira te Uea n taainako ao “bitakin [nanora] … e mena i aona (Ngaia) n aki toki.”34 Bwa [uotara] a bebete, rinanon kimwareirein Natina”35 au tataro n aran Iesu Kristo, amen.

Taraia

  1. Moronaai 7:47.

  2. 1 Nibwaai: 11:22–23; 8:10–12

  3. 1 Nibwaai: 15:36.

  4. Moronaai: 8:17.

  5. “Akea te raoiroi teuana, te anua, te moan tua, are e kakukurei karaoakina irouia Aomata Aika Itiaki, are a kakoaua i bukin kamaiuakin tamneira i aoia nga ma nga. I taekinna bwa te tangira ae kororaoi, ke te tangira, are e karimoa te kabwarabure, te taotaonaki n nano n te tai ae rangin maan, te akoi, ao te nanorinano.”

  6. Moronaai 7:48.

    Iai te kaokoro i marenan te tangira ae kororaoi ao te tangira? Te Uea e taraia bwa a okoro n taai tabetai, katoto. (Tara D&C 4:5.) Tabeman a taku te tangira ae kororaoi n ikotaki ma te karea—te tai n tangira. Ke tao te tangira ae kororaoi bon te tangira nakon kakoauaan te onimaki. Te onimaki ao te tangira ae kororaoi e irianaki ma te mwakuri, te mwakuri ao te karea. Te Tangira ae Kororaoi e kairira nakon A na tangira i bukira, ara tangira i Bukina, ao ana tangira Kristo-ae ti tebo i bukia tabeman.

  7. D&C: 84:19–24.

  8. D&C: 121:41–46.

  9. “Te aomata e onrake n anga ana tangira te Uea, tiaki nanona bwa kakabwaian a na utu i rouna, ma nakon te aonaba, ingainga ni kakabwaiaia reeti n aomata ni bane.”

  10. Ngkana e roko te korakai i nanon maiura, tatan e memena i kekei ni karaoa nanon te aomata bwa e na un, ngkae te Uea e waakinako ni kaota te tangira. N te korakai ae ti te arona “… a rawata aika matoatoa … ao a rawata aika mamara i bukin kanganga” (Aramwa 62:41). Ai raoiroira te katoto i bukin kabooan te maraki.

  11. Taan urui aron aia tangira ao te rau nakoia aomata e ikotaki nakon aikai n akea tokia: te maku, kororaoina, bakantang, aki ongeaba, nanououa, un, bakantang, te babaire ae aki etieti, aki kakoaua, nanorieta, baairea taekana, karawawatan te nano, kamoamoa, kauntaeka, ngurengure, kaakean karineam, kaboo i bukin te kani moanna, te kewe. Aikai ni bane bon ma i rouia aomata aika rabwata, ao ti aki aomata i roun Kristo.

  12. Tara 1 Ioane 4:19

  13. Tara D&C 138:13. Raraou e ataa te korakai ao e na buokia ni karaoiroa arona (tara Aberaam 3:24–25; D&C 98:13–14); reiakina i marenan te raoiroi ao te buakaka (tara 2 Nibwaai 2:18); reiakina te kakabwaia e roko i mwiin te kanganga (tara D&C 58:2–4); reiakina te ongeaba, te nanorinano, ao te onimaki (tara D&C 105:6; Motiaea 23:21; Rom 5:3–5); karekea kabwaraan buure (tara Ereman 15:3; D&C 132: 50, 60; 95:1).

  14. 2 Betero. 1:1–8.

  15. Tara D&C 88:125.

  16. Moronaai 7:48.

  17. Moronaai. 8:25–26; I Rom. 5:5; 2 Nibwaai. 26:13.

  18. Mote 6:63; Aramwa 30:44.

  19. 1 Ioane. 4:8.

  20. Tara D&C 88:33.

  21. Aramwa 5:26.

  22. Aramwa 26:16; Moro. 10:3.

  23. Tara D&C 133:52–53.

  24. Aramwa 34:38.

  25. 1 Ioane. 2:15–17.

  26. Motiaea 4:12.

  27. Aramwa 38:12.

  28. Tara D&C 93:12–13, 20.

  29. 1 Ioane. 3:1–3.

  30. Ioane 13:34; tara D&C 112:11.

  31. “Taratarai ngkami bwa kam n aki kamoamoa ao n aki kakai riribai bwa kam n na tokanikai i aon temanna, ma karaoa ae raoiroi i bukin temanna” (Ritemba. 1989, 5).

  32. 1 Korinto. 2:16; 2 I Korinto. 10:5.

  33. “Te aomata e korakora i bukin a na koaua ni katotongan Kristo. Tera ae e mena i nanom ngkana ko i angoa Kristo ao n rineia bwa antai ngkoe, e na bon karababa bwa tera arom ae ko na karaoia … N rineana bwa ngaia ara tia Kairiri, ti rineia i nanora bwa ti na riki n Aekana, ni karekea bwa Raora” (David O. McKay, in Conference Report, Eberi 1951, 93, 98). Ngkana ko i Angoia ni maan, ao ko na moanna ni katotonga Arona. Ngkana ko karaoa Arona n te tai ae maan, ko na bon riki n Aekana ni koaua.

  34. Aramwa 37:36.

  35. Aramwa 33:23.