Kerkgeskiedenisfoto’s

Inhoud
Inleiding
Oorsig
1. Heilige Woud
2. Cumora-heuwel en Palmyra-Manchester Area
3. Houthuis van Joseph Smith Snr.
4. Grandin-drukpers en Drukkery
5. Susquehanna-rivier
6. Standplaas van Peter Whitmer Snr. se Huis
7. Newel K. Whitney en Kie se Winkel
8. John Johnson-huis
9. Kirtland-tempel
10. Adam-ondi-Ahman
11. Far West-tempelterrein
12. Liberty-gevangenis
13. Mansion-huis in Nauvoo
14. Joseph Smith Jr. se Rooibaksteenwinkel
15. Nauvoo-tempel
16. Carthage-gevangenis
17. Eksodus na die Weste
18. Salt Lake-tempel

Kerkgeskiedenisfoto’s

Kerkgeskiedenisfoto’s

Inleiding
Hierdie foto’s van belangrike plekke in die Kerkgeskiedenis toon die gebiede waar die vroeë Heiliges van die Laaste Dae gewandel het, waar moderne profete geleef en onderrig het, en waar baie skriftuurlike gebeure plaasgevind het.
Oorsig
Onderstaande kaart toon die ligging van die foto’s in hierdie gedeelte. Op die volgende bladsye word elke genommerde foto vergesel van ’n kort beskrywing van die toneel. Betekenisvolle skriftuurlike gebeure van daardie area word dan gelys saam met skriftuurverwysings sodat u kan weet waar om meer oor daardie gebeure te lees.
1. Heilige Woud
Die Heilige Woud is geleë in Palmyra en Manchester-woongebiede, New York. Hierdie woud is geleë net wes van waar die Smith-familie se klein houthuisie in 1820 geleë was.
2. Cumora-heuwel en Palmyra-Manchester Area
Hierdie foto toon die noordwaartse uitsig oor die Cumora-heuwel in Manchester, New York. Die heuwel verskyn onder in die regterkantste hoek van die foto en strek effens verder as halfpad na die toppunt. Die wit monument wat sigbaar is aan die noordekant van die heuwel vereer die engel Moroni en die voortkom van die Boek van Mormon. Die Cumora-heuwel is ongeveer 5 kilometer suid-oos van die Heilige Woud geleë. Naby die bopunt van die foto is die dorpie Palmyra, 6.5 kilometer weg. Die Smith-plaas en die Heilige Woud is aan die linker bo-kant van die foto geleë.
3. Houthuis van Joseph Smith Snr.
Replika van die Joseph Smith Snr.-huis, gebou op die terrein van die oorspronklike houthuis naby Palmyra, New York. Die Smith familie het die oorspronklike 1½-verdieping van ruwe houtpale gebou kort na hulle aankoms in Palmyra. Die familie het hier gewoon van 1819 tot 1825.
4. Grandin-drukpers en Drukkery
Die gerestoureerde drukkery van Egbert B. Grandin in Palmyra, New York, waar die eerste uitgawe van die Boek van Mormon in 1830 gepubliseer is. Martin Harris het sy plaas beswaar en ’n gedeelte daarvan verkoop om die koste van die druk van 5,000 kopieë te betaal. Setwerk het in Augustus 1829 begin, en voltooide kopieë was beskikbaar op 26 Maart 1830.
5. Susquehanna-rivier
Hierdie foto toon die Susquehanna-rivier in Harmony-woongebied, Pennsilvanië.
6. Standplaas van Peter Whitmer Snr. se Huis
Hierdie houthuis verteenwoordig die oorspronklike Peter Whitmer Snr. huis te Fayette, New York.
7. Newel K. Whitney en Kie se Winkel
Die winkel van Newel K. Whitney het ’n belangrike rol in die geskiedenis van die Kerk in Kirtland gespeel. Joseph en Emma Smith het hier gewoon vir ’n kort rukkie. Verskeie betekenisvolle openbarings is hier ontvang. Die Skool van die Profete is in die winkel gehou van 24 Januarie 1833 tot iewers in April 1833.
8. John Johnson-huis
Die huis van John en Alice Johnson was geleë in Hiram, Ohio. Hierdie kamer is op die tweede verdieping.
9. Kirtland-tempel
Die Kirtland-tempel is geleë in Kirtland, Ohio.
10. Adam-ondi-Ahman
Suidwaartse uitsig oor die Adam-ondi-Ahman-vallei, ’n stil, pragtige vallei geleë in noordwes Missouri naby die Gallatin-gemeenskap.
11. Far West-tempelterrein
