ບົດທີ 15
ພຣະເຢຊູເປັນທັງພຣະບິດາ ແລະ ພຣະບຸດໄດ້ແນວໃດ—ພຣະອົງຈະວິງວອນແທນ ແລະ ແບກຫາບການລ່ວງລະເມີດຂອງຜູ້ຄົນຂອງພຣະອົງ—ພວກເຂົາກັບສາດສະດາຜູ້ບໍລິສຸດທັງໝົດເປັນລູກຫລານຂອງພຣະອົງ—ພຣະອົງເຮັດໃຫ້ເກີດການຟື້ນຄືນຊີວິດ—ເດັກນ້ອຍໆມີຊີວິດນິລັນດອນ. ປະມານ 148 ປີ ກ່ອນ ຄ.ສ.
1 ແລະ ບັດນີ້ອະບີນາໄດກ່າວກັບພວກເຂົາວ່າ: ຂ້າພະເຈົ້າຢາກໃຫ້ພວກທ່ານເຂົ້າໃຈວ່າ ກພຣະເຈົ້າພຣະອົງເອງຈະສະເດັດມາຫາບັນດາລູກຫລານມະນຸດ ແລະ ຈະ ຂໄຖ່ຜູ້ຄົນຂອງພຣະອົງ.
2 ແລະ ຍ້ອນວ່າພຣະອົງຈະໄດ້ ກຢູ່ໃນເນື້ອໜັງ ພຣະອົງຈະຖືກເອີ້ນວ່າ ພຣະບຸດຂອງພຣະເຈົ້າ, ແລະ ຂຶ້ນກັບເນື້ອໜັງ ແລະ ຕາມພຣະປະສົງຂອງ ຂພຣະບິດາ, ຈຶ່ງເປັນທັງພຣະບິດາ ແລະ ພຣະບຸດ—
3 ພຣະບິດາ, ກເພາະວ່າພຣະອົງ ຂແຕ່ງຂຶ້ນໂດຍອຳນາດຂອງພຣະເຈົ້າ; ແລະ ພຣະບຸດ, ຍ້ອນວ່າມີຮ່າງກາຍທາງເນື້ອໜັງ; ຈຶ່ງເປັນທັງພຣະບຸດ ແລະ ພຣະບິດາແນວນັ້ນ—
4 ແລະ ທັງສອງພຣະອົງເປັນ ກພຣະເຈົ້າອົງດຽວ, ແທ້ຈິງແລ້ວ, ເປັນ ຂພຣະບິດາ ຄຜູ້ສະຖິດນິລັນດອນແຫ່ງສະຫວັນ ແລະ ແຜ່ນດິນໂລກ.
5 ແລະ ເນື້ອໜັງຈຶ່ງຂຶ້ນຢູ່ກັບພຣະວິນຍານດັ່ງນັ້ນ, ຫລື ພຣະບຸດກັບພຣະບິດາ, ໂດຍເປັນພຣະຜູ້ເປັນເຈົ້າອົງດຽວ ທີ່ ກທົນກັບການລໍ້ລວງ, ແລະ ບໍ່ຍອມຜ່າຍແພ້ຕໍ່ການລໍ້ລວງ, ແຕ່ພຣະອົງຍອມທົນທຸກຕໍ່ການເຍາະເຍີ້ຍ, ແລະ ການ ຂຂ້ຽນຕີ, ແລະ ຖືກຂັບໄລ່ອອກໄປ, ແລະ ຖືກຜູ້ຄົນຂອງພຣະອົງ ຄປະຕິເສດ.
6 ແລະ ຫລັງຈາກສິ່ງທັງໝົດນີ້, ຫລັງຈາກໄດ້ເຮັດສິ່ງມະຫັດສະຈັນອັນຍິ່ງໃຫຍ່ຫລາຍຢ່າງໃນບັນດາລູກຫລານມະນຸດແລ້ວ, ພຣະອົງຈະຖືກນຳໄປ, ແທ້ຈິງແລ້ວ, ແມ່ນ ກດັ່ງເອຊາຢາກ່າວເໝືອນດັ່ງໂຕແກະທີ່ຢືນເສີຍຢູ່ຕໍ່ໜ້າຄົນຕັດຂົນຂອງມັນສັນໃດ, ພຣະອົງຈະບໍ່ ຂເປີດພຣະໂອດຂອງພຣະອົງສັນນັ້ນ.
