Ataei
Iai n te bwaai ae ti kakoauaa, iai n taeka n reirei ake ti reiakin, n tuua, ao n kauring bwa ti riai ni kawakiniira, n tangiriira, n tararuaira, ao n “reireinia [ataei] bwa a na nakonako ni kawain te koaua.”
N ririki aika mwaiti n nako iaon Kutiko, n te tabo ae maungaunga i Beru, ti karaoa te botaki n toa ngai ma te Unimwaane ae A. Tietoa Teetoro inanon te ruu ae abwabwaki ae wariki nanona, ae iai mataroana ake a uki ni kaaitara te kawai. Bon te tairiki te tai anne ao e rangi ni maitorotoro.
Ngke e tabe n taetae te Tari ae Teetoro, ao e kaoti te teinimwane ae uarereke, ae tao onoua ana ririki, n te mataroa. E beekan ma ti ana kabaraaki ae raeraeaki ae roko i bubuaniwaena.
Iaon angamaingira bon te taibora ae uarereke ma te raurau ni kariki ibukin te toa. Te ataei ae tara ni maiu buaka e noora te kariki ao e babaei waena i rarikin te oo n nako iai. Ngke e a kaan roko n te taibora ao e nooria te aine n te itera are teuana. E ioia atuna nakoina ma ni kanakoa bwa e na otinako. E bononanou n te bwai are I noria.
Rimwi ao e manga oki te ataeinimwaane. E kawakawa i rarikin te oo, ma n taratara te kariki ao n taraai. Ngke e a kaan roko te tabo are e na manga nooria riki iai te aine. I tabeki baiu, ao e biri nakoiu. I bwabwakoia iaoni waeu.
Ngkanne, ngkai te bwai ae tabu, I katoka iaon ana kaintekateka Beretitenti Teetoro I mwiin te tataro ni kainiin, I rangi n nanokawaki bwa e a ti biri nako naba inanon te roo.
Ngke I a oki nakon mweengau, I tuanga Beretitenti Tibentia W. Kimboro aron te ataei arei. E rangi ni kukurei iai ao e karakina taekana n te maungatabu. E karakinna nakoia aomata tabeman ao e taekinna nakoiu n te tai ae raka iaon teuana, “Iai nanon te bwai are ko a tia n noria anne ae kakawaki riki are ko tuai n ataia.”
I aki kona ni mwaninga aroia ataein te kawai arei. E mwaiti au tai ni kakakaea i Amerika Maiaki n tataraan mataia aomata. Ngkana e roko uringana irou, ao I uringiia aomata ake tabeman ake ti te arona ma ngaia.
Imwiin Ka-II ni Buakan te Aonaaba n te tairiki ae rangi maitorotoro n te tabo n turein iaon Tiaban maiaki, I ongo te karebwerebwe ni wintoon te turein. E tei te ataeinimwaane ma bwaina te kabaraaki ae raeraeaki, ao e kabaea mwangaina ae tibu, ao atuuna e on te kinaka. E taua te tiin ao te buun, bon kanikinaean te ataei ae kainnano. Ngke N nang kauka te mataroa N na anganna te mwane, ao e a ti buti nako naba te turein. I aki kona ni mwaninga taekan te ataei ae uarereke ae baki arei inanon te maitoro ngke e tei n taua ana tiin ae akea kanoana.
Iai te aoraki ae uarereke n te onnaoraki ae ai itiua ana ririki n reirein te tautaeka ibukia Inria are e ituaki n te ngako. I kauka ana batia mairoun tinana, ae tebubua tabun te maire raroana man te tabo ni maeka. E batianaki n te kaatiboti bwaoki ae iai koroboki i aona are e karekea n titoan te tabo ni maeka, bon te kariki ae baniaki ao te mwakoro ni iriko—bwa ana bwai ni Kiritimati nakon ana ataeinimwaane ae uarereke.
N te rongorongo n te tai ae nako, I noriia n te rain ae abwabwaki ibukiia taenikai. N aron ae ataaki bon raoia ataei aika uouotiia ataei. Temanna te ataei ae katekatekaki iaon te bwantoro are e uouotia tinana. Ngke a tabe ni karaurau ni waaki, e tara te bwai n rawetamnei. Matan te ataei ae uarereke ae bwatabwata ao maata aika beroro akekei a tara n titiraki, bwa Bukin tera?
