“Ang mga Israelnon sa Kamingawan,” Mga Sugilanon sa Daan nga Katipan (2022)
“Ang mga Israelnon sa Kamingawan,” Mga Sugilanon sa Daan nga Katipan
Ang mga Israelnon sa Kamingawan
Pagtuon nga magsalig sa Ginuo
Pagkatapos lang nga magbiya ang mga Israelnon sa Egipto, nagreklamo sila nga kulang ang ila pagkaon. Siling nila nga mas maayo pa nga mangin mga ulipon sa Egipto sangsa magutman sa kamingawan.
Para tudloan ang mga Israelnon nga magsalig sa Iya, nagpadala ang Ginuo sang tinapay halin sa langit para pamuluton nila kada adlaw. Gintawag nila ang tinapay nga mana. Ang sabor sini daw pulot (honey). Ang Ginuo wala nagpadala sang mana sa Adlaw nga Inugpahuway, ang ikapito nga adlaw sang semana. Gani sa ikaanum nga adlaw, ginhambalan Niya sila nga magpamulot sang hustohan nga mana para sa duha ka adlaw.
Sa isa ka tion, nagpadala man ang Ginuo sang pitaw (quail) para kaunon sang mga Israelnon. Sa aga nagapamulot sila sang mana, kag sa gab-i nagapanipon sila sang pitaw. Gusto sang Ginuo nga ang mga Israelnon makatuon nga magsalig sa Iya. Sa sini nga paagi, Iya sila gin-atipan sa kamingawan.