7 ແທ້ຈິງແລ້ວ, ເຖິງປານນັ້ນພຣະອົງຍັງຖືກນຳໄປ ກຄຶງໄວ້ເທິງໄມ້ກາງແຂນ ແລະ ຖືກຂ້າ, ແລະ ເນື້ອໜັງຂອງພຣະອົງຈະກັບກາຍມາເປັນຄວາມຕາຍ, ເພື່ອ ຂປະສົງຂອງພຣະບຸດຈະຖືກກືນລົງໄປໃນພຣະປະສົງຂອງພຣະບິດາ.
8 ແລະ ພຣະເຈົ້າໄດ້ເຮັດໃຫ້ ກສາຍຮັດແຫ່ງຄວາມຕາຍຂາດອອກ, ມີ ຂໄຊຊະນະຕໍ່ຄວາມຕາຍ, ປະທານອຳນາດໃຫ້ພຣະບຸດເພື່ອ ຄວິງວອນແທນລູກຫລານມະນຸດ—
9 ໂດຍທີ່ໄດ້ສະເດັດຂຶ້ນໄປສະຫວັນ, ໂດຍທີ່ມີອຸທອນແຫ່ງຄວາມເມດຕາສົງສານ; ເຕັມໄປດ້ວຍຄວາມກະລຸນາ, ຮັກຫອມລູກຫລານມະນຸດ ຊຶ່ງຢູ່ລະຫວ່າງພວກເຂົາ; ແລະ ຄວາມຍຸດຕິທຳເຮັດໃຫ້ສາຍຮັດແຫ່ງຄວາມຕາຍຂາດອອກ; ຮັບເອົາຄວາມຊົ່ວຮ້າຍ ແລະ ການລ່ວງລະເມີດຂອງພວກເຂົາມາໄວ້ນຳ ກພຣະອົງເອງ, ແລະ ໄຖ່ພວກເຂົາ, ແລະ ຂຕອບສະໜອງຄວາມຮຽກຮ້ອງຕ້ອງການຂອງຄວາມຍຸດຕິທຳ.
10 ແລະ ບັດນີ້ຂ້າພະເຈົ້າກ່າວກັບພວກທ່ານວ່າ, ແມ່ນໃຜຈະປະກາດຊົ່ວລຸ້ນຄົນຂອງພຣະອົງໄດ້? ຈົ່ງເບິ່ງ, ຂ້າພະເຈົ້າກ່າວກັບພວກທ່ານວ່າ ເວລາທີ່ພຣະອົງເຮັດໃຫ້ຈິດວິນຍານຂອງພຣະອົງເປັນເຄື່ອງຖວາຍເພື່ອບາບ ແລ້ວພຣະອົງຈະຫລຽວເຫັນ ກລູກຫລານຂອງພຣະອົງ. ແລະ ບັດນີ້ພວກທ່ານຈະວ່າແນວໃດ? ແລະ ຜູ້ໃດຈະເປັນລູກຫລານຂອງພຣະອົງ?
11 ຈົ່ງເບິ່ງ ຂ້າພະເຈົ້າກ່າວກັບພວກທ່ານວ່າ, ຜູ້ໃດກໍຕາມທີ່ໄດ້ຍິນຄຳເວົ້າຂອງ ກສາດສະດາ, ແທ້ຈິງແລ້ວ, ສາດສະດາຜູ້ບໍລິສຸດທັງໝົດ ຊຶ່ງໄດ້ທຳນາຍກ່ຽວກັບການສະເດັດມາຂອງພຣະຜູ້ເປັນເຈົ້າ—ຂ້າພະເຈົ້າກ່າວກັບພວກທ່ານວ່າ, ຄົນທັງຫລາຍຜູ້ທີ່ເຊື່ອຟັງຄຳເວົ້າຂອງພວກເພິ່ນ, ແລະ ເຊື່ອວ່າພຣະຜູ້ເປັນເຈົ້າຈະໄຖ່ຜູ້ຄົນຂອງພຣະອົງ, ແລະ ລໍຖ້າມື້ນັ້ນເພື່ອການປົດບາບຂອງພວກເຂົາ, ຂ້າພະເຈົ້າກ່າວກັບພວກທ່ານວ່າ, ຄົນພວກນີ້ຄືລູກຫລານຂອງພຣະອົງ, ຫລື ວ່າທາຍາດຂອງ ຂອານາຈັກຂອງພຣະເຈົ້າ.