Bon ti arona ataei n taai aika nako, ao n taai aikai ao n taai aika a na roko. A kororaoi ao a kakawaki ataei. Ni katoaa te tai are a bungiaki iai ataei, te aonaaba e kabouaki n akea ana bure.
E tabeaianga au iango n taai nako ao I tataro ibukiia ataei ao kairake ao aia karo.
Ti iira te botaki n toa are karaoaki irouia ataei aika iai kainnanoia aika onoti. A toaraa n aia kakauongo ke n aia taratara ke n aia iango. Irarikin temanna bon te kairake are e riki bwa raona. A anene ao a katangitang ibukira. Ni kaaitara te moan rain bon te ataeinnaine ae te kairake e tei ao e tabeakinia te koraki ake i akuura ake a bonotaninga.
E anga ana koaua ae kimototo Tiini. Imwina a taetae ana karo temanna imwiin temana. A taekina taekan karawawataan nanoia aika korakora ngke ataia bwa natia e na aki nakoraoi maiuna. A taekin katakiia ni katoa bong ake akea tokin karaoaia irouia. Ngkana a taraia tabeman ma ni ngare, tarin nako Tiini a rabwatia ni kawakinna. Imwiina ao e taekinna te tina aron te tangira, te kimwareirei ae moan te korakora are e uotia Tiini nakon te utu.
A tia kaaro akanne n ataia bwa “Imwiin te karawawataaki ae bati, … e roko te kakabwaiaaki” (D&C 103:12). I noriia ni katiteuanaaki n te kangaanga ao ni bitaki bwa aomata aika raoiroi riki, ake bon Aomata Aika Itiaki ni Bong aika Kaitira.
A tuanga Tiini bwa a tangiria n riki bwa raao nakoia taama. Mangaia are ngke I kamauri ma ngaia, I taku, “Ngai tibum.”
E tararake ma n taku, “Eng, I kona n nooria bwa tera bukina!”
Akea te bae e reke ma ni koroboki aika tabu, akea te bae reke n te bwai ae katanoataa, akea te bae reke n te bwai ae ti kakoauaa ke n reirei ni baika a na kariaiia kaaro ke tabeman riki bwa a na kakeai bonganaia ke ni bwainikirinia ke kaikoakiia ara ataei ke aia ataei tabeman.
Iai ni koroboki aika tabu, iai ni bwaai ake ti katanoatai, iai ni bwaai ake ti kakoauai, iai n taeka n reirei ake ti reiakin, n tuua, ao n kauring bwa ti riai ni kawakiniira, n tangiriira, n tararuaira, ao n “reireinia [ataei] bwa a na nakonako ni kawain te koaua” (Motiaea 4:15). Karaoan ae raoiroi nakoia e bon aki riai iangoakina.
Mai buakon kauring aika mamatoa ao tuaa aika a korakora n taian kaotioti ake a kaeineti nakoia ataei aika uarereke. E taku Iesu, “Ma ane e [kauna temanna mai] buakoia [ataei] aika uarereke aika onimakinai aikai, e raoiroi riki ngkana e tauraki te atibu n ii baraua ae ababaki iroroana ni kainakoaki i marawa” (Mataio 18:6).
N ana tai te Burabeti ae Moronaai, iai tabeman ae a aki ataia bwa ataei “akea aia bure imatan te Atua” (Motiaea 3:21) ao a “Bon maiu iroun Kristo” (Moronaai 8:12) a tangiria ni bwabetitoia ataei aika uarereke. E taku Moronaai bwa a “[kakeaa bongan] ana nanoanga Kristo, ao a [kaotia] ni kaakea bongan ana mwakuri ni kamaiu teuarei ao mwaakan ana kabomwi” (Moronaai 8:20).
E boaia Moronaai ma n taku: “Bwa ane iangoia inanona bwa ataei aika a uarereke a kainnanoa te bwabetito ao e mena n te aro ae moan te kananokawaki ae mao ae mena n ana kabaebae te bure; bwa akea irouna te onimaki, te kantaninga, ao te tangira ae kororaoi, ngaia are e na riai ni kanakoaki inanon ana tai n iango, e na riai n nako mone …
“Nooria, I taetae ma te ninikoria bwa ti iai te kariaiakaki ti mairoun te Atua” (Moronaai 8:14, 16).
Ti ngkana a roko ataei n te roro ae waniua are a kona ni bukinaki iai n oin aia bure, are e a tia ni baireia te Uea n te roro ae waniua te ririki (tara D&C 68:27), are e a riai iai bwabetitoaia. Imwaain te roro anne, bon akea aia bure.
