Buku ya Etele

1 Mpe sikawa, ngai Moloni, nakobi kokoma nsango ya bafandi bana ba kala baye babebisamaki na loboko la Nkolo likolo lya etando ya ekolo eye ya nordi.

2 Mpe nakamati nsango ya ngai uta o palaki tuku ibale na inei iye izwamaki na bato ba Limiyi, iye ibiangemi Buku ya Etele.

3 Mpe lokola nabanzi ete eteni ya yambo ya likundoli liye, liye lilobi etali bokeli bwa mokili, mpe lisusu bwa Adama, mpe nsango yoko uta o ntango ena kutu kina o linongi linene, mpe makambo kani malekaki o ntei ya bana ba bato kina o ntango ena, ezali o ntei ya Bayuda—

4 Yango wana nakomi te makambo mana maye malekaki uta o mikolo mya Adama kina o ntango ena; kasi mazwami likolo lya palaki; mpe oyo akomono mango, ye kaka akozala na nguya ete akoka kozwa nsango mobimba.

5 Kasi tala, napesi te nsango mobimba, kasi eteni yoko ya nsango napesi, uta o linongi kina babebisamaki.

6 Mpe o motindo moye napesi nsango. Ye oyo akomi nsango eye azalaki Etele, mpe azalaki eboto moko ya Koliatoli.

7 Koliatoli azalaki mwana mobali wa Molona.

8 Mpe Molona azalaki mwana mobali wa Etemi.

9 Mpe Etemi azalaki mwana mobali wa Ayaye.

10 Mpe Ayaye azalaki mwana mobali wa Sete.

11 Mpe Sete azalaki mwana mobali wa Sibiloni.

12 Mpe Sibiloni azalaki mwana mobali wa Komi.

13 Mpe Komi azalaki mwana mobali wa Koliatumi.

14 Mpe Koliatumi azalaki mwana mobali wa Aminigada.

15 Mpe Aminigada azalaki mwana mobali wa Aloni.

16 Mpe Aloni azalaki eboto moko wa Eti, oyo azalaki mwana mobali wa Alitomi.

17 Mpe Alitomi azalaki mwana mobali wa Libi.

18 Mpe Libi azalaki mwana mobali wa Kisi.

19 Mpe Kisi azalaki mwana mobali wa Kolomi.

20 Mpe Kolomi azalaki mwana mobali wa Lewi.

21 Mpe Lewi azalaki mwana mobali wa Kimi.

22 Mpe Kimi azalaki mwana mobali wa Moliatoni.

23 Mpe Moliatoni azalaki eboto moko ya Lipilakisi.

24 Mpe Lipilakisi azalaki mwana mobali wa Sezi.

25 Mpe Sezi azalaki mwana mobali wa Eti.

26 Mpe Eti azalaki mwana mobali wa Komi.

27 Mpe Komi azalaki mwana mobali wa Koliatumi.

28 Mpe Koliatumi azalaki mwana mobali wa Emele.

29 Mpe Emele azalaki mwana mobali wa Omele.

30 Mpe Omele azalaki mwana mobali wa Sule.

31 Mpe Sule azalaki mwana mobali wa Kibi.

32 Mpe Kibi azalaki mwana mobali wa Oliya, oyo azalaki mwana mobali wa Yelede;

33 Yelede oyo ayaki elongo na ndeko mobali wa ye mpe mabota ma bango, elongo na boko basusu mpe mabota ma bango, uta o linongi linene, o ntango Nkolo abulunganisaki lokota la bato, mpe alapaki ndai na nkanda ya ye ete bakopalanganisama likolo lya etando mobimba ya mabele; mpe engebene na liloba lya Nkolo bato banso bapalanganisamaki.

34 Mpe ndeko mobali wa Yelede kozalaka moto moko monene mpe mokasi, mpe moto moko asungama mingi na Nkolo, Yelede, ndeko mobali wa ye, alobaki epai ya ye: Belela epai ya Nkolo, ete abulunganisa biso te ete tokoka te kososola maloba ma biso.

35 Mpe esalemaki ete ndeko mobali wa Yelede abelelaki epai ya Nkolo, mpe Nkolo ayokaki mawa likolo lya Yelede; yango wana abulunganisaki te lokota la Yelede; mpe Yelede mpe ndeko mobali wa ye babulunganisamaki te.

36 Nde Yelede alobaki epai ya ndeko mobali wa ye: Belela lisusu epai ya Nkolo, mpe ekoki kozala ete abalola mosika nkanda ya ye uta na bango baye bazali baninga ba biso, ete abulunganisa te lokota la bango.

37 Mpe esalemaki ete ndeko mobali wa Yelede abelelaki epai ya Nkolo, mpe Nkolo ayokaki mawa likolo lya baninga ba bango mpe mabota ma bango lokola, ete babulunganisamaki te.

38 Mpe esalemaki ete Yelede alobaki lisusu epai ya ndeko mobali wa ye, kolobaka: Kende mpe tuna na Nkolo soko akobengana biso libanda lya mboka, mpe soko akobengana biso libanda lya mboka, belela epai ya Nkolo wapi tokokende. Mpe nani ayebi soko Nkolo akokumba biso o kati ya mboka eye ezali eponomo likolo lya mabele manso? Mpe soko ezali boye, tozala potongono epai ya Nkolo, ete tokoka kozwa yango mpo ya lisango lya biso.

39 Mpe esalemaki ete ndeko mobali wa Yelede abelelaki epai ya Nkolo engebene na ena eye elobamaka na monoko mwa Yelede.

40 Mpe esalemaki ete Nkolo ayokaki ndeko mobali wa Yelede, mpe ayokaki mawa likolo lya ye, mpe alobaki epai ya ye:

41 Kende mpe sangisa bibwele bya yo, babali mpe basi lokola, bya lolenge na lolenge; mpe lisusu nkona ya mabele ya lolenge na lolenge; mpe mabota ma yo, mpe lisusu Yelede ndeko mobali wa yo mpe libota lya ye; mpe lisusu na baninga ba yo mpe mabota ma bango, mpe baninga ba Yelede mpe mabota ma bango.

42 Mpe esali yo eye okokende o moto mwa bango o nse o kati ya lobwaku loye lozali epai ya nordi. Mpe kuna ekokutana ngai na yo, mpe nakokende liboso lya yo o kati ya mboka eye eponomo likolo lya mboka inso ya mabele.

43 Mpe kuna ekopambola ngai yo mpe nkona ya yo, mpe nakotelamisa epai ya ngai na nkona ya yo, mpe na nkona ya ndeko mobali wa yo lokola, mpe bango baye bakokende elongo na yo, ekolo yoko enene. Mpe ekozala yoko te enene koleka ekolo eye nakotelamisa epai ya ngai na nkona ya yo, likolo lya etando mobimba ya mabele. Boye nakosala epai ya yo zambi ntango eye elai obeleli epai ya ngai.