12 ເພາະວ່າຄົນພວກນີ້ຄືຄົນທີ່ ກພຣະອົງຈະແບກບາບຂອງພວກເຂົາໄວ້; ແລະ ຄົນພວກນີ້ຄືຄົນທີ່ພຣະອົງຈະສິ້ນພຣະຊົນແທນເພື່ອໄຖ່ພວກເຂົາອອກຈາກການລ່ວງລະເມີດຂອງພວກເຂົາ. ແລະ ບັດນີ້, ພວກເຂົາບໍ່ແມ່ນລູກຫລານຂອງພຣະອົງບໍ?
13 ແທ້ຈິງແລ້ວ, ສາດສະດາທຸກຄົນບໍ່ໄດ້ເປີດປາກທຳນາຍບໍ, ຊຶ່ງບໍ່ໄດ້ຕົກຢູ່ໃນການລ່ວງລະເມີດ, ຂ້າພະເຈົ້າໝາຍເຖິງສາດສະດາຜູ້ບໍລິສຸດທັງໝົດນັບແຕ່ການເລີ່ມຕົ້ນຂອງໂລກ? ຂ້າພະເຈົ້າກ່າວກັບພວກທ່ານວ່າ ພວກເພິ່ນແມ່ນລູກຫລານຂອງພຣະອົງ.
14 ແລະ ຄົນເຫລົ່ານີ້ຄື ຜູ້ ກປະກາດສັນຕິສຸກ ແລະ ນຳເອົາຂ່າວປະເສີດຂອງຄວາມດີມາ, ຜູ້ປະກາດຄວາມລອດ; ແລະ ກ່າວກັບຊີໂອນວ່າ: ພຣະເຈົ້າຊົງປົກຄອງ!
15 ແລະ ໂອ້ ຕີນຂອງຜູ້ທີ່ຢູ່ເທິງພູນັ້ນງາມພຽງໃດ!
16 ແລະ ອີກເທື່ອໜຶ່ງ, ຕີນຂອງຜູ້ທີ່ຢູ່ເທິງພູ ຊຶ່ງປະກາດສັນຕິສຸກນັ້ນງາມພຽງໃດ!
17 ແລະ ອີກເທື່ອໜຶ່ງ, ຕີນຂອງຜູ້ທີ່ຢູ່ເທິງພູ ຊຶ່ງປະກາດສັນຕິສຸກຕັ້ງແຕ່ເວລານັ້ນມາງາມພຽງໃດ, ແທ້ຈິງແລ້ວ, ຕັ້ງແຕ່ເວລານີ້ ແລະ ຕະຫລອດໄປ!
18 ແລະ ຈົ່ງເບິ່ງຂ້າພະເຈົ້າກ່າວກັບພວກທ່ານວ່າ, ນີ້ຍັງບໍ່ທັນໝົດ, ເພາະວ່າ ໂອ້ ກພຣະບາດຂອງຜູ້ທີ່ຢູ່ເທິງພູທີ່ນຳຂ່າວປະເສີດມານັ້ນງາມພຽງໃດ, ນັ້ນຄືຜູ້ກໍ່ຕັ້ງ ຂສັນຕິສຸກ, ແທ້ຈິງແລ້ວ, ແມ່ນພຣະຜູ້ເປັນເຈົ້າ, ຜູ້ໄດ້ໄຖ່ຜູ້ຄົນຂອງພຣະອົງ; ແທ້ຈິງແລ້ວ, ພຣະອົງຜູ້ປະທານຄວາມລອດໃຫ້ແກ່ຜູ້ຄົນຂອງພຣະອົງ;
19 ເພາະວ່າ ຖ້າຫາກບໍ່ມີການໄຖ່ທີ່ພຣະອົງເຮັດເພື່ອຜູ້ຄົນຂອງພຣະອົງ ຊຶ່ງຖືກຕຽມໄວ້ແລ້ວຕັ້ງແຕ່ ກການວາງຮາກຖານຂອງໂລກນັ້ນ, ຂ້າພະເຈົ້າກ່າວກັບພວກທ່ານວ່າ, ຖ້າຫາກບໍ່ມີການໄຖ່ນີ້ແລ້ວ, ມະນຸດທັງໝົດ ຂຕ້ອງຕາຍ.