Aki riai ataei n aki tabeakinaki ke ni kakeaki bonganaia. A bon riai n aki bwainikirinaki, ke n aki akonaki. A riai ataei n aki kanakoaki ke n nanoangaaki n te raure A mwiokoaki kaaro bwa a na karekei baika a kainnanoaki ibukia aia ataei.
E taku te Uea, “Ataei ni kabane a tia ni bubutiia aia karao ibukin buokaia ni karokoa a roko n te roro ni mwiokoaki.” (tara D&C 83:4).
Ti riai n tararuai rabwataia, maiun tamneia, baika a kainnanoi. E reireinira Ana Boki Moomon: “Ao kam na aki kariaia bwa a na baki natimi, ke na aki karabania; ao kam na aki kariaia naba bwa a na urui ana tua te Atua, ao n un ma n uneaki imarenaia, ao n toro iroun te riaboro, are te toka iaon taian bure, ke te tamnei are e buakaka are e a tia n tataekinaki irouia ara bakatibu, are bon ngaia ana kairiribai te raoiroi.” (Motiaea 4:14).
Akea ae kona ni kabotauaki ma te tama are e mwiokoaki ao ni kaboan mwin aei e reireinia natina ni kabane. Akea ae kona ni kabotauaki ma te tina are e anganiia te rau ao n anganiia te aki nanououa. Te tangira, te kawakinaki, ao te tangira ae kakawaki.
E taku te Uea, “I a tia n tuangi ngkami bwa kam na karikirakeia natimi inanon te oota ao te koaua.” (tara D&C 93:40).
Ni mwaitin te tai, e tiku te karo n ti ngaia ni kaikawaia ataei. Iai ana kawai te Uea ni kakorakora te kaaro anne bwa e riai ni karaoi baike a riai n tabeakinaki irouia kaaro aika uoman. Bwa te karo are e kanakoa natina bon te bure ae kananokawaki.
I aki toki n iaiangoa te ataei ni mwaane are temanna. Ti kaaitibo mangaia n tain aia anga beeba kaain te tieminarii n te kaawa ae e raroa nako ae Atentina. E kunikainna raoi ao e nuai raoi.
A roko ataein te reirei nakon te tabo n taetae. Iai kaintamwarake aika a rietata. E aki kona n tamwarake n te moa ni kain tamwarake bwa a rangi n uarereke waena. E rangi n tingongore rabwatana.
Ti noriia ni mwaati i akuuna uoman ataeinimwaane aika kairake aika a onimakinaki ma ni korakora aika a waaki rake, temanna ni iterana ao ni iterana are teuana, ao a tabekiarake ma n nanoangaia n uotia rake nakon te tabo n tei. Ngke e a tia te mwakuri n ibuobuoki, a tabekia n uotia rikaaki ao a manga mwaati ma ngaia n otinako. Bon raoraona ake a tarataraia. E aki kona n roota te moan kaintamwarake n akea raoraona ae buokiia n tabekiia.
Te koraki ake a roko nakon te Ekaretia a roko kanga ai aroia ataei ni maiuia n tamnei. A kainnanoa temanna—tabeman raao—bwa a na tabekiarakiia rake.
Ngkana ti bairei kaintamwareke imwiin te bwabetito ae aitara raoi ma te koraki ake a ananau waeia, ti na aki tabe n te bwai are e taekinna te Uea n taian kaotioti. A tia burabeti n tuangiira bwa ti “riai n riki bwa taan reirei ngkai, [ao reiakinna bwa] baikara moan reirei n ana taeka te Atua; [bwa bon] te koraki ake a kainnanoa] te miriki, ma tiaki te iriko ae matoatoa… .
Te iriko ae matoatoa bon ibukiia ake a ikawa, ake bon te koraki ake a kataneiaki ni kamanenai aia iango n noori baika a raoiroi ao baika a bubuaka” (Ebera 5:12, 14).
E taku ana koroboki te Abotoro ae Bwauro, “I [kamwarakei] ngkami n te rannimamma, ao [tiaki n te [iriko ae matoatoa]: bwa kam aki kona naba ngkai” (1 I-Korinto 3:2).
N te kaotioti are taekinaki n 1830, imwaain raoi are e a kateaki te Ekaretia, E kauringira te Uea, “A aki kona ni kana te iriko ngkai, ma a riai ni butimwaea te miriki; mangaia are a aki riai n atai baikai, bwa rimwi ao a mate tamneia” (tara D&C 19:22).