Die nedersetting in Far West, Missouri, het die tuiste vir 3,000 tot 5,000 Heiliges geword wat toevlug gesoek het van vervolging in die Jackson en Clay-distrikte. In 1838 het die Here die Heiliges gebied om ’n tempel hier te bou (sien L&V 115:7–8). Bende-vervolging het hulle verhoed om dit te doen. Op 31 Oktober van daardie jaar is die Profeet Joseph Smith en ander Kerkleiers gearresteer en, na ’n verhoor in Richmond, opgesluit in die Liberty-gevangenis. Gedurende die winter van 1838–1839 is die Heiliges van die Laaste Dae van Far West en ander plekke in Missouri verdryf en in Illinois hervestig.
12. Liberty-gevangenis
Die gevangenis in Liberty, Missouri, ongeveer 1878. Joseph Smith en vyf ander broers is onregverdiglik gevange gehou binne die 1,2 meter dik mure vanaf 1 Desember 1838 tot 6 April 1839. (Sidney Rigdon is vrygelaat aan die einde van Februarie.) Beperk tot die laer vlak of kerkergedeelte van die gebou, het hulle op die koue klip, bedek met strooi, geslaap met min lig en skrale beskerming teen die koue winter.
13. Mansion-huis in Nauvoo
Joseph Smith Jr. en sy gesin het in die Mansion-huis in Nauvoo ingetrek in Augustus 1843. Later is ’n vleuel aan die oostekant van die hoofstruktuur bygevoeg vir ’n totaal van 22 kamers. Beginnende in Januarie 1844 het Ebenezer Robinson die huis as ’n hotel bestuur en die Profeet het ses kamers gebruik vir sy gesin. Die huis het gedien as ’n sosiale sentrum in die Nauvoo-gemeenskap. Belangrike hoogwaardigheidsbekleërs is hier deur die Profeet ontvang.
14. Joseph Smith Jr. se Rooibaksteenwinkel
Hierdie rekonstruksie van Joseph Smith Jr. se winkel en die kantoor is geleë in Nauvoo, Illinois. Dit was een van die belangrikste geboue in die Kerk gedurende die Nauvoo-tydperk. Nie net het dit as algemene handelaar gedien nie, maar dit het ook die middelpunt van sosiale, ekonomiese, politiese en godsdienstige aktiwiteite gevorm. Joseph Smith het ’n kantoor op die tweede vloer gehad.
15. Nauvoo-tempel
Die oorspronklike Nauvoo-tempel is van grys-wit kalksteen gebou. Die gebou was 39 meter lank en 27 meter breed. Die top van die toring was 48 meter bó grondvlak. Kerklede het groot opofferings gemaak om hierdie pragtige tempel te bou en die werk het in 1841 begin. Sommige het vir maande aan die gebou gearbei; andere het hulle geld opgeoffer. Alhoewel nie ten volle voltooid nie, was die tempel vol lede wat gekom het vir ordinansies gedurende hulle vlug na die Weste. Terwyl baie van die Heiliges Nauvoo verlaat het in die vroeë lente van 1846 onder gevaar van bende-geweld, het ’n spesiale span agtergebly om die tempel te voltooi. Op 30 April 1846 het Ouderlinge Orson Hyde en Wilford Woodruff van die Kworum van die Twaalf en ongeveer 20 ander hierdie huis van die Here toegewy. In September is daar van die tempel afstand gedoen toe die oorblywende Kerklede uit Nauvoo verdryf is; bendemagte het toe die heilige gebou ontheilig. Die binnekant is in Oktober 1848 deur vuur verwoes. Die herboude tempel (hier getoon), ’n getroue weergawe van die oorspronklike, is op 27–30 Junie 2002 deur President Gordon B. Hinckley toegewy.
16. Carthage-gevangenis
Die gevangenis in die dorp Carthage, Illinois.
17. Eksodus na die Weste
Die begin van die ontruiming van Nauvoo, Illinois, is beplan vir Maart–April, maar vanweë dreigemente deur ’n bende het President Brigham Young beveel dat die uittog van die Heiliges oor die Mississippi-rivier begin op 4 Februarie 1846. President Young het agtergebly om begiftigings te bedien aan die Heiliges en het nie Nauvoo verlaat voor die middel van Februarie nie.
18. Salt Lake-tempel
Die Salt Lake-tempel, gesien vanaf die noordooste. ’n Paar dae nadat die eerste pioniergeselskap van Heiliges van die Laaste Dae die Salt Lake-vallei binnegegaan het, het President Brigham Young die grond met sy wandelstaf geslaan en verklaar: “Hier sal ons die tempel van ons God bou.” Grond is op 14 Februarie 1853 gebreek. Op 6 April 1853 is die hoekstene gelê. Die tempel is 40 jaar later voltooi en toegewy op 6 April 1893. Die Eerste Presidensie en die Kworum van die Twaalf Apostels kom elke week hier bymekaar om te beraadslaag en die leiding van die Here te wete te kom vir die bediening en uitbou van die koninkryk van God.