20 ແຕ່ຈົ່ງເບິ່ງ, ສາຍຮັດແຫ່ງຄວາມຕາຍຈະຂາດອອກ ແລະ ພຣະບຸດຈະປົກຄອງ ແລະ ມີອຳນາດເໜືອກວ່າຄວາມຕາຍ; ສະນັ້ນ, ພຣະອົງຈຶ່ງເຮັດໃຫ້ເກີດການຟື້ນຄືນຊີວິດຂອງຄົນຕາຍມີຂຶ້ນ.
21 ແລະ ການຟື້ນຄືນຊີວິດຈະເກີດຂຶ້ນ, ແມ່ນ ກການຟື້ນຄືນຊີວິດຄັ້ງທຳອິດ; ແທ້ຈິງແລ້ວ, ແມ່ນການຟື້ນຄືນຊີວິດຂອງຜູ້ທີ່ເປັນມາແລ້ວ, ແລະ ທີ່ເປັນ, ແລະ ທີ່ຈະເປັນ ແມ່ນແຕ່ຈົນເຖິງການຟື້ນຄືນພຣະຊົນຂອງພຣະຄຣິດ—ເພາະເຊັ່ນນີ້ພຣະອົງຈະຊົງໄດ້ຮັບເອີ້ນ.
22 ແລະ ບັດນີ້ການຟື້ນຄືນຊີວິດຂອງສາດສະດາທັງໝົດ, ແລະ ຄົນທັງຫລາຍທີ່ເຊື່ອຖືໃນຄຳເວົ້າຂອງພວກເພິ່ນ, ຫລື ຄົນທັງຫລາຍທີ່ໄດ້ຮັກສາພຣະບັນຍັດຂອງພຣະເຈົ້າ, ຈະອອກມາຫາການຟື້ນຄືນຊີວິດຄັ້ງທຳອິດ; ສະນັ້ນ, ພວກເຂົາຈຶ່ງມີການຟື້ນຄືນຊີວິດຄັ້ງທຳອິດ.
23 ພວກເຂົາຈະຖືກຍົກຂຶ້ນໃຫ້ ກຢູ່ກັບພຣະເຈົ້າຜູ້ໄຖ່ພວກເຂົາ; ດ້ວຍວິທີນີ້ພວກເຂົາຈຶ່ງຈະມີຊີວິດນິລັນດອນໂດຍພຣະຄຣິດຜູ້ເຮັດໃຫ້ສາຍຮັດແຫ່ງຄວາມຕາຍນັ້ນ ຂຂາດອອກ.
24 ແລະ ຄົນເຫລົ່ານີ້ຄືຄົນທີ່ມີສ່ວນໃນການຟື້ນຄືນຊີວິດຄັ້ງທຳອິດ; ແລະ ຄົນພວກນີ້ຄືຄົນທີ່ຕາຍໃນຄວາມໂງ່ຈ້າຂອງພວກເຂົາກ່ອນພຣະຄຣິດສະເດັດມາ, ໂດຍທີ່ພວກເຂົາບໍ່ໄດ້ຮັບປະກາດເລື່ອງ ກຄວາມລອດເລີຍ. ແລະ ພຣະຜູ້ເປັນເຈົ້າໄດ້ນຳເອົາການກັບຄືນຂອງຄົນເຫລົ່ານີ້; ແລະ ພວກເຂົາຈຶ່ງມີສ່ວນໃນການຟື້ນຄືນຊີວິດຄັ້ງທຳອິດ, ຫລື ມີຊີວິດນິລັນດອນ, ໂດຍຖືກໄຖ່ໂດຍພຣະຜູ້ເປັນເຈົ້າ.
25 ແລະ ກເດັກນ້ອຍໆກໍມີຊີວິດນິລັນດອນຄືກັນ.
