“Si Noe kag ang Iya Pamilya,” Mga Sugilanon sa Daan nga Katipan (2022)
“Si Noe kag ang Iya Pamilya,” Mga Sugilanon sa Daan nga Katipan
Genesis 6–9; Moises 8
Si Noe kag ang Iya Pamilya
Ang arka, ang baha, kag mga promisa sang Ginuo
Si Noe kag ang iya pamilya nagtuman sa Ginuo. Ang tanan nga iban nga tawo mga malain kaayo. Ginhambalan sang Ginuo si Noe nga may baha nga magatabon sa kalibutan kon indi maghinulsol ang mga tawo.
Genesis 6:5–13; Moises 8:13–17
Gintudlo ni Noe sa mga tawo nga palangga sila sang Ginuo kag gusto Niya nga maghinulsol sila kag mag-angkon sang pagtuo kay Jesucristo. Indi sila magpamati.
Nasuboan si Noe nga indi maghinulsol ang mga tawo. Ginhambalan sang Ginuo si Noe nga maghimo sang dako nga barko nga gintawag nga arka. Ang arka ang magaamlig sa pamilya ni Noe sa tion sang pagbaha.
Nagdala ang pamilya ni Noe sang mga pagkaon sa sulod sang arka. Nagpadala ang Ginuo sang duha kada klase sang kasapatan kay Noe. Ang mga kasapatan nagsulod sa arka, kag pagkatapos sang pito ka adlaw nagsugod ang pag-ulan.
Pareho sa ginpaandam sang Ginuo, nag-ulan sing 40 ka adlaw kag 40 ka gab-i. Natabunan sang baha sang bilog nga kalibutan.
Nagpalutaw-lutaw nga luwas sa tubig ang pamilya ni Noe kag ang tanan nga kasapatan sa arka.
Sang matapos ang baha, nagdungka ang arka sa mala nga duta. Naghimo si Noe kag ang iya pamilya sang altar para magsimba sa Ginuo kag magpasalamat sa Iya sa pagprotekta sa ila. Nagpromisa ang Ginuo nga indi na pagpabahaan liwat ang duta. Nagpadala Sia sang balangaw bilang pahanumdom sang Iya promisa.