“Si Hagar,” Mga Sugilanon sa Daan nga Katipan (2022)
“Si Hagar,” Mga Sugilanon sa Daan nga Katipan
Si Hagar
Ang plano sang Ginuo para sa Iya anak nga babayi
Si Hagar suluguon ni Sara. Tigulang na si Sara kag wala sing mga anak. Ginhambalan niya ang iya bana, nga si Abraham, nga pangasaw-on si Hagar para makaangkon sila sang mga anak. Nagpakasal si Abraham kag Hagar, kag wala madugayi magabata na si Hagar.
Nagsugod na nga magdisgustohanay sanday Hagar kag Sara. Ginpili ni Hagar nga magpalagyo pakadto sa disyerto.
Samtang nagapanglakaton si Hagar, ginkapoy sia kag gin-uhaw. Sang ulihi, nakalab-ot sia sa lugar nga may tubig kag nagpahuway didto.
Nahibal-an sang Ginuo ang mga problema ni Hagar kag may plano sia para buligan sia. Nagpadala sia sang anghel agud pangabayon sia nga magbalik sa ila ni Abraham kag Sara. Ginpromisa niya nga ang pamilya ni Hagar magadako. Siling niya nga lalaki ang iya mangin lapsag kag dapat niya sia ngalanan nga Ismael.
Nagsalig si Hagar sa Ginuo kag gintuman ang anghel. Nagbalik sia kanday Abraham kag Sara. Ginbata ni Hagar ang iya lapsag nga lalaki, kag ang iya ngalan Ismael. Nahibal-an ni Hagar nga ginabantayan sia sang Ginuo.