26 ແຕ່ຈົ່ງເບິ່ງ, ແລະ ຈົ່ງ ກຢ້ານກົວ ແລະ ຕົວສັ່ນຕໍ່ພຣະພັກຂອງພຣະເຈົ້າ; ເພາະພວກທ່ານຄວນຈະສັ່ນສະທ້ານ; ເພາະວ່າພຣະຜູ້ເປັນເຈົ້າຈະບໍ່ໄຖ່ຜູ້ໃດທີ່ ຂກະບົດຕໍ່ພຣະອົງ ແລະ ຄຕາຍໄປໃນບາບຂອງພວກເຂົາ; ແທ້ຈິງແລ້ວ, ເຖິງແມ່ນຄົນທັງຫລາຍຜູ້ທີ່ຕາຍໄປໃນບາບຂອງພວກເຂົາ ນັບແຕ່ການເລີ່ມຕົ້ນຂອງໂລກ, ທີ່ກະບົດຕໍ່ພຣະເຈົ້າໂດຍເຈດຕະນາ, ໂດຍທີ່ຮູ້ຈັກພຣະບັນຍັດຂອງພຣະເຈົ້າແລ້ວແຕ່ບໍ່ຮັກສາມັນ; ງຄົນເຫລົ່ານີ້ຄືພວກທີ່ ຈບໍ່ມີສ່ວນໃນການຟື້ນຄືນຊີວິດຄັ້ງທຳອິດ.
27 ສະນັ້ນ ພວກທ່ານບໍ່ຄວນຕົວສັ່ນບໍ? ເພາະວ່າຄວາມລອດຈະບໍ່ມາເຖິງຄົນເຊັ່ນນັ້ນ; ເພາະວ່າພຣະຜູ້ເປັນເຈົ້າຈະບໍ່ໄຖ່ຄົນເຊັ່ນນັ້ນ; ແທ້ຈິງແລ້ວ, ພຣະຜູ້ເປັນເຈົ້າຈະໄຖ່ຄົນເຊັ່ນນັ້ນບໍ່ໄດ້; ເພາະວ່າພຣະອົງປະຕິເສດພຣະອົງເອງບໍ່ໄດ້; ເພາະພຣະອົງປະຕິເສດ ກຄວາມຍຸດຕິທຳບໍ່ໄດ້ເມື່ອມີການຮຽກຮ້ອງ.
28 ແລະ ບັດນີ້ຂ້າພະເຈົ້າກ່າວກັບພວກທ່ານວ່າ ເວລາຈະມາເຖິງທີ່ຄວາມລອດຈາກພຣະຜູ້ເປັນເຈົ້າຈະຖືກ ກປ່າວປະກາດແກ່ທຸກປະຊາຊາດ, ທຸກຕະກຸນ, ທຸກພາສາ, ແລະ ທຸກຜູ້ຄົນທັງປວງ.
29 ແທ້ຈິງແລ້ວ, ຂ້າແດ່ພຣະຜູ້ເປັນເຈົ້າ, ກຄົນຍາມຂອງພຣະອົງຈະຮ້ອງດ້ວຍສຽງດັງຂອງພວກເຂົາ; ພວກເຂົາຈະຮ້ອງເພງເປັນສຽງດຽວກັນ; ເພາະວ່າພວກເຂົາຈະເຫັນດ້ວຍຕາເມື່ອພຣະຜູ້ເປັນເຈົ້າຈະນຳເອົາຊີໂອນຄືນມາ.
30 ຈົ່ງເປັ່ງສຽງປິຕິຍິນດີ, ຮ້ອງເພງນຳກັນ, ກຸງເຢຣູຊາເລັມເອີຍ ເຈົ້າຜູ້ທີ່ເປັນເມືອງຮົກຮ້າງ; ເພາະພຣະຜູ້ເປັນເຈົ້າໄດ້ອອຍໃຈຜູ້ຄົນຂອງພຣະອົງແລ້ວ, ພຣະອົງໄດ້ໄຖ່ກຸງເຢຣູຊາເລັມແລ້ວ.
31 ພຣະຜູ້ເປັນເຈົ້າໄດ້ກາງແຂນອັນສັກສິດຂອງພຣະອົງໃນສາຍຕາຂອງປະຊາຊາດທັງປວງ, ແລະ ທົ່ວທີ່ສຸດຂອງແຜ່ນດິນໂລກຈະເຫັນການຊ່ວຍໃຫ້ລອດຂອງພຣະເຈົ້າຂອງພວກເຮົາ.