N na Nako ike Ko Tangirai Bwa N na Nako iai
I tangiria. I kan karaoi bwaai ni kabane ake I kona ni karaoi iai n ai aron are e tuangai bwa N na buokia.
Tariu ao mwaaneu aika kam tangiraki, bon te nanorinano ma te kukurei ae korakora ngkai I kona n tei n te tabo ae tabu aei. Ngke te ataei ni mwaane ngai ae tabe n rikirake i aon Reimon, i Arobwaata, i Kanata, I tangiria ni katoaa te tai are ti anenea iai, “N na nako ike ko tangirai bwa N na nako iai, au Uea ae ko tangiraki” (tara Hymns, no. 270). Ni katoaa te tai are ti anenei iai, taeka akanne n taromaurin te toa ke n te Reirei n Tabati, e kaungaa te boraraoi i nanou ao n rabwatau ma tamneiu, n te aro are I tangiria ni kan nako ike E tangirai te Uea bwa N na nako iai, n taekina te bwai are e tangirai bwa N na taekinna,—“N riki te bwai are ko tangirai bwa N riki nako iai,” au Uea ae ko tangiraki. Te anganano anne e taraa n riai manga taekinana n te bong aei.
I kaaitau ibukin te boutoka n te kateibai ngkoananoa, ao n raoni ngkami ni kamatoaa Koten B. Ingkiri ao ana kauntira, ae Beretitetenti Montion ao Beretitenti Bwauti, ao Beretitenti Baeka ao ni kabaneia Abotoro ake Tengaun ma Uoman bwa burabeti, taan mamata, ao taan karekei ao n taekin kaotioti. I kakoauaia bwa bon burabeti, taan mamata, ao taan karekei ao n taekin kaotioti.
I tangira te Uea. I tangira te Ekaretia aei. I tangiriia Aomata aika Itiaki aika raoiroi, aika kakonimaki ni katobibia te aonaaba ake a karaoi ni kabane bwaai ake a kona ni karinea aia aia berita ao ni maiuakin ana koaua te Atua. I kakoaua bwa E maiu te Atua ao Iesu Kristo bwa Natina, bon ara Tia Kamaiu ao ara Tia Kabooi maiura. I tangiria. I tangiria ni karaoi bwaai ni kabane ake e tangirai bwa N na karaoi, ao I taekin taeka aikai ma ni kakoauaa nakon koauan bwaai aikai ni kabane n aran Iesu Kristo, amen.