1 Dëgjomëni mua, ju që ndiqni drejtësinë. Shikoni ^ashkëmbin prej nga ju jeni prerë dhe zgavrën e gropës prej nga ju jeni nxjerrë.

2 Shikoni tek Abrahami, ^aati juaj dhe te ^bSara, ajo që ju lindi; sepse unë e thirra atë vetëm dhe e bekova.

3 Pasi Zoti do të ngushëllojë ^aSionin, ai do të ngushëllojë të gjitha vendet e tij të shkretuara; dhe ai do ta bëjë ^bvendin e tij të shkretë si Edenin dhe shkretëtirën e tij si kopshtin e Zotit. Gëzim e kënaqësi do të gjenden atje, falënderim dhe zëri i melodisë.

4 Dëgjomëni mua, populli im; dhe ma vër veshin O kombi im; pasi një ^aligj do të dalë prej meje dhe unë do të bëj që gjykimi im të jetë si një ^bdritë për popullin.

5 Drejtësia ime është e afërt; ^ashpëtimi im është dukur dhe krahu im do të gjykojë njerëzit. ^bIshujt do të presin tek unë dhe mbi krahun tim ata do të besojnë.

6 Ngrini sytë tuaj drejt qiejve dhe shikoni mbi tokën poshtë; pasi ^aqiejt do të ^bzhduken si tym dhe toka do të ^cvjetërohet si një rrobë; dhe ata që banojnë në të do të vdesin në të njëjtën mënyrë. Por, shpëtimi im do të jetë përgjithmonë dhe drejtësia ime nuk do të zhduket.

7 Dëgjoni tek unë, ju që njihni drejtësi, populli në zemrën e të cilit unë kam shkruar ligjin tim, mos ki ^afrikë qortimet e njerëzve, as mos ki frikë nga sharjet e tyre.

8 Pasi, mola do t’i hajë si një rrobë dhe krimbi do t’i hajë ata si leshin. Por, drejtësia ime do të jetë përgjithmonë dhe shpëtimi im nga brezi në brez.

9 Zgjohu, zgjohu! Vish ^afuqi, O krah i Zotit; zgjohu si në kohët e lashta. A nuk je ti ai që preu Rahabin dhe plagosi dragoin?

10 A nuk je ti ai që shteri detin, ujërat e thellësisë së madhe; që i bëre thellësitë e detit një ^audhë, që të kalonin mbi të ata që ishin peng?

11 Prandaj, të ^ashëlbuarit e Zotit do të kthehen dhe do të vijnë me ^bkëngë në Sion; dhe gëzim dhe shenjtërim të përhershëm do të ketë mbi kokën e tyre; dhe ata do të marrin kënaqësi dhe gëzim; pikëllimi dhe ^czia do të zhduken.

12 ^aUnë jam ai; po, unë jam ai që të ngushëllon. Vër re, kush je ti, që ti duhet të kesh ^bfrikë nga njeriu që do të vdesë dhe nga biri i njeriut që do të bëhet si ^cbar?

13 Dhe ^aharron Zotin, krijuesin tënd, që ka hapur qiejt dhe ka hedhur themelet e tokës dhe ke frikë vazhdimisht çdo ditë, për shkak të tërbimit të shtypësit, sikur ai të jetë gati të shkatërrojë? Dhe ku është tërbimi i shtypësit?

14 I burgosuri i mërguar nxiton, që ai të mund të lirohet dhe që ai të mos vdesë në gropë, as që buka e tij të mungojë.

15 Por unë jam Zoti Perëndia yt, ^avalët e të cilit gjëmojnë; Zoti i Ushtrive është emri im.

16 Dhe unë i kam vënë fjalët e mia në gojën tënde dhe të kam mbuluar me hijen e dorës sime, që unë të mund të vendos qiejt dhe të hedh themelet e tokës dhe t’i them Sionit: Shiko, ti je ^apopulli im.

17 Zgjohu, zgjohu, ngrihu, O Jeruzalem, që ke pirë nga dora e Zotit ^akupën e ^btërbimit të tij—ti ke pirë llumin e kupës së tmerrit—

18 Dhe nuk ka asnjë që ta udhëheqë atë midis të gjithë bijve që lindi; as që ta marrë për dore, nga të gjithë bijtë që rriti.

19 Këta dy ^adjem të kanë ardhur ty, të cilëve do t’u vijë keq për ty—për shkretimin dhe shkatërrimin tënd dhe urinë dhe shpatën—dhe me cilët do të të ngushëlloj unë?

20 Djemtë e tu kanë dështuar, me përjashtim të këtyre të dyve; ata gjenden në krye të të gjitha udhëve; si një buall i egër në një rrjetë, ata janë plot me tërbimin e Zotit, qortimin e Perëndisë tënd.

21 Prandaj, dëgjo tani këtë, ti i pikëlluar dhe i ^adehur, por jo me verë:

22 Kështu thotë Zoti yt, Zoti dhe Perëndia yt ^ambron çështjen e popullit të tij; vini re, unë ta kam hequr nga dora kupën e tmerrit, llumin e kupës së tërbimit tim; ti nuk do ta pish më atë përsëri.

23 Por, ^ado ta vë atë në dorën e atyre që të hidhërojnë ty; të cilët i kanë thënë shpirtit tënd: Kërrusu, që ne të mund të kalojmë mbi ty—dhe ti ke vënë trupin tënd, si toka dhe si udha, për ata që të kalonin sipër.

24 ^aZgjohu, zgjohu, vish ^bfuqinë tënde, O ^cSion; vish rrobat e tua të bukura, O Jeruzalem, qyteti i shenjtë; pasi tani e tutje ^dnuk do të hyjë më në ty i parrethpreri dhe i papastri.

25 Shkunde pluhurin, ^angrihu, ulu, O Jeruzalem, çlirohu nga ^brripat e qafës tënde, O bijë e robëruar e Sionit.