Ti riai n taratara raoi rimwi ti karaoa te kai n tamwarake ae rangi n rietata ke ko karaoia ibukiia te koraki ake a korakora, ma n ananau waeia ma ni katikuia ake tabeman bwa a na bon tabekiia i bon irouia.
Ngkana a tukiia te koraki ake a uotiia ataei ana reirei, “E taku Iesu, Kanako maia ataei akana a uarereke, ao tai tukiia nakoiu: bwa bon aia bwai ueani karawa.” (Mataio 19:14).
Ngke a titiraki ana reirei bwa aekan aomata raa ngaiia ake a na riki nako iai, e katea te teei i mataia (tara Mataio 18:2–3). Ti ngkana ti “riki bwa ai aron te teei ae uarereke aei, bwa kam kaawa n aki karekea uean te Atua” (3 Nibwaai 11:38).
E mena inanon au iango ao i nanou ao n tamneiu tabeaiangau ae korakora ibukiia ataei aika uarereke ao aia kaaro.
N ririki aika a bwakanako, I miimi bwa e aera Beretitenti Kimboro e nanona ana taeka ngke e kauringaai n taekan te ataei are I noria i rarikin te kawai i Kutiko ma ni manga taekinna nakoiu, “Bwa te bwai are I nooria iai nanona ae kakannato riki nakon te bwai ae ko na ataia.” N te bongina ao e reitia ma n taku, “Bon te aba ae ko na nako iai n taai aika a na roko.”
Ngke ai 78 au ririki, I ataia bwa tera te bwai ae nooria Beretitenti Kimboro. I ataa te bwai are e nanonna. Te ataeinimwaane are i aon Kutiko ao are i Tiabaan ao ataei ni katobibia te aonaaba a kairoroai nakon te bwai are iangoia ao are i namakinna ao te bwai are I tatataro ibukina ma nanou ni kabane. I teimatoa n iangoia ataei ao aia karo ake a ikakorakora ni kaikawaiia nakon taai aika a kangaanga.
N ai arou Tariu, I a tia ni mwamwananga nakon te aonaaba. N ai arou Tariu, I a tia n taui nakoa ake i mwiokoaki iai n te reirei, n te mwakuri, n te tautaeka, ao inanon te Ekaretia. I tangiri, ao I a tia ni karekea te karineaki, beeba aika rietata, beeba ni bwaati, ao rekenikai. Aeka ni karineaki aikai, a reke man te mwakuri ake ti a tia ni beku iai.
N nooran raoiroin bwaai akanne, te bwai ae I tatangiria riki ibuakoia—ae raka iaoia ni kabane—te bwai ae moan te kakawaki nakoiu bon aron natiu mwaane ao natiu aine ma buuia bwa a na kanga n reireinia natiia ao a na kanga ni manga tibura n reireiniia natiia.
Ngkana ti ataa arora n iraorao ma Tamara are i Karawa, bwaai aika ti tia n atai ngai ma buu ngkai kaaro ao tiibu ngaira aika a riai n ataaki, ake ti a tia n atai mairouia natina.
Te kakabwaia aei e a tia n reke nakoiu kaanga te bwai n tituaraoi mairoun buu. E taekina taekan te aine aei te Uea, “[E anganaki te mwaane buuna] bwa a na kabatiaia ni kaona te aonaaba, ni kaineti nakon au tua, ao ni kakoroa bukin te berita are e a tia n anga Tamau i mwaain karikan te aonaaba, ao ibukin karietataia nakon te aonaaba are akea tokina, bwa aonga ni karikiia aomata, bwa aio bon ana mwakuri Tamau ae tabe ni waaki nako bwa e aonga n neboaki.” (tara D&C 132:63).
Aeka n aine aikai bon tinaia ataei, ti noria bwa bukin tera te Uea E kaotia “bwa bwaai aika kakannato a tangiraki inanon bain tamaia” (tara D&C 29:48).
Te Kakoaua I bear witness that the gospel is true, and the power of it is to bless little children. I pray earnestly that the children and youth and their parents will receive the gift of the Holy Ghost, that it will be a guide and a protection to them, that it will bear in their hearts the testimony that Jesus is the Christ, the Son of God, the Only Begotten of the Father. In the name of Jesus Christ, amen.